25 چونکی مسیح بیزه اِبِدی یاشایشی واعدا بِردی.
مِن اُلارا اِبِدی یاشاییش بِریَرین. اُلار آصلا هِلَک بُلماز، هیچ کیم اُلاری مِنینگ اِلیمدِن قاقیپ آلماز.
اُنونگ تابشیریشینینگ بُلسا اِبِدی یاشایشا قاوشوریاندیغینی بیلیَرین. شُنونگ اوچین آتام مانگا نَمه تابشیران بُلسا، مِن سیزه دینگه شُنی آیدیاندیرین.»
شُنگا گُرَه اُنگا ایمان گِتیرِن هِر بیر آدام اِبِدی یاشایشا قاوشار.
سیز اِبِدی یاشاییش مُقادِّس یازغیلاردادیر دییّپ گومَن اِدیپ، اُلاری ایخلاص بیلِن اُورِنیَرسینگیز. اُلار بُلسا مِن حاقدا شاهاتلیق اِدیَرلِر.
ضایالانیان اییمیت اوچین دَل-ده، اِبِدی یاشاییش بِریَن اییمیت اوچین ایخلاص اِدینگ، اُنی سیزه اینسان اُغلی بِرِر. چونکی آتامیز خودایینگ اُزی بو ایشی اُنگا تابشیراندیر» دییّپ جُغاپ بِردی.
اُغلی گُرِن و اُنگا ایمان گِتیرِن هِر بیر آدامینگ اِبِدی یاشایشا قاووشماغی آتامینگ ایسلِگیدیر. مِن-ده بو آداملاری آخیرات گون قایتادان دیرِلدِرین.»
مِن سیزه دُغروسینی آیدیارین، مانگا ایمان گِتیرِن اِبِدی یاشایشا قاوشاندیر.
مِنینگ بِدِنیمی اییّپ، قانیمی ایچِن اِبِدی یاشایشا قاوشار. آخیرات گون مِن اُنی دیرِلدِرین.
شمعون پِطرُس اُنگا: «آقام، بیز سِنی تِرک اِدیپ، باشغا کیمه بارایلی؟ اِبِدی یاشاییش سُزلِری دینگه سِنده بار آخیرین.
خودایدان بِییکلیک، حُرمات و اُلمِزلیگی آغتاریپ، هِمیشه یاخشیلیق اِدیَنلِره اُل اِبِدی یاشایشی بِرِر.
اُزال گونَه حُکومرانلیق سوروپ، هِمّه‌لِری اُلوم طارافا اَکیتیَردی، ایندی بُلسا خودایینگ مِرحِمِتی حُکومرانلیق سوریَر. شُنگا گُرَه-ده، بیز آقلانیپ، تانگریمیز عیسی مسیحینگ اوستو بیلِن اِبِدی یاشاییشا اِیه بُلدوق.
چونکی گونَه‌نینگ جِزاسی اُلوم، اِمّا خودایینگ ناغماتی بُلسا تانگریمیز عیسی مسیحینگ اوستو بیلِن بِریلیَن اِبِدی یاشاییشدیر.
کیم اُز هُوِسی اوچین اِکسه اُل هُوِسدِن وِیرانچیلیغی اُرار. اِمّا کیم روح اوچین اِکسه اُل روحدان اِبِدی یاشایشی اُرار.
اِمّا عیسی مسیح مانگا رِحم اِتدی و اُز اِندازاسیز صابیرینی گُرکِزدی. و اُزونه ایمان گِتیرجِکلِرینگ و باقی یاشایشا قاووشجاقلارینگ هِمّه‌سی اوچین مِنی نِمونه حُکمونده پِیدالاندی.
ایمان اوغرونداقی گُرِشده باتیرلیق بیلِن گُرِش و باقی یاشایشی اُزونگه ماقصات اِدین. خودای سِنی مونگا چاغیردی، شُندا سِن هِم ایمانینگی کَن شاهادینگ اُوونده قاوی ایقرار اِدِنسینگ.
شِیله خازینا اُلارینگ گِلِجِگینینگ قاییم بُنیادی بُلوپ، حاقیقی یاشایشا یِتیرِر.
خودایینگ بو یُلی باقی یاشاییش اومیدینی بِریَر. سُزونده آصلا یالان بُلمادیق خودای بو یاشایشی دونیَه یارادیلمازدان اُنگ واعدا بِریپ،
بو یاشاییش آیان بُلدی، بیز اُنی گُردوک. آتامیز خودای بیلِن بُلان بو اِبِدی یاشاییش بیزه اَشکَر بُلدی. ایندی بیز اُل بارادا شاهاتلیق اِدیپ، اُنی سیزه اِعلان اِدیَریس.
بیز یِنه شونی بیلیَریس: حاق خودایی تانیپ بیلمِگیمیز اوچین، خودایینگ اُغلی گِلیپ، بیزه عاقیل-فیکری بِردی. بیز حاق خودای و اُنونگ اُغلی عیسی مسیح بیلِن یاشایاریس. عیسی مسیح حاق خودایدیر و اِبِدی یاشاییشدیر.
تانگریمیز عیسی مسیح اُز رِحمدارلیغینگ اوستو بیلِن سیزی اِبِدی یاشایشا قاوشوریانچا، خودایینگ سُیگوسی بیلِن یاشاماغی دُوام اِتدیرینگ.
