۱ قُرِنتُس‌لار 6:19 - مُقادِّس کیتاب

¹⁹ اُندا سیز اُز بِدِنینگیزینگ مُقادِّس روحونگ یاشایان عیباداتخاناسیدیغینی بیلمِیَرسینگیزمی؟ سیز بو روحی خودایدان آلدینگیز و سیز دینگه اُزونگیزینگکی دَلسینگیز.‏

۱ قُرِنتُس‌لار 6:19 ပူးပေါင်းရင်းမြစ်များ

یوحنا 2:21

اِمّا عیسی عیباداتخانا دییّپ، اُز بِدِنینه آیدیاردی.‏

رومیلار 8:9

اِگِر خودایینگ روحی دُغرودان-دا قالبینگیزدا مِسکِن توتان بُلسا، سیز اینسان هُوِسلِرینینگ ایختییاریندا دَلسینگیز، سیز روحونگ ایختییارینداسینگیز.‏ کیمده مسیحینگ روحی بُلماسا، اُل مسیحه دِگیشلی دَلدیر.‏

۱ قُرِنتُس‌لار 3:16

اُندا سیز اُزونگیزینگ خودایینگ عیباداتخاناسیدیغینگیزی و آرانگیزدا خودایینگ روحونینگ یاشایاندیغینی بیلمِیَرسینگیزمی نَمه؟

۱ قُرِنتُس‌لار 6:13

سیز:‏ ‏«‏اییمیت قارین اوچین، قارین-دا اییمیت اوچیندیر و خودای اُلارینگ ایکیسینی هِم یُق اِدِر»‏ دییّپ دُغری آیدیارسینگیز.‏ اِمّا بِدِن زینا اِتمِک اوچین دَل-ده، مسیحه خیدمات اِتمِک اوچین بِرلِندیر و مسیح هِم بِدِنیمیز اوچین ایشلِیَندیر.‏

۱ قُرِنتُس‌لار 6:3

سیز بیزینگ حتّیٰ پِریشده‌لِره-ده قاضیلیق اِتجِکدیگیمیزی بیلمِیَرسینگیزمی؟ گونلیک دورموشینگ ایشلِری باراسیندا خاص بِتِر.‏

۲ قُرِنتُس‌لار 5:15

هاووا، عیسی مسیح هِمّه‌لِرینگ اوغروندا اُلدی.‏ اُل مونی یاشایانلار ایندی اُزلِری اوچین دَل-ده، اُلارینگ اوغروندا اُلِن و دیرِلِن مسیح اوچین یاشاسینلار دییّپ اِتدی.‏

۲ قُرِنتُس‌لار 6:16

خودایینگ عیباداتخاناسی بیلِن بُتلارینگ، هِی-ده، اُزآرا راضیلاشیغی بُلارمی نَمه؟ چونکی بیز دیری خودایینگ عیباداتخاناسیدیریس.‏ خودای دییَّر:‏ ‏«‏مِن اُلارینگ آراسیندا مِسکِن توتارین و اُلارینگ آراسیندا بُلارین.‏ مِن اُلارینگ خودایی، اُلار هِم مِنینگ خالقیم بُلارلار»‏ دییّپدی آخیرین.‏

تیتوس 2:14

عیسی مسیح بیزی هِمّه گونَه‌لِردِن آزاد اِتمِک اوچین، اُزونی قربانی اِتدی.‏ اُل مونی اُزونه یاخشیلیق اِتمِکده قایراتلی و پَک بیر خالقی قازانماق اوچین اِتدی.‏

یعقوب 4:5

سیز مُقادِّس یازغیلارداقی ‏«‏خودایینگ بیزده مِسکِن توتدوران روحی خاص-دا قیسغانیپ کویسِیَندیر»‏ دییلِن سُزلِر بُش یِره آیدیلاندیر دییّپ گومَن اِدیَرسینگیزمی؟

۱ پِطرُس 2:5

شُنونگ اوچین سیز هِم دیری داشلار یالی روحانی بینا بُلوپ سالینیارسینگیز.‏ شُندا عیسی مسیحینگ اوستو بیلِن خودایینگ حالایان روحانی قربانلیقلارینی هُدورلِیَن مُقادِّس کاهینلار بُلارسینگیز.‏