۱ قُرِنتُس‌لار 4:5 - مُقادِّس کیتاب

⁵ شُنگا گُرَه-ده، بِلّی بُلان واقت یِتیَنچَه، هیچ کیمینگ اوستوندِن حُکوم چیقارمانگ.‏ مسیح گِلیَنچَه قاراشینگ.‏ اُل قارانگقیلیقداقی گوزگین زاتلاری یاغتیلیغا چیقارار، آداملارینگ یورِگیندَکی نییِتلِرینی آیان اِدِر.‏ شُندا هِر کِس خودایدان اُز اِدِنینه لاییق اُوگوسینی آلار.‏

۱ قُرِنتُس‌لار 4:5 ပူးပေါင်းရင်းမြစ်များ

مَتّیٰ 10:26

‏«‏شُنونگ اوچین هیچ کیمدِن قُرقمانگ.‏ یاپیق بُلوپ، اوستو آچیلماجاق، گوزگین بُلوپ، بیلینمِجِک زات یُقدور.‏

مَتّیٰ 24:30

سُنگرا آسماندان اینسان اُغلونینگ عالاماتی گُرنِر، شُندا یِر یوزوندَکی هِمّه خالقلار یاس توتوپ فِریاد اِدِرلِر.‏ اینسان اُغلونینگ بولوتلاردا اولی قودرات و بِییکلیک بیلِن گِلیَنینی گُرِرلِر.‏

مَتّیٰ 24:46

آقاسی دُلانیپ گِلِنده، اُز ایشینینگ باشیندا گُرِن خیدماتکَری نَهیلی خوشواقت!‏

مَتّیٰ 25:21

آقاسی اُنگا:‏ ‏”‏بِرِکِلّا، یاخشی هِم صادیق خیدماتکَر!‏ سِن کیچیجیک ایشده صادیق بُلانینگ اوچین، ایندی بِییک ایشلِرده هِم سانگا اینانارین.‏ گِل، آقانگ شاتلیغینا اُرتاق بُل!‏“‏ دییَّر.‏

مَتّیٰ 25:23

آقاسی اُنگا:‏ ‏”‏بِرِکِلّا، یاخشی و صادیق خیدماتکَر!‏ سِن کیچیجیک ایشده صادیقلیغینگی گُرکِزدینگ، ایندی مِن سِنی بِییک ایشلِرینگ باشینا قُیارین.‏ گِل، آقانگ شاتلیغینا اُرتاق بُل!‏“‏ دییَّر.‏

لوقا 6:37

‏«‏باشغالاری گونَه‌کَرلِمَنگ، شُندا سیز هِم گونَه‌کَرلِنمِرسینگیز.‏ هیچ کیمی مَحکوم اِتمَنگ، اُندا سیز-ده مَحکوم بُلمارسینگیز.‏ باغیشلانگ، سیز-ده باغیشلانارسینگیز.‏

یوحنا 21:22

عیسی اُنگا:‏ ‏«‏سِنینگ نَمه ایشینگ بار اُزوم دُلانیپ گِلیَنچَم، اُنونگ دیری قالماغینی ایسلِیَن بُلسام؟ سِن مِنینگ ایزیما دوش»‏ دییّپ جُغاپ بِردی.‏

یوحنا 21:23

شو سِبَپدِن دُغانلارینگ آراسیندا بو شَگیرت اُلمِز دییِن گورّونگ یایرادی.‏ اِمّا عیسی اُنونگ اُلمِجِکدیگی بارادا آیتماندی، اُل پِطرُسا دینگه:‏ ‏«‏سِنینگ نَمه ایشینگ بار اُزوم دُلانیپ گِلیَنچَم، اُنونگ دیری قالماغینی ایسلِیَن بُلسام؟»‏ دییّپدی.‏

یوحنا 5:44

سیز بیری-بیرینگیزدِن اُوگولِر قابول اِدیَرسینگیز، اِمّا یِکه خودایینگ اُوگوسینی قازانماغا چالیشمایارسینگیز.‏ اُنسُنگ نَدیپ سیزده ایمان بُلسون؟

رومیلار 14:4

باشغا بیرینینگ خیدماتکَرینی عاییپلار یالی سِن کیم؟ خیدماتکَرینگ اُزونه تابشیرلانلاری بِرجای اِدیپ-اِتمَندیگینی دینگه اُنونگ آقاسی بِلّی اِدیَندیر.‏ یُنه خیدماتکَر اُزونه تابشیرلانلاری بِرجای اِدیپ بیلِر، سِبَبی اُنونگ آقاسی عیسی مسیحدیر، اُل خیدماتکَرینی قوواتلاندیرماغی باشاریاندیر.‏

رومیلار 2:1

اِی باشغالارا حُکوم اِدیَن اینسان!‏ سِن کیم بُلسانگ-دا، شِیله اِتمَگه آصلا حاقینگ یُقدور.‏ سِن باشغالارا حُکوم اِتمِک بیلِن، اُز-اُزونگی مَحکوم اِدِرسینگ.‏ سِبَبی سِن اُزونگ-ده شِیله گونَه‌لی ایشلِری اِدیَرسینگ-اَ !‏

رومیلار 2:16

بولارینگ هِمّه‌سی خودای آداملارینگ اُغرین ایشلِرینی و فیکرلِرینی عیسی مسیحینگ اوستو بیلِن قاضیلیق اِتجِک گونونده آیان بُلار.‏ بولارینگ باری واغیظ اِدیَن خوش خاباریمدا بِیان اِدیلِندیر.‏

رومیلار 2:29

یُق، یورِکدِن یَهودی بُلان آدام حاقیقی یَهودیدیر.‏ شِریغاتا گُرَه دَل-ده، مُقادِّس روحا گُرَه یورِکدِن بُلان سونِّت حاقیقی سونِّتدیر.‏ حاقیقی یَهودینینگ اُوگوسی آداملاردان دَل-ده، خودایداندیر.‏

رومیلار 2:7

خودایدان بِییکلیک، حُرمات و اُلمِزلیگی آغتاریپ، هِمیشه یاخشیلیق اِدیَنلِره اُل اِبِدی یاشایشی بِرِر.‏

۱ قُرِنتُس‌لار 1:7

شُنگا گُرَه-ده یَعنی تانگریمیز عیسی مسیحینگ آسماندان اینمِگینه صابیرسیزلیق بیلِن قاراشیانلارینگ روحی ناغماتلار باباتدا هیچ بیر کِملینگیز یُقدور.‏

۱ قُرِنتُس‌لار 11:16

اِگِر بو مِسِله باباتدا جِدِل اِتمِکچی بُلیان کیشی بار بُلسا، شونی دییَّرین:‏ بیزینگ و خودایینگ کِلیسالاریندا آیال‍لارینگ باش اُرتمِگی عاداتدیر.‏

۱ قُرِنتُس‌لار 11:26

شُنگا گُرَه-ده، سیز هِر گِزِک بو چُرِگی اییِنینگیزده و بو کَسه‌دِن ایچِنینگیزده، عیسی دُلانیپ گِلیَنچَه، اُنونگ اُلومینی اِعلان اِدیَرسینگیز.‏

۱ قُرِنتُس‌لار 15:23

یُنه هِر کیم اُز نوبَتیندا دیرِلِر.‏ عیسی مسیح اَوَّلکی بُلوپ دیرِلدی.‏ مسیح گِلِنده، اُنگا دِگیشلی بُلانلار-دا دیرِلِر.‏

۱ قُرِنتُس‌لار 3:14

اِگِر اُنونگ قوران عماراتی اُدا جیداسا، اُل اُز سیلاغینی آلار.‏

۱ قُرِنتُس‌لار 3:8

اِکیَنینگ-ده، سوواریانینگ-دا ماقصادی بیردیر.‏ اُلارینگ هِر بیری اُز چِکِن زَحمِتینه گُرَه سیلاغینی آلار.‏

۲ قُرِنتُس‌لار 10:18

چونکی اُزونی اُزی بِیگِلدیَن دَل-ده، مسیحینگ بِیگِلدیَنی قادیرلیدیر.‏

۲ قُرِنتُس‌لار 10:9

یُنه سیزی دینگه اُز نامه‌لاریم بیلِن قُرقوزجاق بُلیارمیقام دییّپ دوشونمَنگ.‏

۲ قُرِنتُس‌لار 4:2

بیز عاییپلی بُلانی اوچین اوتانچلی و گوزگینلیکده اِدیلیَن ایشلِری رِد اِتدیک.‏ حیله‌لیک اِتمِیَریس و خودایینگ سُزونی اویتگِتمِیَریس.‏ تِرسینه، حاقیقاتی آچیق اِعلان اِدیپ، خودایینگ حوضوریندا هِمّه‌لِرینگ اُوونده جُغاپ بِرمَگه تاییاردیریس.‏

۲ قُرِنتُس‌لار 5:10

چونکی یاخشی بُلسون، یامان بُلسون – بِدِندِکَک اِدِن عِمِل‍لِریمیزه گُرَه پاییمیزی آلماق اوچین، هِمَّه‌میز مسیحینگ حُکوم تاختینینگ اُوونده دورمالیدیریس.‏

۱ تِسالونیکیلِر 5:2

تانگری عیسانینگ گِلجِک گونی گیجه اُغرینینگ گِلشی یالی گِلِر، مونی اُزونگیز-ده بیلیَنسینگیز آخیرین.‏

عِبرانیلار 4:13

خودایدان گوزگین یارادیلان هیچ زات یُقدور، اُنونگ ناظاریندا هِمّه زات آچیق و مِسه-معلیمدیر.‏ بیز اُنگا حاساپ بِرمِلیدیریس.‏

یعقوب 4:11

اِی عزیزلِر، بیری-بیرینگیزی یامانلامانگ.‏ کیم ایمانلی اِرکِک یا-دا آیال دُغانینی یامانلایان یا-دا اُنی مَحکوم اِدیَن بُلسا، اُل خودایینگ شِریغاتینی یامانلاپ، شِریغاتی مَحکوم اِدیَندیر.‏ شِریغاتی مَحکوم اِدیَن آدام اُنی بِرجای اِدیَنجی دَل-ده، اُنگا حُکوم اِدیَنجیدیر.‏

یعقوب 5:7

اِی عزیزلِر، عیسی مسیح گِلیَنچَه، صابیر-طاقاتلی بُلونگ!‏ گُزلَنگ، تایخان گویز هِم یاز یاغینلارینا نَهیلی صابیرلی قاراشیار.‏ اُل یِرینگ بُل حاصیل بِرِرینه قاراشیار.‏

یعقوب 5:9

اِی عزیزلِر، اُزونگیزه حُکوم اِدیلمِز یالی، بیری-بیرینگیزینگ قارشینا شیکایات اِتمَنگ.‏ اینه، قاضی قاپینینگ آغزیندا دور!‏

۱ پِطرُس 1:7

بو ایمتِحانلار سیزینگ ایمانینگیزینگ حاقیقیدیغینی بیلدیریَر.‏ حتّیٰ فانی قیزیل هِم اُددا تَمیزلِنیپ ایمتِحان اِدیلیَندیر.‏ شِیلِلیکده، قیزیلدان خاص قیماتلی بُلان ایمانینگیز ایمتِحاندان گِچیپ، عیسی مسیح اَشکَر بُلاندا، سیزه اُوگی، بِییکلیک و حُرمات گِتیرِر.‏

۱ پِطرُس 5:4

شِیله اِتسِنگیز، باش چُپان آیان بُلاندا، اِبِدی بِییکلیک تاجینی آلارسینگیز.‏

۲ پِطرُس 3:4

اُلار:‏ ‏«‏هانی، مسیحینگ گِلجِکدیگی باراداقی بِرِن واعداسی؟ آتا-بابالاریمیز اُلِندِن بَری هِمّه زات اُزال-باشدا نَهیلی یارادیلان بُلسا، شُنونگ یالی هِم دور»‏ دییّپ ماسغارا اِدِرلِر.‏

یهودا 1:14

آدام آتادان سُنگرا یِدینجی نِسل بُلان خَنوخ هِم بو آداملار حاقدا اُنگدِن شِیله خابار بِریپدیر:‏ ‏«‏اینه، تانگری مونگلِرچه مونگلِر اُز مُقادِّسلِری بیلِن گِلیَر.‏

آیانلیق 1:7

اینه، اُل بولوتلارینگ آراسی بیلِن گِلیَر!‏ اُنی هِمّه‌لِر، حتّیٰ اُنگا نایزا چومدیرِنلِر هِم گُرِرلِر.‏ دونیَه‌نینگ هِمّه خالقلاری اُل سِبَپلی آغلارلار.‏ بو دُغرودان-دا شِیله بُلار!‏ اَمین.‏

آیانلیق 20:12

مِن تاختینگ اُوونده دوران اولی و کیچی اُلولِری گُردوم.‏ دِفتِرلِر آچیلدی.‏ یاشاییش دِفتِری دییِن یِنه بیر دِفتِر آچیلدی.‏ دِفتِرلِرده یازیلانلارا سِراِدیلیپ، اُلولِره اِدِن ایشلِرینه گُرَه قاضیلیق اِدیلدی.‏