۲ قُرِنتُس‌لار 13:11 - مُقادِّس کیتاب

¹¹ شونلوقدا، اِی عزیزلِر، شاتلانینگ!‏ اُسمِگینگیز و کَمیلِّشمِگینگیز اوچین چالیشینگ، آیدیانلاریما قولاق آسینگ، بیر فیکرده بُلونگ، پاراحات یاشانگ.‏ شُندا سُیگی و پاراحاتلیق خودایی سیزینگ بیلِن بُلار.‏

۲ قُرِنتُس‌لار 13:11 ပူးပေါင်းရင်းမြစ်များ

مَتّیٰ 5:48

شِیلِلیکده، آسمانداقی آتانگیزینگ کَمیل بُلشی یالی، سیز هِم کَمیل بُلونگ.‏»‏

مَرقُس 10:49

عیسی دوروپ:‏ ‏«‏اُنی چاغیرینگ»‏ دییدی.‏ کُره:‏ ‏«‏خاطیرجِم بُل، تور یِرینگدِن، اُل سِنی چاغیریار»‏ دییدیلِر.‏

مَرقُس 9:50

دوز قاوی زاتدیر، یُنه دوز طاغامینی ییتیرسه، اُندا اُل نَمه بیلِن دوزلانار؟ دوز یالی طاغاملی بُلونگ، اُزآرانگیزدا پاراحاتلیقدا یاشانگ.‏»‏

لوقا 9:61

یِنه بیریسی:‏ ‏«‏آقام!‏ سِنینگ ایزینگا دوشِیین، یُنه اِجازا بِر، اُوونچَک ماشغالام بیلِن خوشلاشایین»‏ دییدی.‏

یوحنا 17:23

مِن اُلاردادیرین، سِن بُلسا مِندِسینگ.‏ مِنی سِنینگ ایبِرِندیگینگی، مِنی سُیشونگ کیمین اُلاری-دا سُییَندیگینگی دونیَه بیلِر یالی، اُلار کَمیل بیرلیکده بُلسونلار.‏

رِسول‍لار 15:29

بُتلارا هُدورلِنِن قربانلیق اِتینی اییمِکدِن، زینادان، داماغی چالینمادیق حایوانینگ اِتیندِن و قانیندان داش دورونگ.‏ شولاردان ساقلانسانگیز، یاخشی ایش اِدِرسینگیز.‏ خوش، ساغ-سالامات بُلونگ.‏»‏

رِسول‍لار 18:21

خوشلاشمازدان اُنگ، اُلارا سُز بِریپ:‏ ‏«‏خودای ایسلِسَه، یانینگیزا یِنه گِلِرین»‏ دییدی.‏ شوندان سُنگ اِفِسُسی قالدیریپ، کِشتی بیلِن یُلا دوشدی.‏

رِسول‍لار 23:30

بو آداما بِد نییِت اِدیلجِک بُلیاندیغی باراداقی خاباری آلانیمدا بُلسا، اُنی شو واقتدا سِنینگ یانینگا ایبِرمِگی قارار اِتدیم.‏ اُنی عاییپلایانلارا-دا اُز شیکایاتلارینی سانگا معلیم اِتمِکلِرینی تابشیردیم.‏»‏

رومیلار 12:16

بیری-بیرینگیز بیلِن اُنگشوقلی بُلونگ.‏ مَغرور بُلمانگ، یُقسیز آداملار بیلِن دُست بُلونگ، اُزونگیزی بِیلِکیلِردِن عاقیلّی سایمانگ.‏

رومیلار 12:18

باشاردیغینگیزدان هِمّه‌لِر بیلِن پاراحاتلیقدا یاشاجاق بُلونگ.‏

رومیلار 14:19

شُنونگ اوچین-ده، پاراحاتلیغا و بیری-بیریمیزی ایماندا گویچلِندیرمَگه یاردیم اِتجِک ایشلِری اِتمَگه چالیشایلینگ.‏

رومیلار 15:13

مُقادِّس روحونگ گویجی بیلِن اومیدینگیزینگ آرتماغی اوچین، اومیدینگ چِشمه‌سی بُلان خودای ایمانینگیزینگ اوستو بیلِن، قُی، سیزی شاتلیقدان و پاراحاتلیقدان دُس-دُلی اِتسین.‏

رومیلار 15:33

پاراحاتلیغینگ خودایی، قُی، سیزینگ بارینگیزا یار بُلسون!‏ اَمین!‏

رومیلار 16:20

پاراحاتلیغینگ چِشمه‌سی بُلان خودای بُلسا تیز واقتدا شِیطانی آیاقلارینگیزینگ آشاغیندا باسار.‏ قُی، تانگریمیز عیسی مسیحینگ مِرحِمِتی سیزه یار بُلسون!‏

۱ قُرِنتُس‌لار 1:10

اِی عزیزلِر، مِن سیزه تانگریمیز عیسی مسیحینگ آدیندان یالباریارین:‏ بیری-بیرینگیز بیلِن راضیلاشیقلی بُلونگ.‏ آرانگیزدا بُلونیشیکلِره یُل بِرمَنگ، فیکرلِرینگیز و ایسلِگلِرینگیز بیر بُلسون.‏

۲ قُرِنتُس‌لار 1:4

خودای هِمّه قینچیلیقلاریمیزدا بیزه تِسِلّی بِریَر.‏ بیز هِم اُز نوبَتیمیزدا هِر هیلی قینچیلیقلارا دوچار بُلان آداملارا خودایدان آلان تِسِلّیمیزینگ اوستو بیلِن تِسِلّی بِریَریس.‏

۲ قُرِنتُس‌لار 13:14

قُی، تانگریمیز عیسی مسیحینگ مِرحِمِتی، خودایینگ سُیگوسی و مُقادِّس روحونگ قاتناشیغی سیزینگ هِمَّه‌نگیزده بُلسون!‏

۲ قُرِنتُس‌لار 13:9

سِبَبی هاچان بیز اُزومیز اِجیز، سیز-ده گویچلی بُلانینگیزدا شاتلانیاریس.‏ شُنونگ اوچین-ده، سیزینگ اُسمِنگیز و کَمیلِّشمِنگیز اوچین دُغا اِدیَریس.‏

اِفِسُسلار 4:12

اُلارینگ وِظیفه‌سی خودایینگ خالقینی اُنگا خیدمات اِتمَگه تاییارلاماقدان و مسیحینگ بِدِنی بُلان کِلیسانی گویچلی اِتمِکدِن عیباراتدیر.‏

اِفِسُسلار 4:3

اُزآرا پاراحاتلیقدا یاشاپ، مُقادِّس روحونگ بیرلیگینی قُریماغا تاقالّا اِدینگ.‏

اِفِسُسلار 6:23

آتامیز خودایدان، تانگریمیز عیسی مسیحدِن دُغانلاریمیزا پاراحاتلیق، ایمان و سُیگی دیلِیَرین.‏

فیلیپیلِر 1:27

اِی عزیزلِر، یاشاییش و گِزیشینگیز مسیحینگ خوش خابارینا لاییق بُلسون.‏ شُندا یانینگیزا باریپ سیزی گُرسِم-ده، یانینگیزدا بُلمان، سیز بارادا اِشیتسِم-ده، خوش خابارا دایانیان ایمان اوغروندا بیر بِدِن یالی گُرِشیپ، یِکه بیر روحدا قاییم دوراندیغینگیزی بیلِرین.‏

فیلیپیلِر 3:16

یُنه نَمه یِتِن بُلساق شُل یُلا لاییق بُلوپ گِزِیلینگ.‏

فیلیپیلِر 4:2

مِن اِفودیِدِن و سینتیخیدِن یالباریارین:‏ مسیحده ایلالاشیقلی بُلونگ.‏

فیلیپیلِر 4:4

مسیحده هِمیشه شاتلانینگ.‏ یِنه-ده قایتالایارین:‏ شاتلانینگ!‏

فیلیپیلِر 4:9

مِندِن اُورِنِن، قابول اِدِن، اِشیدِن و گُرِن زاتلارینگیزی عِمِل اِدینگ.‏ شُندا پاراحاتلیق بِریَن خودای سیزینگ بیلِن بُلار.‏

۱ تِسالونیکیلِر 3:10

بیز دیدارینگیزی گُرمِک و ایمانینگیزینگ آرتماغی اوچین، گیجه-گوندیز تویس یورِکدِن دُغا اِدیَریس.‏

۱ تِسالونیکیلِر 4:1

اِی عزیزلِر، بیز خودایی راضی اِتمِک اوچین نَهیلی یاشامالیدیغینی سیزه اُورِتدیک.‏ سیز حاقیقاتدان هِم شِیله یاشایارسینگیز.‏ ایندی بُلسا شِیله یاشاماقدا خاص-دا اُسمِگینگیزی تانگری عیسانینگ آدیندان سیزه تابشیریاریس.‏

۱ تِسالونیکیلِر 4:18

شُنگا گُرَه-ده، شو سُزلِر بیلِن بیری-بیرینگیزه گُوونلیک بِرینگ.‏

۱ تِسالونیکیلِر 5:13

اِدیَن ایشلِری اوچین اُلاری سُیونگ، اُلارا اولی حُرمات قُیونگ و اُزآرا پاراحاتچیلیقدا یاشانگ.‏

۱ تِسالونیکیلِر 5:16

هِمیشه شاتلیق اِدینگ.‏

۱ تِسالونیکیلِر 5:23

قُی، پاراحاتلیغینگ چِشمه‌سی بُلان خودای سیزی هِمّه طارافدان پَکلِسین.‏ تانگریمیز عیسی مسیح گِلِنده روحونگیز، جانینگیز و بِدِنینگیز عایپسیز بُلسون.‏

۲ تِسالونیکیلِر 2:16

آتامیز خودای بیزی سُیوپ، اُز مِرحِمِتینینگ اوستو بیلِن بیزه اِبِدی گُوونلیک بیلِن یاخشی اومید بِردی.‏ قُی، تانگریمیز عیسی مسیحینگ اُزی و آتامیز خودای سیزه گُوونلیک بِرسین و هِر بیر یاخشی ایشده و سُزده سیزه گویچ بِرسین.‏

۲ تِسالونیکیلِر 3:1

آخیری، اِی عزیزلِر، خوش خابار سیزینگ آرانگیزدا باسیم یایراپ، بِییکلِندی.‏ اُل بِیلِکی یِرلِرده-ده شِیله بُلار یالی، بیزینگ اوچین دُغا اِدینگ.‏

۲ تِسالونیکیلِر 3:16

پاراحاتلیغینگ چِشمه‌سی بُلان مسیحینگ اُزی سیزه هِمیشه، هِر یاغدایدا پاراحاتلیق بِرسین!‏ مسیح بارینگیزا یار بُلسون!‏

۲ تیموتاوس 2:22

جُوانلیق هُوِسلِریندِن قاچ.‏ پَک یورِکدِن خودایا عیبادات اِدیَنلِر بیلِن بیرلیکده تاقوالیق، ایمان، سُیگی و پاراحاتلیق یُل‍لارینینگ ایزینا دوش.‏

عِبرانیلار 12:14

هِمّه‌لِر بیلِن پاراحاتلیقدا بُلونگ و مُقادِّس یاشاماغا چالیشینگ.‏ یُغسا مُقادِّس بُلان خودایی گُروپ بیلمِرسینگیز.‏

عِبرانیلار 13:20

ایسلِگینی یِرینه یِتیرمِگیمیز اوچین، قُی، پاراحاتلیق بِریَن خودای بیزی هِمّه گِرِکلی زاتلار بیلِن دُلی تاییار اِتسین.‏ اُل تانگریمیز عیسانی اِبِدیلیک عَهد باغلاشیان قانینینگ اوستو بیلِن اُلومدِن دیرِلتدی و اُنی اُز قُیونلارینینگ یَعنی خالقینینگ بِییک چُپانی اِدیپ بِلِّدی.‏ قُی، خودای اُزونی خُشنود اِدیَن ایشلِری اِتمِگیمیز اوچین، عیسی مسیحینگ اوستو بیلِن بیزی کَمیلِّشدیرسین.‏ عیسی مسیحه اِبِدی بِییکلیک بُلسون!‏ اَمین.‏

یعقوب 1:4

هِر بیر ایشده آخیرینا چِنلی جیدانگ، شُندا کِمسیز، یِتیشِن و کَمیل بُلارسینگیز.‏

۱ پِطرُس 3:11

یامانلیقدان یوز اُوورسین، یاخشیلیق اِتسین، آراملیغینگ و پاراحاتلیغینگ ایزیندا بُلسون.‏

۱ پِطرُس 3:8

شِیلِلیکده، هِمَّه‌نگیز یورِگینگیز بیر و دِردینگیز بیر بُلوپ، بیری-بیرینگیزی سُیونگ.‏ رِحم-شِپاقاتلی و فُروتَن بُلونگ.‏

۱ پِطرُس 5:10

بُل مِرحِمِتی جُشدیریان خودای سیزی مسیحینگ اوستو بیلِن اُز اِبِدی بِییکلیگینَه چاغیردی.‏ سیز دورموشدا عاذاپ چِکیَن بُلسانگیز هِم، اُل سیزی دیکِلدِر، قاییملار، گویچلِندیرِر و تیترِمِز بینا اِدیپ قورار.‏

آیانلیق 22:21

قُی، تانگریمیز عیسانینگ مِرحِمِتی هِمَّه‌نگیز بیلِن بُلسون!‏ اَمین.‏