۱ قُرِنتُس‌لار 5:7 - مُقادِّس کیتاب

⁷ تَزه پِتیرلیک خامیر بُلوپ بیلِرینگیز یالی، کُهنه خامیرمایانی اُزونگیزدِن آییریپ اُقلانگ.‏ آصلیندا شُل تَزه پِتیرلیک خامیر سیزسینگیز!‏ چونکی عیسی مسیح، بیزینگ پِسَح قوزیمیز، قربانی اِدیلِندیر.‏

۱ قُرِنتُس‌لار 5:7 ပူးပေါင်းရင်းမြစ်များ

مَتّیٰ 13:33

عیسی اُلارا باشغا بیر میثالی-دا گورّونگ بِردی:‏ ‏«‏آسمانینگ پادیشاهلیغی خامیرمایا مِنگزِیَندیر.‏ بیر آیال اوچ اُقارا اونا بیرجه بُلِک خامیرمایا قُشسا-دا، هِمّه خامیر چیشیَر.‏»‏

مَرقُس 14:12

پِسَح قربانی اِدیلیَن گونی، یَعنی پِتیر بایرامینینگ اَوَّلکی گونی شَگیرتلِری عیسادان:‏ ‏«‏پِسَح شامینی اییمِگینگ اوچین، نیرَه باریپ تاییارلیق گُرمِگیمیزی ایسلِیَرسینگ؟»‏ دییّپ سُرادیلار.‏

یوحنا 1:29

اِرتِسی گونی یحیی اُز یانینا گِلیَن عیسانی گُروپ، شِیله دییدی:‏ ‏«‏اینه، دونیَه‌نی گونَه‌دِن گُتِریَن خودایینگ قوزوسی!‏

یوحنا 1:36

اُل گِچیپ باریان عیسانی گُروپ:‏ ‏«‏اینه، خودایینگ قوزوسی!‏»‏ دییدی.‏

یوحنا 19:14

پِسَح بایرامی تاییارلیق گونودی و گونُرتانا قُلای پیلاتُس یَهودیلِره یوزلِنیپ:‏ ‏«‏اینه، سیزینگ پادیشاهنگیز!‏»‏ دییدی.‏

رومیلار 3:25

خودای اُز عادالاتینی گُرکِزمِک اوچین عیسی مسیحی قربانی حُکمونده ایبِریپ، اُنونگ دُکولِن قانینینگ اوستو بیلِن ایمان گِتیریَنلِری اُزی بیلِن یاراشدیردی.‏ خودای اُزالقی زاماندا اِدیلِن گونَه‌لِردِن گِچدی.‏ ایندی بُلسا عیسی مسیحه ایمان گِتیریَن هِر کِسی آقلایار.‏ و شِیدیپ، اُل اُزونینگ عادالاتلیدیغینی تاصدیق اِدیَر.‏

۱ قُرِنتُس‌لار 10:17

چُرِگینگ بیر بُلشی یالی، بیز کَن بُلساق-دا، بیر بِدِندیریس.‏ چونکی شُل بیر چُرِگی هِمَّه‌میز پایلاشیاندیریس.‏

اِفِسُسلار 4:22

اُوال اُورِدیلیشی یالی، اُوالقی یاشاییشینگیزی، یالانچی هُوِسلِر بیلِن یُلدان چیقاران کُهنه اینسانییِتینگیزی چیقاریپ اُقلانگ.‏

آیانلیق 5:12

اُلار قاتی سِس بیلِن:‏ ‏«‏داماغی چالنان قوزی گویجی هِم-ده بایلیغی، حِکمِتی هِم قودراتی، حُرماتی هِم بِییکلیگی و اُوگولِری آلماغا میناسیپدیر!‏»‏ دییَّردیلِر.‏