۱ قُرِنتُس‌لار 8:6 - مُقادِّس کیتاب

⁶ اِمّا بیزینگ اوچین یِکه خودای، یَعنی آتا باردیر، هِمّه زادینگ باشلانچیسی اُلدور.‏ بیز اُنونگ اوچین یاشایاندیریس.‏ بیزینگ اوچین یِکه حُکومدار عیسی مسیح بار، هِمّه زات هِم اُنونگ اوستو بیلِن یارادیلاندیر و بیز اُنونگ اوستو بیلِن یاشایاندیریس.‏

۱ قُرِنتُس‌لار 8:6 ပူးပေါင်းရင်းမြစ်များ

مَتّیٰ 11:27

آتام هِمّه زادی مانگا تابشیردی.‏ اُغلی آتادان باشغا هیچ کیم تانییان دَلدیر.‏ اُغولدان و اُغلونگ اُنی اَشکَر اِتمِک ایسلِیَن آداملاریندان باشغا هیچ کیم آتانی تانییان دَلدیر.‏

مَتّیٰ 28:18

عیسی هِم اُلارینگ یانینا گِلیپ:‏ ‏«‏آسماندا و یِرده هِمّه ایختییارلیق مانگا بِریلدی.‏

یوحنا 1:10

اُل دونیَه‌دِدی، دونیَه سُز اوستو بیلِن یارادیلیپدی، اِمّا دونیَه اُنی تانیمادی.‏

یوحنا 1:3

هِمّه زاد سُز اوستو بیلِن یارادیلدی و یارادیلان زاتلارینگ هیچ بیری اُنسوز یارادیلمادی.‏

یوحنا 10:30

مِن و آتام بیردیریس»‏ دییّپ جُغاپ بِردی.‏

یوحنا 13:13

سیز مانگا اُستاد و آقا دییّپ، دُغری آیدیارسینگیز، سِبَبی مِن شُلدورین.‏

یوحنا 14:20

شُل گون مِن آتامدادیغیما، سیز مِندِدیگینگیزه و مِن هِم سیزدِدیگیمه گُز یِتیرِرسینگیز.‏

یوحنا 17:3

اِبِدی یاشاییش بُلسا، سِنی، یَعنی یِکه حاق خودایی و سِنینگ ایبِرِن عیسی مسیحینگی تانیماقدیر.‏

یوحنا 20:17

عیسی اُنگا:‏ ‏«‏مانگا قُلایلاشما، سِبَبی مِن هِنیز آتامینگ یانینا چیقامُق.‏ سِن دُغانلاریمینگ یانینا گیدیپ، اُلارا مِن آسمانا، آتامینگ و خوداییمینگ یانینا باریانیمی آیت.‏ اُل سیزینگ-ده آتانگیزدیر و خودایینگیزدیر»‏ دییدی.‏

رِسول‍لار 17:28

بیز اُنونگ بیلِن یاشایاندیریس، حِرِکِت اِدیَندیریس و باردیریس.‏ کَبیر شاهیرلارینگیزینگ آیدیشی یالی:‏ ‏”‏بیز اُنونگ نِسلیندِندیریس“‏.‏

رِسول‍لار 2:36

‏«‏شُنونگ اوچین هِم، اِی هِمّه اسرائیل خالقی، شونی آچیق بیلیپ قُی:‏ خودای سیزینگ صلیبه چویلَن بو عیسانگیزی هِم تانگری، هِم مسیح اِدیپ بِلِّدی.‏»‏

رِسول‍لار 5:31

خودای اسرائیل خالقینا توبا اِتدیریپ، گونَه‌لِرینی باغیشلاماق اوچین، بو آدامی باشلیق هِم نِجات بِریَنچی اِدیپ، اُنی بِیگِلتدی و اُز ساغیندا اُتورتدی.‏

رومیلار 11:36

چونکی هِمّه بارلیق خودایدان بُلوپ، اُنونگ اوستو بیلِن و اُنونگ اوچیندیر!‏ اُنگا اِبِدی بِییکلیک بُلسون!‏ اَمین!‏

۱ قُرِنتُس‌لار 1:2

خودایینگ مُقادِّسلیگینه چاغیرلیپ و عیسی مسیحده مُقادِّس خالقی اِدیلِن قُرِنتُس‌داقی کِلیساسینا دُغایی سالام.‏ شِیله-ده هِر یِرده هِم اُلارینگ هِم-ده بیزینگ تانگریمیز عیسی مسیحینگ آدینی توتیانلارینگ هِمّه‌سینه دُغایی سالام.‏

۱ قُرِنتُس‌لار 12:3

شُنگا گُرَه-ده، شونی آچیق دوشونمِگینگیزی ایسلِیَرین:‏ خودایینگ روحی بیلِن کِپلِیَن اینسان:‏ ‏«‏عیسی لَعنِت بُلسون!‏»‏ دییمِز و مُقادِّس روح بیلدیرمِسه اینسان:‏ ‏«‏عیسی تانگریدیر!‏»‏ دییّپ بیلمِز.‏

۱ قُرِنتُس‌لار 6:13

سیز:‏ ‏«‏اییمیت قارین اوچین، قارین-دا اییمیت اوچیندیر و خودای اُلارینگ ایکیسینی هِم یُق اِدِر»‏ دییّپ دُغری آیدیارسینگیز.‏ اِمّا بِدِن زینا اِتمِک اوچین دَل-ده، مسیحه خیدمات اِتمِک اوچین بِرلِندیر و مسیح هِم بِدِنیمیز اوچین ایشلِیَندیر.‏

۱ قُرِنتُس‌لار 8:4

شونلوقدا، بُتلارا قربانلیق بِرلِن اِتی اییّپ-اییمِزلیک بارادا شونی آیتماقچی.‏ بیز بیلیَریس، بو دونیَه‌ده بُت آصلیندا هیچدیر و بیر خودایدان باشغا، خودای یُقدیر.‏

اِفِسُسلار 1:3

تانگریمیز عیسی مسیحینگ آتاسی خودایا اُوگولِر بُلسون!‏ اُل بیزی مسیحده آسمانداقی روحانی بِرِکِتلِرینگ هِمّه‌سی بیلِن بِرِکِتلِدی.‏

اِفِسُسلار 3:14

شِیلِلیکده، یِرده و آسماندا هِر بیر ماشغالا آدینی اُزوندِن آلان آتامیزینگ حوضوریندا مِن دیزا چُکیَرین.‏

کولُسیلِر 1:6

شو خوش خابار هِمّه دونیَه یایراپ میوه بِریپ گِلیَر.‏ خودایینگ مِرحِمِتینینگ حاقیقی مَعنیسینه گُز یِتیرِن گونونگیزدِن بَری، بو خوش خابار سیزینگ آرانگیزدا هِم شِیله عِمِل اِدیَر.‏

۱ پِطرُس 1:21

سیز مسیحینگ اوستو بیلِن خودایا ایمان گِتیردینگیز.‏ خودای مسیحی دیرِلدیپ، اُنی بِییکلِندیردی.‏ شِیلِلیکده، ایمانینگیز و اومیدینگیز خودایدادیر.‏

آیانلیق 1:18

مِن دیریدیرین.‏ اُلودیم، یُنه، اینه، ایندی اِبِدیلیک دیریدیرین.‏ اُلومینگ-ده، اُلولِر دونیَه‌سینینگ-ده آچاری مِندِدیر.‏