۱ قُرِنتُس‌لار 6:15 - مُقادِّس کیتاب

¹⁵ اُندا سیز اُز بِدِنینگیزینگ مسیحینگ بِدِنینینگ ‌اعضاسیدیغینی بیلمِیَرسینگیزمی؟ ایندی مسیحینگ ‌اعضاسینی آلیپ، اُنی بیر فاحیشه بیلِن بیریکدیرِیینمی؟ هِرگِز اِتمِرین!‏

۱ قُرِنتُس‌لار 6:15 ပူးပေါင်းရင်းမြစ်များ

لوقا 20:16

اُل گِلیپ، بو باغبانلاری اُلدورِر و اوزومچیلیگی بُلسا باشغالارا بِرِر.‏»‏ خالق مونی اِشیدیپ:‏ ‏«‏خودای اِتمِسین!‏»‏ دییدی.‏

رومیلار 12:5

بیز باباتدا هِم شِیله:‏ کَن بُلساق-دا، مسیحینگ اوستو بیلِن بیر بِدِندیریس، اُنونگ ‌اعضالاری حُکمونده بیری-بیریمیزه باغلیدیریس.‏

رومیلار 3:31

اُندا نَمه؟ ایمانینگ اوستو بیلِن شِریغاتی باطیل اِدیَریسمی؟ آصلا یُق!‏ دُغورسی، بیز اُنی قاییملایاریس.‏

رومیلار 3:6

اِلبِتّه، یُق!‏ خودای عادیلدیر.‏ اِگِر شِیله بُلماسا، خودای دونیَه‌نی نَدیپ قاضیلیق اِدیپ بیلِر؟

رومیلار 6:15

ایندی نَمه؟ بیز ایندی شِریغاتینگ ایختییاریندا دَل-ده، مِرحِمِتینگ ایختییاریندا دییّپ، گونَه اِدیبِرمِلیمی نَمه؟ اِلبِتّه، یُق!‏

رومیلار 6:2

اِلبِتّه، یُق!‏ بیز گونَه باباتدا اُلدوک آخیرین.‏ اُنسُنگ نَهیلی گونَه ایچینده یاشاپ بیلِریس؟

رومیلار 7:13

اُندا قاوی زات مِنینگ اُلمِگیمه سِبَپ بُلایدیمی نَمه؟ اِلبِتّه، یُق!‏ گونَه قاوی زادینگ اوستو بیلِن مِنده اُلوم دُرِتدی و گونَه‌نینگ حاقیقی طِبیغاتی اِدیل شِیله آیان بُلمالیدی.‏ شِیدیپ، گونَه‌نینگ نَدِرِجِده تِلِکه‌دیگی شِریغاتینگ حُکوملِرینینگ اوستو بیلِن اَشکَر بُلدی.‏

رومیلار 7:7

ایندی نَمه آیدایلینگ؟ شِریغات گونَه زاتمی نَمه؟ اِلبِتّه، یُق!‏ یُنه بو شِریغات بُلمادیق بُلسا، مِن گونَه‌نینگ نَمِدیگینی-ده بیلمِزدیم.‏ شِریغات:‏ ‏«‏باشغانینگ زادینا گُز تیکمه»‏ دییّپ آیدمادیق بُلسا، مِن مونونگ گونَه‌دیگینی هِم بیلمِزدیم.‏

۱ قُرِنتُس‌لار 11:3

اِمّا شونگا هِم دوشونمِگینگیزی ایسلِیَرین:‏ هِر اِرکِگینگ باشی مسیحدیر، آیالینگ باشی اِرکِکدیر و مسیحینگ باشی بُلسا خودایدیر.‏

۱ قُرِنتُس‌لار 12:27

سیزینگ هِمَّه‌نگیز عیسی مسیحینگ بِدِنیسینگیز و هِر بیرینگیز بِدِنینگ بیر ‌اعضاسیسینگیز.‏

۱ قُرِنتُس‌لار 6:13

سیز:‏ ‏«‏اییمیت قارین اوچین، قارین-دا اییمیت اوچیندیر و خودای اُلارینگ ایکیسینی هِم یُق اِدِر»‏ دییّپ دُغری آیدیارسینگیز.‏ اِمّا بِدِن زینا اِتمِک اوچین دَل-ده، مسیحه خیدمات اِتمِک اوچین بِرلِندیر و مسیح هِم بِدِنیمیز اوچین ایشلِیَندیر.‏

۱ قُرِنتُس‌لار 6:17

اِمّا مسیح بیلِن بیرلِشِن هِم روحدا اُنونگ بیلِن بیر بُلار.‏

۱ قُرِنتُس‌لار 6:19

اُندا سیز اُز بِدِنینگیزینگ مُقادِّس روحونگ یاشایان عیباداتخاناسیدیغینی بیلمِیَرسینگیزمی؟ سیز بو روحی خودایدان آلدینگیز و سیز دینگه اُزونگیزینگکی دَلسینگیز.‏

۱ قُرِنتُس‌لار 6:3

سیز بیزینگ حتّیٰ پِریشده‌لِره-ده قاضیلیق اِتجِکدیگیمیزی بیلمِیَرسینگیزمی؟ گونلیک دورموشینگ ایشلِری باراسیندا خاص بِتِر.‏

غَلاطیه‌لِر 2:17

شِریغات بیزی، یَعنی مسیحینگ اوستو بیلِن آقلانماقچی بُلیانلاری هِم گونَه‌لی چیقاریار.‏ اُندا مسیح گونَه‌نی قُلّایارمی؟ یُق، بو دویبوندِن بِیله دَل!‏

غَلاطیه‌لِر 3:21

دییمِک، شِریغات خودایینگ واعداسینا تِرس چیقیار-دا؟ اِلبِتّه، یُق!‏ یُنه شِریغات بیزه یاشاییش بِریپ بیلمِیَر آخیرین.‏ مونگا گُرَه، اُنونگ اوستو بیلِن تاقوالیغی-دا قازانیپ بیلمِیَریس.‏

غَلاطیه‌لِر 6:14

مِن بُلسا تانگریمیز عیسی مسیحینگ صلیبیندِن باشغا زات باباتدا آصلا قاباراسیم گِلمِیَر.‏ شو صلیبینگ اوستو بیلِن مِن بو دونیَه اوچین، بو دونیَه-دَه مِنینگ اوچین اُلودیر.‏

اِفِسُسلار 4:12

اُلارینگ وِظیفه‌سی خودایینگ خالقینی اُنگا خیدمات اِتمَگه تاییارلاماقدان و مسیحینگ بِدِنی بُلان کِلیسانی گویچلی اِتمِکدِن عیباراتدیر.‏

اِفِسُسلار 5:23

چونکی مسیح بِدِنینگ نِجات بِریَنچیسی بُلوپ و کِلیسانینگ باشی بُلشی یالی، اَر هِم آیالینگ باشیدیر.‏

اِفِسُسلار 5:30

سِبَبی بیز مسیحینگ بِدِنینینگ بُلوملِریدیریس.‏

کولُسیلِر 2:19

شِیدیپ، اُل آدام بِدِنینگ باشی بُلان مسیح بیلِن باغلانیشیغینی ییتیرِندیر.‏ بو بِدِن هِر بیر بُغونونگ و بِندینگ کُمِگی بیلِن بیریگیپ، باشدان اییمیتلِنیَر و خودایینگ بِرِن اُسوشی بیلِن اُسیَندیر.‏