۲ قُرِنتُس‌لار 11:23 - مُقادِّس کیتاب

²³ مسیحینگ خیدماتکَرلِریمی؟ دیوانالار یالی شونی دییَّرین:‏ مِن اُلاردان-دا کَنرَکدیرین!‏ مِن اُلاردان خاص کَن زَحمِت چِکدیم، زیندانلارا-دا اُلاردان نَچه گِزِک-ده کَن دوشدوم.‏ یِنجیلمِکده-ده اُلاردان کَن اورلوپ-یِنجیلدیم.‏ اُلار بیلِن دِنگِشدیریلِنده اُلوم خاطاری بیلِن نَچه گِزِک یوزبه-یوز بُلدوم.‏

۲ قُرِنتُس‌لار 11:23 ပူးပေါင်းရင်းမြစ်များ

رِسول‍لار 14:19

اِمّا انطاکیه‌دِن و قونیه‌دِن گِلِن یَهودیلِر خالقی آزدیریپ، پولسی داشلادیلار و اُلِندیر دییّپ گومَن اِدیپ، اُنی شَهردِن سویرَپ چیقاردیلار.‏

رِسول‍لار 20:23

اِمّا مُقادِّس روح مانگا هِر شَهرده زیندانا و قینچیلیقلارا دوچار بُلجاقدیغیمی بیلدیریَر.‏

رِسول‍لار 21:11

اُل بیزینگ یانیمیزا گِلیپ، پولسینگ قوشاغینی آلدی-دا، اُز اِل-آیاغینی باغلاپ:‏ ‏«‏مُقادِّس روح شِیله دییَّر:‏ ‏”‏اورشلیمدَکی یَهودیلِر شو قوشاغینگ اِیه‌سینی شِیله باغلاپ، باشغا میلِّتلِرینگ اِلینه بِرِرلِر“‏»‏ دییدی.‏

رِسول‍لار 25:14

اُلار کَن واقت اُل یِرده قالانلاریندان سُنگ، فِستوس پولسینگ ایشینی پادیشاها گورّونگ بِردی:‏ ‏«‏فِلیکسینگ زیندان اِدیپ قُیان بیر آدامی بار.‏

رِسول‍لار 27:1

بیزی دِریانینگ اوستو بیلِن ایتالیا ایبِرمِگی قارار اِتدیلِر.‏ شُندا پولس بیلِن یِنه-ده بیرنَچه زیندانینی ایمپِراطُر قُشونینداقی یولیوس دییِن اَفسَره تابشیردیلار.‏

رِسول‍لار 28:16

بیز روما گِلِنیمیزدِن سُنگ، پولسه بیر سِربازینگ قاراوولچیلیغی بیلِن یِکِلیکده یاشاماغا اِجازا بِریلدی.‏

رِسول‍لار 28:30

پولس اِجارا آلان اُیونده ایکی ییل تامام یاشادی و یانینا گِلِنلِرینگ هِمّه‌سینی قابول اِتدی.‏

رِسول‍لار 9:16

مِنینگ آدیم اوغروندا نَهیلی عاذاپ چِکمِلیدیگینی مِن اُنگا گُرکِزِرین»‏ دییدی.‏

رومیلار 8:36

سِبَبی مُقادِّس یازغیلاردا:‏ ‏«‏بیز هِر گون سِنینگ اوچین اُلدوریلیَریس، داماغی چالینجاق قُیون یالی حاساپلانیاریس»‏ دییّپ یازیلاندیر.‏

۱ قُرِنتُس‌لار 15:10

اِمّا مِن نَهیلی بُلسام-دا، دینگه خودایینگ مِرحِمِتینینگ اوستو بیلِن شِیله بُلدوم.‏ اُنونگ مانگا اِدِن مِرحِمِتی نِتیجه‌سیز بُلمادی.‏ مِن هِمّه‌لِردِن-ده کَن زَحمِت چِکدیم، آصلیندا مونی مِن دَل-ده، مانگا یار بُلان خودایینگ مِرحِمِتی اِتدی.‏

۱ قُرِنتُس‌لار 3:5

آپولُس کیم؟ پولس کیم؟ بولار سیزینگ عیسی مسیحه ایمان گِتیرمِگینگیزه یاردیم بِرِن خیدماتچیلار آخیرین.‏ خودایینگ بِلّی اِدیشی یالی، بیزینگ هِر بیریمیز اُز ایشیمیزی یِرینه یِتیردیک.‏

۱ قُرِنتُس‌لار 4:1

آداملار بیزه، قُی، مسیحینگ خیدماتچیلاری و خودایینگ سیرلارینی آیان اِدیَن خیدماتچیلار حُکمونده گُرسینلِر.‏

۱ قُرِنتُس‌لار 4:11

بیز هِنیز هِم آچ-سوسوز و لِباسلاریمیز ییرتیق.‏ بیز یِنجیلیَریس و اُیسوز-قُشسیز آوارادیریس.‏

۱ قُرِنتُس‌لار 4:9

خودای بیزی، یَعنی رِسول‍لاری، تُماشالی یُریشده اینگ سُنگقی خاطاردا قُیدی دییّپ فیکر اِدیَرین.‏ بیز جِماغاتینگ گُز اُوونده اُلدوریلجِکلِر کیمین بُلدوق.‏ هاووا، بیز هِمّه عالِم-جاهانا، پِریشده‌لِره-ده، اینسانلارا-دا تُماشا بُلدوق.‏

۲ قُرِنتُس‌لار 10:7

مِسه-معلیم گُرنوپ دورانا سِراِدینگ!‏ اِگِر کیمدیر بیرینینگ اُزونینگ مسیحه دِگیشلیدیگی بارادا قاتی اینامی بار بُلسا، قُی، شونگا دوشونسین:‏ بیز هِم اِدیل شُنونگ یالی مسیحه دِگیشلیدیریس.‏

۲ قُرِنتُس‌لار 11:5

یُنه گومَن اِتمِیَرین مِن سیزینگ شُل ‏«‏بِییک رِسول‍لارینگیزدان»‏ آصلا کِم دَلدیرین!‏

۲ قُرِنتُس‌لار 3:6

اُل بیزه تَزه عَهدینگ خیدماتچیلاری بُلماق باشارجاغینی بِردی.‏ بو عَهد یازیلان شِریغاتینگ اوستو بیلِن دَل-ده، مُقادِّس روحونگ اوستو بیلِن قاییملاناندیر.‏ چونکی یازیلان شِریغات اُلومه اِلتیَر، اِمّا مُقادِّس روح بُلسا یاشاییش بِریَر.‏

۲ قُرِنتُس‌لار 4:11

بیزینگ فانی بِدِنیمیزده عیسی مسیحینگ یاشاییشی آیان بُلسون دییّپ، بیزی، یَعنی دیریلِری اِلمیداما اُنونگ خاطیراسینا اُلومه تابشیریارلار.‏

۲ قُرِنتُس‌لار 6:9

بیز تانیلساق-دا، اِمّا رِد اِدیلیَریس.‏ اُلی یالی بُلساق-دا، اِمّا هِنیز دیریدیریس.‏ یارالاندیریلساق-دا، اِمّا اُلدوریلِن دَلدیریس.‏

غَلاطیه‌لِر 6:17

موندان بِیلَک هیچ کیم مانگا شو زاتلار باباتدا اِذیِت بِرمِسین!‏ سِبَبی مِنینگ بِدِنیمده عیسی مسیحه باغلیدیغیمی گُرکِزیَن یارالار جایی باردیر.‏

اِفِسُسلار 3:1

شو سِبَپلی مِن پولس سیز یَهودی دَل‍لِر اوچین عیسی مسیحینگ اوغروندا زینداندا بُلدوم.‏ مِن سیزینگ اوچین خودایا دُغا اِدیَرین.‏

اِفِسُسلار 4:1

عیسی مسیحینگ اوغروندا زینداندا بُلان مِن سیزدِن خودایدان آلان چاغیریلیشینگیزا میناسیپ یاشاماغینگیزی خاییش اِدیَرین.‏

اِفِسُسلار 6:20

سِبَبی مِن خوش خابار اوچین زینجیرلار بیلِن باغلانان سِفیریدیرین.‏ مونی قُرقمان، بُلمالیسی یالی اِعلان اِدیپ بیلمِگیم اوچین دُغا اِدینگ.‏

فیلیپیلِر 1:13

شونلوقدا، مِنینگ مسیح سِبَپلی زیندان اِدیلِندیگیم ‌کُشگی قُریپ ساقلایانچیلارینا و بِیلِکیلِرینگ بارینا معلیم بُلدی.‏

فیلیپیلِر 2:17

سیزینگ خودایا اِدیَن ایمانینگیز و خیدماتینگیز اُنگا هُدورلِنِن قربانلیق کیمیندیر.‏ اِگِر مِنینگ شیندی چِکیَن زَحمِتلِریم بو قربانلیغا قُشولسا، مِن شاتدیرین.‏ مِن هِمَّه‌نگیزینگ شاتلیغینگیزا شِریکدیرین.‏

کولُسیلِر 1:24

مِن سیزینگ اوغرونگیزدا گُریَن قینچیلیقلاریما بِگِنیَرین.‏ بو قینچیلیقلاریم مسیحینگ بِدِنینینگ، یَعنی کِلیسانینگ قینچیلیقلارینینگ اوستونی یِتیریَر.‏

کولُسیلِر 1:29

شو ماقصات بیلِن جانیمی قایغیرمان زَحمِت چِکیَرین، مسیحینگ اُزومده ایشلِیَن قودراتلی گویجونه دایانیارین.‏

۱ تِسالونیکیلِر 3:2

سیزینگ یانینگیزا بُلسا مسیحینگ خوش خابارینی یایراتماق اوچین خودایینگ خیدماتیندا هِمکَریمیز بُلان تیموتاوس دُغانیمیزی ایمانینگیزدا قاییملاپ و قوواتلاندیرماق اوچین ایبِردیک.‏

۱ تیموتاوس 4:6

اِی اُغلوم، اِگِر سِن بولاری دُغانلارا اُورِتسِنگ، اُز ایزینا دوشِن ایمانینگ باراداقی حاقیقات تَعلیماتینینگ سُزلِری بیلِن یِتیشدیریلِرسینگ.‏ شِیدیپ، عیسی مسیحینگ قاوی خیدماتچیسی بُلارسینگ.‏

۲ تیموتاوس 1:16

قُی، خوداییمیز اُنیسیفوروسینگ اُی-ایچِرسینه رِحمِت بِرسین.‏ سِبَبی اُل اِنچِمه گِزِک مانگا گُوونلیک بِریپ، مِنینگ زیندانلیغیمدان اوتانمادی.‏

۲ تیموتاوس 1:8

شُنونگ اوچین-ده، عیسی مسیح بارادا شاهاتلیق اِتمَگه اوتانما.‏ اُنونگ خاطیراسینا زیندان اِدیلِنلیگیمدِن-ده اوتانما.‏ تِرسینه، خودایینگ بِریَن گویجی بیلِن خوش خابارینگ اوغروندا گُریَن زَحمِتلِریمه شِریک بُل.‏

۲ تیموتاوس 2:9

مِن خوش خابارینگ اوغروندا زَحمِت بارینی گُروپ، جِنایاتچی کیمین دانگیلیپ قُییلدیم.‏ اِمّا خودایینگ سُزونی دانگیپ قُیوپ بُلیان دَلدیر!‏

۲ تیموتاوس 3:11

انطاکیه، قونیه و لِستره شَهرلِریندَکی آزارلانمالار سِبَبی گُرِن زَحمِتلِریمی، اُلارا نَدِرِجِده جیداندیغیمی هِم بیلیَنسینگ.‏ خودای مِنی بو زَحمِتلِرینگ باریندان آزاد اِتدی.‏

فیلیمون 1:9

یُنه سُیگینینگ خاطیراسینا سانگا یالباریارین.‏ هاووا، عیسی مسیحینگ اوغروندا زینداندا اُتوران مِن قارّی پولس،

عِبرانیلار 10:34

زیندانداقیلارینگ-دا دِردلِرینی دِنگ چِکیشدینگیز، اُزونگیزده خاص قاوی هِم باقی بایلیغینگ باردیغینی بیلیپ، مال-مولکینگیزینگ آلینماغینی شاتلیق بیلِن قابول اِتدینگیز.‏