۲ قُرِنتُس‌لار 1:12 - مُقادِّس کیتاب

¹² اینه، بیز شونگا قووانیاریس:‏ بیز هِر کِس، خاص-دا سیز باباتدا خودایینگ بِرِن دُغریلیغی و پَک یورِکلیگی بیلِن حِرِکِت اِدیَریس.‏ بیز مونی دونیَه‌نینگ حِکمِتینه دَل-ده، خودایینگ مِرحِمِتینه دایانیپ اِدیَریس.‏ مونگا بیزینگ وِجدانیمیز-دا شاهاتدیر.‏

۲ قُرِنتُس‌لار 1:12 ပူးပေါင်းရင်းမြစ်များ

رِسول‍لار 23:1

پولس مِجلِسه دیقّات بیلِن گُزلَپ:‏ ‏«‏اِی دُغانلار!‏ مِن شو گونه چِنلی خودایینگ اُوونده آراسّا وِجدان بیلِن یاشادیم»‏ دییدی.‏

رِسول‍لار 24:16

شُنونگ اوچین هِم خودایینگ و اینسانلارینگ اُوونده وِجدانیمی هِمیشه پَک ساقلاماغا چالیشیارین.‏

رومیلار 9:1

مِنینگ اولی قایغیم، یورِگیمده هِمیشه‌لیک آغیریم بار.‏ مونونگ حاقیقاتدیغینا، یالان آیدمایاندیغیما عیسی مسیحینگ آدیندان شاهات گِچیَرین.‏ سُزلِریمه مُقادِّس روحونگ اوستو بیلِن وِجدانیم-دا شاهاتدیر.‏

۱ قُرِنتُس‌لار 1:17

مسیح مِنی تَعمید بِرمَگه دَل-ده، خوش خاباری واغیظ اِتمَگه ایبِردی.‏ اِمّا عیسی مسیحینگ صلیبدَکی اُلومی بیدِرِک بُلماز یالی، مِن بو خاباری اینسان دانالیغینینگ سُزلِری بیلِن واغیظ اِتمِلی دَل.‏

۱ قُرِنتُس‌لار 12:8

مُقادِّس روح کیمدیر بیرینه حِکمِت بیلِن، یِنه بیرینه عیلیم بیلِن اُورِتمِک ناغماتینی بِریَر.‏

۱ قُرِنتُس‌لار 15:10

اِمّا مِن نَهیلی بُلسام-دا، دینگه خودایینگ مِرحِمِتینینگ اوستو بیلِن شِیله بُلدوم.‏ اُنونگ مانگا اِدِن مِرحِمِتی نِتیجه‌سیز بُلمادی.‏ مِن هِمّه‌لِردِن-ده کَن زَحمِت چِکدیم، آصلیندا مونی مِن دَل-ده، مانگا یار بُلان خودایینگ مِرحِمِتی اِتدی.‏

۱ قُرِنتُس‌لار 2:13

بیز بولاری اینسان حِکمِتینینگ اُورِدِن سُزلِری بیلِن دَل-ده، مُقادِّس روحونگ اُورِدِن سُزلِری بیلِن آیدیاریس.‏ بیز روحانی حاقیقاتی روحانی سُزلِری بیلِن دوشوندیریَریس.‏

۱ قُرِنتُس‌لار 4:4

مِن اُزومده عاییپ گُرمِسِم-ده، یُنه بو زاتلار مِنی پَک اِتمِیَر.‏ موندان باشغا مانگا مسیح قاضیلیق اِدیَندیر.‏

۱ قُرِنتُس‌لار 5:8

شُنگا گُرَه-ده، پِسَح بایرامی کُهنه خامیرمایادا، یَعنی قاهار-غاضاب و تِلِکه‌لیک بیلِن توتمایلینگ.‏ تِرسینه، اُنی تَزه پِتیرلیک خامیردا، یَعنی دُغرولیق و حاقیقات بیلِن توتایلینگ.‏

۲ قُرِنتُس‌لار 1:17

اُندا مِن اُز نییِت اِدِنلِریمده ایکی گُوونلیمی؟ یا-دا بولاری نییِت اِدِنیمده بو دونیَه‌نینگ آداملاری یالی اویتگَپ، اَوَّل ‏«‏هاووا، هاووا»‏، سُنگرا-دا ‏«‏یُق، یُق»‏ دییَّرینمی نَمه؟

۲ قُرِنتُس‌لار 11:3

یُنه ییلانینگ حَوّانی مِکرلیک بیلِن آلدایشی یالی، سیزینگ-ده آلدانماغینگیزدان قُرقیارین.‏ مِن فیکرلِرینگیزینگ بولاشدیریلیپ، مسیحه بُلان پَک صادیقلیغینگیزدان آیریلارمیقانگیز دییّپ قُرقیارین.‏

۲ قُرِنتُس‌لار 2:17

بیز کَن آداملار یالی خودایینگ سُزونی اُز پِیداماز اوچین آرزان ساتمایاریس.‏ تِرسینه، خودای طارافیندان ایبِریلِن و مسیحه خیدمات اِدیَن آداملار یالی خودایینگ حوضوریندا پَک یورِکدِن کِپلِیَریس.‏

۲ قُرِنتُس‌لار 4:2

بیز عاییپلی بُلانی اوچین اوتانچلی و گوزگینلیکده اِدیلیَن ایشلِری رِد اِتدیک.‏ حیله‌لیک اِتمِیَریس و خودایینگ سُزونی اویتگِتمِیَریس.‏ تِرسینه، حاقیقاتی آچیق اِعلان اِدیپ، خودایینگ حوضوریندا هِمّه‌لِرینگ اُوونده جُغاپ بِرمَگه تاییاردیریس.‏

۲ قُرِنتُس‌لار 8:8

یُق، بو سیزه حُکوم دَل، اِمّا بِیلِکی کِلیسالارینگ ایخلاصی بارادا آیتماق بیلِن، سیزینگ سُیگینگیزینگ نَدِرِجِده حاقیقیدیغینی بیلِسیم گِلیَر.‏

غَلاطیه‌لِر 6:4

هِر کیم اُز اِدیَن عِمِل‍لِرینی بیلسین.‏ هِر کِس اُزونه دوشِن یوکی اُزی گُتِرسین.‏ شُندا اُل اُزونی باشغالار بیلِن دِنگِشدیرمِزدِن، اُزونه قووانیپ بیلِر.‏

اِفِسُسلار 6:14

شِیلِلیکده، حاقیقاتی بیلینگیزه قوشاق اِدیپ داقینینگ، تاقوالیغی اِگنینگیزه زِره اِدیپ گِینینگ.‏

فیلیپیلِر 1:10

چونکی مِن سیزینگ قاوی زاتلاری بیلیپ، عیسی مسیحینگ گِلجِک گونونده پَک و عایپسیز بُلماغینگیزی ایسلِیَرین.‏

۱ تِسالونیکیلِر 2:10

سیز ایماندارلار باباتدا بیزینگ آخلاق تایدان پَک، دُغری و عایپسیز بُلاندیغیمیزا اُزونگیز شاهاتسینگیز.‏ مونگا خودای-دا شاهاتدیر.‏

۱ تیموتاوس 1:5

تابشیریغیمینگ اِساسی ماقصادی ایماندارلارا بیری-بیرینی پَک یورِکدِن، دُغری وِجداندان و حاقیقی ایماندان دُرِیَن سُیگی بیلِن سُیمِگینه یاردیم بِرمِکدیر.‏

تیتوس 2:7

یاخشی ایشلِرینگ بیلِن اُلارا هِمّه زاتدا نِمونه بُل.‏ تَعلیماتی صاپ یورِکدِن اِدِبلیلیک بیلِن اُورِت،

عِبرانیلار 13:18

بیزینگ اوچین دُغا اِدینگ.‏ بیز وِجدانیمیزینگ آراسّادیغینا اینانیاریس و هِمّه طارافدان هِمیشه حُرماتا میناسیپ بُلوپ یاشاماق ایسلِیَریس.‏

یعقوب 4:6

اِمّا خودای بیزه خاص بِییک مِرحِمِت بِریَر.‏ شُنگا گُرَه مُقادِّس یازغیلار شِیله دییَّر:‏ ‏«‏خودای مَغرورلارا قارشیدیر، اِمّا فُروتَنلِره مِرحِمِت اِدیَندیر»‏.‏

۱ پِطرُس 3:16

وِجدانینگیزی پَک ساقلانگ، شُندا سیزینگ مسیحه باغلی دُغری یاشایشینگیز بارادا غیبات اِدِنلِر سیزی یامانلاپ آیدان کِپلِریندِن اوتانارلار.‏

۱ پِطرُس 3:21

اینه، بو سو حَضیر سیزی نِجات بِریَن تَعمیدینگ نیشانیدیر.‏ سیز بِدِنینگیزینگ کیری یوولاندیغی اوچین دَل-ده، عیسی مسیحینگ دیرِلمِسینینگ اوستو بیلِن و پَک وِجدان بیلِن خودایا طاراف اُورولِندیگینگیز اوچین نِجات تاپدینگیز.‏