۲ قُرِنتُس‌لار 1:6 - مُقادِّس کیتاب

⁶ اِگِر بیز زَحمِتلِر گُریَن بُلساق، بو سیزینگ تِسِلّی تاپماغینگیز و نِجات تاپماغینگیز اوچیندیر.‏ خودای بیزه تِسِلّی بِریَن بُلسا، بو بیزینگ-ده سیزه تِسِلّی بِرمِگیمیز اوچیندیر.‏ سیز هِم بیز یالی زَحمِتلِر گُرِنینگیزده، شو تِسِلّیمیزدِن تِسِلّی تاپیپ، قینچیلیقلارینگ بارینا جیدارسینگیز.‏

۲ قُرِنتُس‌لار 1:6 ပူးပေါင်းရင်းမြစ်များ

رِسول‍لار 21:5

بیزینگ واقتیمیز دُلاندا، یِنه یُلا دوشوپ، گِزِلِنچیمیزی دُوام اِتدیردیک.‏ ایماندارلارینگ هِمّه‌سی، آیال‍لاری و اُغلان-اوشاقلاری بیلِن بیله شَهرینگ داشینا چِنلی بیزی یُلا سالدیلار.‏ اُنسُنگ کِناردا دیزا چُکوپ، دُغا اِتدیک.‏

رومیلار 8:28

بیز خودایی سُییَنلِر و اُنونگ ماقصادینا گُرَه چاغیریلانلار اوچین هِمّه زاد پِیداسینا اِدیلیَندیگینی بیلیَریس.‏

۲ قُرِنتُس‌لار 1:4

خودای هِمّه قینچیلیقلاریمیزدا بیزه تِسِلّی بِریَر.‏ بیز هِم اُز نوبَتیمیزدا هِر هیلی قینچیلیقلارا دوچار بُلان آداملارا خودایدان آلان تِسِلّیمیزینگ اوستو بیلِن تِسِلّی بِریَریس.‏

۲ قُرِنتُس‌لار 12:15

مِن سیزه دینگه هِمّه زادیمی دَل، حتّیٰ جانیمی هِم اولی شاتلیق بیلِن بِرِرین.‏ مِن سیزی شِیله سُییَرین!‏ اُندا نَمه اوچین سیز مِنی بِیله آز سُییَرسینگیز؟

۲ قُرِنتُس‌لار 5:5

چونکی خودای بیزی اِبِدی یاشایشا قاووشماغیمیز اوچین یارادیپ، مونونگ ضامِن حُکمونده بیزه مُقادِّس روحونی بِردی.‏

اِفِسُسلار 3:1

شو سِبَپلی مِن پولس سیز یَهودی دَل‍لِر اوچین عیسی مسیحینگ اوغروندا زینداندا بُلدوم.‏ مِن سیزینگ اوچین خودایا دُغا اِدیَرین.‏

اِفِسُسلار 3:13

شُنونگ اوچین هِم، اوغرونگیزدا چِکیَن قایغی-حاسراتلاریم سِبَپلی سیزینگ یورِگینگیز ساویماسین دییّپ خاییش اِدیَرین.‏ قایتام، بولار سیزه حُرمات گِتیریَندیر.‏

فیلیپیلِر 1:19

سِبَبی دُغالارینگیز و عیسی مسیحینگ روحونینگ کُمِگی بیلِن بو عاذاپلارینگ مانگا آزادلیق گِتیرجِکدیگینی بیلیَرین.‏

۲ تیموتاوس 2:10

اینه، اِدیل شو سِبَپدِن، سایلانانلار هِم باقی بِییکلیک بیلِن بیرلیکده عیسی مسیحینگ اوستو بیلِن نِجات تاپار یالی، اُلارینگ خاطیراسینا هِمّه زادا جیدایارین.‏