۲ قُرِنتُس‌لار 3:18 - مُقادِّس کیتاب

¹⁸ بیز هِم یوزومیزی باسیرمان، خودایینگ بِییکلیگینینگ یالقیمینی گُریَریس.‏ خودایینگ روحی هِمَّه‌میزی گیتدیگیچه نورلاندیریپ، بیزی اُز صوراتینا اویتگِدیَر.‏

۲ قُرِنتُس‌لار 3:18 ပူးပေါင်းရင်းမြစ်များ

یوحنا 1:14

سُز اینسان بُلوپ، آرامیزدا گِلیپ یاشادی.‏ اُل مِرحِمِتدِن و حاقیقاتدان دُلودی.‏ بیز اُنونگ بِییکلیگینی، یَعنی آتادان گِلِن یِکِجه اُغلونینگ بِییکلیگینی گُردوک.‏

یوحنا 12:41

اِشعیا عیسانینگ بِییکلیگینی گُروپ، بو سُزلِری اُل حاقدا آیدیپدیر.‏

یوحنا 17:22

مانگا بِرِن بِییکلینگی اُلارا-دا بِردیم.‏ بیزینگ بیر بُلشومیز یالی، اُلار-دا بیر بُلسون.‏

یوحنا 17:24

اِی آتا، سِنینگ مانگا بِرِن اینسانلارینگ-دا مِنینگ بیلِن بیر یِرده بُلماقلارینی ایسلِیَرین.‏ شِیله هِم، دِگمه، اُلار مِنینگ بِییکلیگیمی و سِنینگ مانگا بِرِن بِییکلینگی گُرسونلِر.‏ چونکی سِن مِنی دونیَه یارادیلمازدان اُنگ سُییَردینگ.‏

رومیلار 12:2

بو دونیَه‌نینگ یُل‍لارینا مِنگزِشجِک بُلمانگ.‏ تِرسینه، فیکرلِرینگیزی تَزه‌لَپ، اویتگِدینگ.‏ شِیتسِنگیز، خودایینگ ایسلِگینه دوشونمِگی، یَعنی نَمه زات قاوی، حالایانی و کَمیلدیگینی بیلمِگی باشارارسینگیز.‏

رومیلار 13:14

اینسان هُوِسلِرینگیزی نَدیپ راضیلاندیرارقام دییّپ فیکرلِنمِنگ-ده، قایتام، تانگریمیز عیسی مسیحه گِیینینگ.‏

رومیلار 8:29

چونکی خودای اُلاری اُووندِن سایلاپ-سِچدی و ‏«‏مِنینگ اُغلوما مِنگزِسینلِر»‏ دییّپ، اُنگدِن بِلَّپ قُیدی.‏ اُل مونی عیسی مسیحینگ کَن اِرکِک و آیال دُغانلارینینگ آراسیندا باشداقی بُلماغی اوچین عِمِل اِتدی.‏

رومیلار 8:4

خودای مونی شِریغاتینگ عادالاتلی ایسلِگلِرینینگ بیزده بِرجای بُلماغی اوچین عِمِل اِتدی.‏ شونلوقدا، بیز ایندی اینسان هُوِسلِریمیزه گُرَه دَل-ده، روحا گُرَه یاشایاریس.‏

رومیلار 8:7

اینسان هُوِسلِریندِن دُرِیَن فیکرلِر خودایا دوشماندیر.‏ سِبَبی اُلار خودایینگ شِریغاتینا موطیع دَلدیر، آصلیندا موطیع بُلماغی هِم باشاریان دَلدیر.‏

۱ قُرِنتُس‌لار 13:12

حَضیر هِمّه زادی توتوق آینادان گُریَن یالی گُریَریس.‏ اِمّا سُنگرا هِمّه زادی یوزبه-یوز گُرِریس.‏ مِن حَضیر آزاجیق بیلیَرین، یُنه شُندا خودایینگ مِنی کَمیل تانیشی یالی کَمیل تانییارین.‏

۱ قُرِنتُس‌لار 15:49

بیز تُپراقدان یارادیلان اینسانا نَهیلی مِنگزَن بُلساق، آسماندان بُلانا هِم شِیله مِنگزَریس.‏

۲ قُرِنتُس‌لار 3:17

خودای روحدیر و خودایینگ روحی نیرِده بُلسا، آزادلیق هِم شُل یِردِدیر.‏

۲ قُرِنتُس‌لار 4:4

بو دونیَه‌نینگ حُکومداری شِیطان ایمان گِتیرمِدیکلِرینگ دوشومینی باغلادی.‏ شُنونگ اوچین-ده اُلار خودایینگ صوراتی بُلان عیسی مسیحینگ بِییکلیگینینگ خوش خابارینینگ نورینی گُروپ بیلمِیَرلِر.‏

۲ قُرِنتُس‌لار 4:6

چونکی ‏«‏قارانگقیلیقدا نور پارلاسین»‏ دییِن خودای بیزینگ-ده یورِکلِریمیزی یاغتیلاندیریپ، عیسی مسیحینگ یوزونده پارلایان اُز بِییکلیگینی بیزه تانیتدی.‏

۲ قُرِنتُس‌لار 5:17

شُنگا گُرَه-ده، کیم عیسی مسیحده بُلسا، اُل تَزه یارادیلیشدیر.‏ کُهنه زاتلار گِچیپ گیتدی، ایندی هِمّه زات تَزه بُلدی!‏

غَلاطیه‌لِر 6:15

چونکی نه سونِّتلیلیگینگ، نه-ده سونِّتسیزلیگینگ اَهمییِتی باردیر.‏ یِکه تَزه یارادیلیش اَهمییِتلیدیر.‏

کولُسیلِر 3:10

ایندی یارادانینگ صوراتینا مِنگزِمِکده و اُنی کَمیل تانیماقدا تَزه یارادیلیشا گِیینینگ.‏

۱ تیموتاوس 1:11

هاووا، پَک خودای مانگا اینانیپ بِرِن بِییک خوش خاباری اِدیل شِیله اُورِدیَندیر.‏

تیتوس 3:5

بیز دُغرولیغا دایانیپ اِدِن ایشلِریمیزینگ اوستو بیلِن دَل-ده، اُنونگ رِحم-شِپاقاتینینگ اوستو بیلِن نِجات بِریلدیک.‏ خودای بیزی مُقادِّس روحونگ اوستو بیلِن اویتگِدیپ، قایتادان دُغلوشینگ اوستو بیلِن پَکلِدی.‏

یعقوب 1:23

کیم سُزی اِشیتیپ، اُنی عِمِل اِتمِیَن بُلسا، اُل آینادا یوزونی گُریَن آدام یالیدیر.‏

۱ یوحنا 3:2

عزیزلِریم، بیز ایندی خودایینگ فِرزِنتلِریدیریس.‏ بیزینگ نَهیلی اویتگِجِکدیگیمیز هِنیز بِلّی دَل، اِمّا مسیحینگ گِلیپ گُرِنجِک واقتیندا اُنگا مِنگزِجِکدیگیمیزی بیلیَریس، سِبَبی اُنی بُلشی یالی گُرِریس.‏