۲ قُرِنتُس‌لار 12:9 - مُقادِّس کیتاب

⁹ اِمّا مسیح شِیله دییدی:‏ ‏«‏سانگا بِرِن مِرحِمِتیم بِسدیر، سِبَبی مِنینگ قودراتیم اِجیزلیکده کَمیلِّشیَندیر»‏.‏ شُنونگ اوچین-ده، مسیحینگ گویجی مِنده مِسکِن توتسون دییّپ، اُز اِجیزلیکلِریم بارادا قاتی شاتلیق بیلِن قووانیارین.‏

۲ قُرِنتُس‌لار 12:9 ပူးပေါင်းရင်းမြစ်များ

مَتّیٰ 28:18

عیسی هِم اُلارینگ یانینا گِلیپ:‏ ‏«‏آسماندا و یِرده هِمّه ایختییارلیق مانگا بِریلدی.‏

مَتّیٰ 28:20

سیزه حُکوم اِدِن هِمّه زاتلاریمی بِرجای اِتمِگی اُلارا اُورِدینگ.‏ مِن دونیَه‌نینگ آخیرینا چِنلی هِمیشه سیزینگ بیلِن بُلارین.‏»‏

لوقا 21:15

مونونگ اوچین مِن سیزه سُز هِم حِکمِت بِرِرین.‏ سیزه قارشی چیقیانلارینگ هیچ بیری مونگا نه قارشی دوروپ بیلِر، نه-ده بیر زات آیدیپ بیلِر.‏

۱ قُرِنتُس‌لار 10:13

باشینگیزدان اینِن وِسوِسه‌لِر باشغالارینگ-دا باشیندان اینیَندیر.‏ اِمّا خودای اِمیندیر!‏ اُل سیزینگ گویجونگیزینگ یِتمِجِک وِسوِسه‌سینی بِرمِز.‏ سیز وِسوِسه دوشِنینگیزده، خودای قاپی-دا آچار، وِسوِسه‌دِن اوستون چیقماق اوچین گویچ-قووات هِم بِرِر.‏

۱ قُرِنتُس‌لار 15:10

اِمّا مِن نَهیلی بُلسام-دا، دینگه خودایینگ مِرحِمِتینینگ اوستو بیلِن شِیله بُلدوم.‏ اُنونگ مانگا اِدِن مِرحِمِتی نِتیجه‌سیز بُلمادی.‏ مِن هِمّه‌لِردِن-ده کَن زَحمِت چِکدیم، آصلیندا مونی مِن دَل-ده، مانگا یار بُلان خودایینگ مِرحِمِتی اِتدی.‏

۱ قُرِنتُس‌لار 2:3

مِن یانینگیزا بارانیمدا اِجیزدیم، قُرقودان یانگا قاتی تیترِیَردیم.‏

۱ قُرِنتُس‌لار 2:5

بو سیزینگ ایمانینگیزینگ اینسان حِکمِتینه دَل-ده، خودایینگ گویجونه دایانماغی اوچیندی.‏

۲ قُرِنتُس‌لار 11:30

اِگِر قووانمالی بُلایسام-دا، اُز اِجیزلیگیم بیلِن قووانیارین.‏

۲ قُرِنتُس‌لار 12:1

هیچ پِیداسی بُلماسا-دا، قووانماغیمی دُوام اِتدیرمِلی بُلیارین.‏ ایندی مسیحدِن گِلِن رویالاریما و آیانلیقلاریما یوزلِنیَرین.‏

۲ قُرِنتُس‌لار 12:10

شو سِبَپدِن مِن مسیحینگ خاطیراسینا اِجیزلیکلِره، تُهمِتلِره، مَحتَجلیکلِره، آزارلانمالارا، قینچیلیقلارا راضیدیرین.‏ چونکی مِن اِجیزکَم، شُندا گویچلیدیرین!‏

۲ قُرِنتُس‌لار 12:15

مِن سیزه دینگه هِمّه زادیمی دَل، حتّیٰ جانیمی هِم اولی شاتلیق بیلِن بِرِرین.‏ مِن سیزی شِیله سُییَرین!‏ اُندا نَمه اوچین سیز مِنی بِیله آز سُییَرسینگیز؟

۲ قُرِنتُس‌لار 12:5

اینه، مِن شِیله آداما قووانیارین.‏ اِمّا اُزوم باباتدا دینگه اِجیزلیگیم بُلایماسا، باشغا قووانماغا زادیم یُق.‏

اِفِسُسلار 3:16

قُی، اُل اِندازاسیز بِییکلیگی بیلِن اُز روحونینگ اوستو بیلِن سیزینگ ایچینگیزدَکی بارلیغینگیزی قودرات بیلِن گویچلِندیرسین.‏

فیلیپیلِر 4:13

مانگا قووات بِریَن عیسی مسیحده هِر زادی اِتمِگی باشاریارین.‏

کولُسیلِر 1:11

قُی، اُل سیزی بِییک قودراتی بیلِن قوواتلاندیرسین.‏ سیزینگ صابیر-طاقاتلی بُلوپ، هِمّه زادا جیداماغینیز اوچین گویچ-قووات بِرسین.‏

۱ تیموتاوس 1:14

تانگریمیز عیسی مسیحینگ اُلچِکسیز مِرحِمِتی، سُیگوسی و اُنونگ بِرِن ایمانی اوستومه بُلدان-بُل یاغدی.‏

عِبرانیلار 11:34

توتاشیان اُدی سُندوردیلِر، قیلیجینگ تیغیندان قاچیپ سیپدیلار، اِجیز بُلسالار هِم گویچدِن دُلدولار، جِنگده قوواتلانیپ و بیگانه قُشونلاری پیتراتدیلار.‏

عِبرانیلار 4:16

گِلینگ، مِرحِمِتلی خودایینگ تاختینا باتیرلیق بیلِن قُلایلاشایلینگ.‏ شُندا اُل مِرحِمِت اِدیپ، گِرِک واقتدا بیزه یاردیم بِرِر.‏