۲ قُرِنتُس‌لار 3:6 - مُقادِّس کیتاب

⁶ اُل بیزه تَزه عَهدینگ خیدماتچیلاری بُلماق باشارجاغینی بِردی.‏ بو عَهد یازیلان شِریغاتینگ اوستو بیلِن دَل-ده، مُقادِّس روحونگ اوستو بیلِن قاییملاناندیر.‏ چونکی یازیلان شِریغات اُلومه اِلتیَر، اِمّا مُقادِّس روح بُلسا یاشاییش بِریَر.‏

۲ قُرِنتُس‌لار 3:6 ပူးပေါင်းရင်းမြစ်များ

مَتّیٰ 13:52

عیسی اُلارا:‏ ‏«‏شُنونگ اوچین هِم آسمانینگ پادیشاهلیغی دییّپ تَعلیمات آلان هِر بیر دین عالیم خازیناسیندان تَزه و کُهنه زاتلار چیقاریان اُی اِیه‌سینه مِنگزِیَندیر»‏ دییدی.‏

مَتّیٰ 26:28

بو هِمّه آداملارینگ گونَه‌لِرینینگ باغیشلانماغی اوچین دُکولیپ، تَزه عَهدی بِرجای اِدیَن مِنینگ قانیمدیر.‏

مَرقُس 14:24

سُنگرا عیسی اُلارا:‏ ‏«‏بو مِنینگ کَن آداملار اوچین دُکولیَن تَزه عَهد قانیمدیر.‏

لوقا 22:20

شِیله هِم شامدان سُنگ، شِرابلی کَسَنی آلیپ، اُلارا:‏ ‏«‏بو کَسه مِنینگ سیزینگ اوچین دُکولیَن قانیم سِبَبی باغلانیشیلان تَزه عَهددیر.‏

یوحنا 5:21

آتانینگ اُلولِری دیرِلدیشی یالی، اُغول-دا ایسلَن آدامی دیرِلدِر.‏

یوحنا 6:63

یاشاییش بِریَن روحدیر، اینسان گویجونینگ پِیداسی یُقدور.‏ مِنینگ سیزه آیدیان سُزلِریم مُقادِّس روحداندیر و یاشاییش بِریَندیر.‏

رومیلار 1:5

خودای بیزه عیسی مسیحینگ اوستو بیلِن مِرحِمِت اِدیپ، رِسولّیغا سایلادی.‏ اُل مونی هِمّه میلِّتلِرینگ خودایا ایمان گِتیریپ، اُنگا موطیع بُلماغی، عیسی مسیحینگ آدینینگ بِییکلِنمِگی اوچین اِتدی.‏

رومیلار 3:20

شِیلِلیکده، شِریغاتینگ تابشیریقلارینی بِرجای اِتمِگینگ اوستو بیلِن خودایینگ حوضوریندا هیچ کیم آقلانیپ بیلمِز.‏ تِرسینه، بو شِریغاتینگ اوستو بیلِن آدام اُزونینگ گونَه‌لیدیگینه قاوی بیلیَر.‏

رومیلار 4:15

سِبَبی بو شِریغاتینگ پُزولماغی خودایی غاضابلاندیریار.‏ اِمّا شِریغاتینگ بُلمادیق یِرینده شِریغاتی پُزماقلیق-دا یُقدور.‏

رومیلار 7:6

اِمّا بیز اُزومیزی دانگیلماقدا ساقلان شِریغات باباتدا اُلوپ، اُندان آزاد اِدیلدیک.‏ بیز ایندی شِریغاتا موطیع بُلان کُهنه یُل‍لارا گُرَه دَل-ده، شِیله بُلسا مُقادِّس روحونگ ایزینا دوشوپ تَزه یُل‍لارا گُرَه خودایا خیدمات اِدیپ بیلِریس.‏

رومیلار 8:2

سِبَبی یاشاییش بِریَن روحونگ قانونی بیزی عیسی مسیحینگ اوستو بیلِن گونَه‌نینگ و اُلومینگ قانونیندان آزاد اِتدی.‏

۱ قُرِنتُس‌لار 11:25

شونونگ یالی، شامدان سُنگ شِرابلی کَسَنی آلیپ:‏ ‏«‏بو شِراب مِنینگ قانیمینگ اوستو بیلِن باغلانیشیلان تَزه عَهددیر.‏ اُندان هِر گِزِک ایچِنینگیزده، مونی مِنی یادلاماق اوچین بِرجای اِدینگ»‏ دییدی.‏

۱ قُرِنتُس‌لار 12:28

خودای کِلیسادا اَوَّل رِسول‍لاری، سُنگرا نبوّت اِدیَنلِری، اوچونجی مُعلِّملِری بِلِّدی.‏ سُنگرا مُعجِزه گُرکِزیَنلِری و شِفا بِریَنلِری، یاردیم بِریَنلِری و مُدیرلاری، سُنگرا بِلّی دَل دیل‍لِرده گورلِیَنلِری بِلِّدی.‏

۱ قُرِنتُس‌لار 15:45

چونکی مُقادِّس یازغیلاردا شِیله یازیلاندیر:‏ ‏«‏اَوَّلکی اینسان، یَعنی آدام، جانلی یاشایان بُلدی»‏.‏ آخیرقی آدام، یَعنی عیسی، یاشاییش بِریَن روح بُلدی.‏

۱ قُرِنتُس‌لار 3:10

مِن خودایینگ اُزومه بِرِن مِرحِمِتینینگ اوستو بیلِن عماراتینگ اوسّاسی کیمین عماراتینگ بُنیادینی قوردوم.‏ باشغا بیری بُلسا عماراتی بِجِریَر.‏ یُنه هِر کِس اُز بِجِریَنی باباتدا دیقّاتلی بُلمالیدیر.‏

۱ قُرِنتُس‌لار 3:5

آپولُس کیم؟ پولس کیم؟ بولار سیزینگ عیسی مسیحه ایمان گِتیرمِگینگیزه یاردیم بِرِن خیدماتچیلار آخیرین.‏ خودایینگ بِلّی اِدیشی یالی، بیزینگ هِر بیریمیز اُز ایشیمیزی یِرینه یِتیردیک.‏

۲ قُرِنتُس‌لار 11:23

مسیحینگ خیدماتکَرلِریمی؟ دیوانالار یالی شونی دییَّرین:‏ مِن اُلاردان-دا کَنرَکدیرین!‏ مِن اُلاردان خاص کَن زَحمِت چِکدیم، زیندانلارا-دا اُلاردان نَچه گِزِک-ده کَن دوشدوم.‏ یِنجیلمِکده-ده اُلاردان کَن اورلوپ-یِنجیلدیم.‏ اُلار بیلِن دِنگِشدیریلِنده اُلوم خاطاری بیلِن نَچه گِزِک یوزبه-یوز بُلدوم.‏

۲ قُرِنتُس‌لار 3:14

یُنه اُلارینگ عاقیلی چاتمادی، سِبَبی کُهنه عَهد اُلارا اُقیلیپ بِرلِنده، بو اُرتگی هِنیز-ده یوزلِرینی باسیریاندیر.‏ چونکی بو اُرتگی دینگه عیسی مسیحه ایمان گِتیرلِنده آیریلیار.‏

۲ قُرِنتُس‌لار 3:3

مسیحینگ نامه‌سی سیزسینگیز، بو مِسه-معلیم زات و بو نامه‌میز خیدماتیمیزینگ نِتیجه‌سیدیر.‏ بیز اُنی جوهِر بیلِن دَل-ده، دیری خودایینگ روحونینگ اوستو بیلِن یازدیق.‏ اُل یاسّی داش بُلِکلِرینه دَل-ده، اینسان یورِگینه یازیلاندیر.‏

۲ قُرِنتُس‌لار 3:7

هاووا، داش بُلِکلِرینه قازیلیپ یازیلان شِریغات اُلومه اِلتیَردی.‏ اِمّا مونگا باقمازدان، خودایینگ بِییکلیگی موسانینگ یوزونه نور دوشوروپدی.‏ بو نور فانی بُلسا-دا، اسرائیل خالقینینگ گُزونی یومدیریپدی.‏ اِگِر اُلومه اِلتیَن خیدماتینگ بِییکلیگی شِیله بُلسا،

۲ قُرِنتُس‌لار 3:9

اِگِر آداملاری اُلومه مَحکوم اِدیَن خیدمات بِییک بُلان بُلسا، اُندا آداملاری خودایینگ ناظاریندا تاقوالی اِدیَن خیدماتینگ بِییکلیگی اُندان-دا خاص بِییکدیر.‏

غَلاطیه‌لِر 3:21

دییمِک، شِریغات خودایینگ واعداسینا تِرس چیقیار-دا؟ اِلبِتّه، یُق!‏ یُنه شِریغات بیزه یاشاییش بِریپ بیلمِیَر آخیرین.‏ مونگا گُرَه، اُنونگ اوستو بیلِن تاقوالیغی-دا قازانیپ بیلمِیَریس.‏

اِفِسُسلار 2:1

اُوال سیز موطیع‌سیزلیغینگیز و گونَه‌لِرینگیز سِبَپلی اُلودینگیز.‏

اِفِسُسلار 3:7

مِن خودایینگ بِییک قودراتی و هُدورلَن مِرحِمِتینگ اوستو بیلِن خوش خابارینگ خیدماتچیسی بُلدوم.‏

۱ تیموتاوس 4:6

اِی اُغلوم، اِگِر سِن بولاری دُغانلارا اُورِتسِنگ، اُز ایزینا دوشِن ایمانینگ باراداقی حاقیقات تَعلیماتینینگ سُزلِری بیلِن یِتیشدیریلِرسینگ.‏ شِیدیپ، عیسی مسیحینگ قاوی خیدماتچیسی بُلارسینگ.‏

۲ تیموتاوس 1:11

مِن هِم بو خوش خابارینگ اِعلانچیسی، رِسولی و مُعلِّمی اِدیلیپ بِلِّندیم.‏

عِبرانیلار 12:24

سیز تَزه عَهدینگ بُنیاتچیسی عیسانینگ حوضورینا گِلدینگیز.‏ هابیل‌ینگ اِنتِقام آلماغا قیغیریان قانینا دَل-ده، شِیله بُلسا گونَه‌لِریمیزی یووماق اوچین سِپیلِن عیسانینگ قانینا یاقینلاشدینگیز.‏

عِبرانیلار 13:20

ایسلِگینی یِرینه یِتیرمِگیمیز اوچین، قُی، پاراحاتلیق بِریَن خودای بیزی هِمّه گِرِکلی زاتلار بیلِن دُلی تاییار اِتسین.‏ اُل تانگریمیز عیسانی اِبِدیلیک عَهد باغلاشیان قانینینگ اوستو بیلِن اُلومدِن دیرِلتدی و اُنی اُز قُیونلارینینگ یَعنی خالقینینگ بِییک چُپانی اِدیپ بِلِّدی.‏ قُی، خودای اُزونی خُشنود اِدیَن ایشلِری اِتمِگیمیز اوچین، عیسی مسیحینگ اوستو بیلِن بیزی کَمیلِّشدیرسین.‏ عیسی مسیحه اِبِدی بِییکلیک بُلسون!‏ اَمین.‏

عِبرانیلار 7:22

بو قاسامینگ اوستو بیلِن عیسی خاص قاوی عَهدینگ ضامِنی بُلدی.‏

عِبرانیلار 8:13

خودای بو عَهده ‏«‏تَزه»‏ دییمِک بیلِن، اُوالقی عَهدینگ کُهنه‌لِندیگینی گُرکِزدی.‏ کُهنه‌لیپ، ضایالانان زات بُلسا، باسیم یُق بُلوپ گیدیَندیر.‏

۱ پِطرُس 3:18

مسیح هِم بیزی خودایینگ یانینا اِلتمِک اوچین، گونَه‌لِر سِبَپلی هِمیشه‌لیک و بیر گِزِک عاذاپ چِکدی.‏ اُزی عادیل بُلسا-دا، گونَه‌کَرلِر اوچین اُلدی.‏ بِدِن تایدان اُلدوریلسه-ده، اِمّا روح تایدان اُل دیرِلدیلدی.‏

۱ یوحنا 1:1

بیز سیزه اُزال-باشدان بار بُلان یاشاییش سُزی بارادا خابار بِریَریس.‏ قولاغیمیز بیلِن اِشیدیپ، اِلیمیز بیلِن توتوپ، گُزومیز بیلِن گُرِنلِریمیزی اِعلان اِدیَریس.‏