۱ قُرِنتُس‌لار 6:20 - مُقادِّس کیتاب

²⁰ چونکی سیز باهالی ساتین آلنانسینگیز.‏ شُنگا گُرَه-ده، اُز بِدِنینگیز بیلِن خودایی بِییکلِندیرینگ.‏

۱ قُرِنتُس‌لار 6:20 ပူးပေါင်းရင်းမြစ်များ

مَتّیٰ 5:16

دِگمه، سیزینگ نورینگیز آداملارینگ اُوونده پارلاسین، شُندا اُلار قاوی ایشلِرینگیزی گُروپ، آسمانداقی آتانگیزی اُوسینلِر.‏

رِسول‍لار 20:28

اُزونگیزه و مُقادِّس روحونگ سیزینگ باقماغینگیزا بِرِن هِمّه سوروسینه گُز-قولاق بُلونگ.‏ خودایینگ کِلیساسینا چُپانچیلیق اِدینگ.‏ اُل بو کِلیسانی اُز اُغلونینگ قانی بیلِن ساتین آلدی.‏

رومیلار 12:1

شُنگا گُرَه-ده، اِی عزیزلِر، خودایینگ مِرحِمِتینینگ خاطیراسی اوچین سیزه یالباریارین:‏ اُزونگیزی اُنونگ حالاجاق دیری و مُقادِّس قربانلیغی حُکمونده هُدورلَنگ.‏ شِیتسِنگیز، خودایینگ حوضوریندا میناسیپ یُلدا خیدمات اِتدیگینگیز بُلار.‏

رومیلار 6:19

سیزینگ اینسان ناتووانلیغینگیزی ناظارا آلیپ، سیزه سادا سُزلِر بیلِن آیدیارین:‏ سیز اُزال اُزونگیزی تِلِکه‌لیگه و گیتدیگیچه آرتیان یامانلیغینگ قولّوغینا تابشیریپدینگیز.‏ ایندی بُلسا اُزونگیزی مُقادِّس یاشاییشا اِلتیَن تاقوالیغینگ قولّوغینا تابشیرینگ.‏

۱ قُرِنتُس‌لار 10:31

شونلوقدا، اییسِنگیز-ده، ایچسِنگیز-ده، هِر نَمه اِتسِنگیز-ده – بولارینگ بارینی خودایینگ بِییکلیگی اوچین اِدینگ.‏

۱ قُرِنتُس‌لار 7:23

سیز باهالی ساتین آلیندینگیز.‏ اُندا آداملارینگ قولی بُلمانگ!‏

غَلاطیه‌لِر 3:13

مسیح شِریغاتینگ اِعلان اِدِن لَعنِتینی اُز اوستونه آلیپ، بیزی شُل شِریغاتینگ لَعنِتدِن آزاد اِتدی.‏ چونکی تُورات‌دا:‏ ‏«‏آغاچدان آسیلان هِر کِس لَعنِتلِنِندیر»‏ دییّپ یازیلاندیر.‏

فیلیپیلِر 1:20

چونکی اومیدیم بار مِن آصلا اوتانجدا قالماجاقدیغیما، هِمیشه‌کیم یالی ایندی هِم باتیرلیق بیلِن حِرِکِت اِتجِکدیگیمه اینانیارین.‏ مِن یاشاسام-دا، اُلسِم-ده، مسیح بِیگِلدیلِر.‏

عِبرانیلار 9:12

اُل اینگ مُقادِّس اُتاقا گِچیلِرینگ و تانالارینگ قانی بیلِن دَل-ده، اُز قانی بیلِن گیریپ، بیر گِزِک و هِمیشه‌لیک بیزینگ اِبِدی آزادلیغیمیزی قازاندی.‏

۱ پِطرُس 1:18

آتا-بابالارینگیزدان میراث آلان بو پوچ دورموشینگیزدان قیزیل-کوموش یالی فانی زاتلارینگ اوستو بیلِن نِجات تاپماندیغینگیزی بیلیَنسینگیز.‏

۱ پِطرُس 2:9

اِمّا سیز بِیله دَلسینگیز، چونکی سیز سایلانیپ-سِچیلِن خالقسینگیز.‏ سیز پادیشاهینگ کاهینلاری، مُقادِّس میلِّت و خودایا باغلی خالقسینگیز.‏ خودای سیزی قارانگقیلیقدان اُزونینگ عجاییپ نورینا چاغیردی.‏ سیز اُنونگ بِییکلیگینی اِعلان اِتمِک اوچین سایلانیپ-سِچیلِنسینگیز.‏

۲ پِطرُس 2:1

اُزال خالق آراسیندا یالان پیغامبارلارینگ بُلشی یالی، سیزینگ آرانگیزدا-دا یالان مُعلِّملِر گُرونِر.‏ اُلار اُغرینچا هِلَک اِدیَنچی و یالان تَعلیماتلار گِتیرمِک بیلِن، اُزلِرینی قارانگقیلیقدان بُشادان مسیحی هِم اینکَر اِدِرلِر.‏ شِیدیپ، اُز باشلاریندان بیردِن بِلا و اُلوم ایندِرِرلِر.‏

آیانلیق 5:9

اُلار تَزه بیر آیدیم آیدیاردیلار:‏ ‏«‏سِن میناسیپسینگ بو طوماری آلماغا، هِم-ده اُنونگ مُهورلِرینی دُومَگه.‏ چونکی داماغینگ چالنیپ و اُز قانینگ بیلِن، هِر طایفادان، هِر دیلدِن، هِر خالقدان و هِر میلِّتدِن خودای اوچین آداملاری ساتین آلانسینگ.‏