۱ قُرِنتُس‌لار 16:13 - مُقادِّس کیتاب

¹³ خاباردار بُلونگ، ایماندا قاییم دورونگ، قُرقمانگ، قایراتلی بُلونگ.‏

۱ قُرِنتُس‌لار 16:13 ပူးပေါင်းရင်းမြစ်များ

مَتّیٰ 25:13

‏«‏شُنونگ اوچین هِم اُیا بُلونگ، سِبَبی سیز اینسان اُغلونینگ گِلجِک شو گونونی و ساغادینی بیلمِیَرسینگیز.‏»‏

مَتّیٰ 26:41

اُیا بُلونگ، وِسوِسَه دوشمِز یالی دُغا اِدینگ.‏ روح ماییلدیر، اِمّا بِدِن ناتوواندیر»‏ دییدی.‏

لوقا 21:36

بو بُلجاق واقالارینگ باریندان قاچیپ نِجات تاپار یالی و اینسان اُغلونینگ حوضوریندا دوروپ بیلِر یالی، هِمیشه اُیا بُلوپ، خودایا دُغا اِدینگ.‏»‏

۱ قُرِنتُس‌لار 14:20

اِی عزیزلِر، چاغالار یالی فیکر اِتمِگینگیزی بِس اِدینگ.‏ یامانلیق باباتدا چاغا یالی بُلونگ، یُنه دوشونمِک باباتدا یِتیشِن یالی بُلونگ.‏

۱ قُرِنتُس‌لار 15:58

شُنگا گُرَه-ده، اِی عزیزلِریم، قاییم دورونگ.‏ قُی، سیزی آصلا هیچ زات تیترِتمِسین.‏ خودایینگ ایشینه ایخلاصلی یاپیشینگ.‏ چونکی خودایینگ اوغروندا چِکِن زَحمِتینگیزینگ بیدِرِک دَلدیگینی اُزونگیز-ده بیلیَنسینگیز.‏

۲ قُرِنتُس‌لار 1:24

بیز سیزینگ ایمانینگیزینگ اوستوندِن حُکوم سورمِکچی بُلامزُق، تِرسینه، شاتلیغینگیزینگ خاطیراسینا سیز بیلِن هِمکَرلیک اِدیَریس، چونکی سیز ایماندا قاییم دورسونگیز.‏

غَلاطیه‌لِر 5:1

عیسی مسیح بیزی آزاد بُلماق اوچین آزاد اِتدی.‏ شُنونگ اوچین-ده قاییم دورونگ، بِنده‌چیلیک یوغونی قایتادان بُیونا سالدیرمانگ.‏

اِفِسُسلار 3:16

قُی، اُل اِندازاسیز بِییکلیگی بیلِن اُز روحونینگ اوستو بیلِن سیزینگ ایچینگیزدَکی بارلیغینگیزی قودرات بیلِن گویچلِندیرسین.‏

اِفِسُسلار 6:10

شونلوقدا، مسیحینگ بِییک گویجی بیلِن قوواتلانینگ.‏

فیلیپیلِر 1:27

اِی عزیزلِر، یاشاییش و گِزیشینگیز مسیحینگ خوش خابارینا لاییق بُلسون.‏ شُندا یانینگیزا باریپ سیزی گُرسِم-ده، یانینگیزدا بُلمان، سیز بارادا اِشیتسِم-ده، خوش خابارا دایانیان ایمان اوغروندا بیر بِدِن یالی گُرِشیپ، یِکه بیر روحدا قاییم دوراندیغینگیزی بیلِرین.‏

فیلیپیلِر 4:1

شونلوقدا، اِی سُیگولی دُستلاریم، مسیحده قاییم دورونگ!‏ مِن قارا گُزونگیزه زاردیرین.‏ عزیزلِریم، سیز مِنینگ شاتلیغیم و باشیمینگ تاجیسینگیز.‏

فیلیپیلِر 4:13

مانگا قووات بِریَن عیسی مسیحده هِر زادی اِتمِگی باشاریارین.‏

کولُسیلِر 1:23

اِلبِتّه، سیز اِشیدِن خوش خابارینگیزینگ بِرِن اومیدیندا سارسمان، ایماندا کُک اوروپ، قاییم دورمالیسینگیز.‏ بو خوش خابار یِر یوزوندَکی هِر بیر اینسانا اِعلان اِدیلدی.‏ مِن پولس بو خوش خابارینگ خیدماتچیسی بُلدوم.‏

کولُسیلِر 4:12

اُز شَهرینگیزدِن بُلان، عیسی مسیحینگ خیدماتچیسی، اِپافراس هِم سیزه سالام یُلّایار.‏ خودایینگ هِر بیر ایسلِگینی دُلی بیلمِگینگیز و ایماندا قاییم دوروپ، کَمیل بُلماغینگیز اوچین، اِپافراس ایخلاص بیلِن هِمیشه دُغا اِدیَر.‏

کولُسیلِر 4:2

ایخلاص بیلِن هِمیشه دُغا اِدینگ، دُغادا شوکور اِدیپ، هوشیار بُلونگ.‏

۱ تِسالونیکیلِر 3:8

سیزینگ مسیحده قاییم دورماغینگیز ایندی جانیمیزا جان قُشیار.‏

۱ تِسالونیکیلِر 5:6

شونلوقدا، اوقوداقی آداملار یالی بُلمایلینگ.‏ تِرسینه، اُیا و هوشیار بُلایلینگ.‏

۲ تِسالونیکیلِر 2:15

شُنگا گُرَه-ده، اِی عزیزلِر، ایندی ایماندا قاییم دورونگ!‏ بیزدِن سُز یا نامه‌نینگ اوستو بیلِن اُورِنِن تَعلیماتینگیزا قاییم یاپیشینگ.‏

۱ تیموتاوس 6:12

ایمان اوغرونداقی گُرِشده باتیرلیق بیلِن گُرِش و باقی یاشایشی اُزونگه ماقصات اِدین.‏ خودای سِنی مونگا چاغیردی، شُندا سِن هِم ایمانینگی کَن شاهادینگ اُوونده قاوی ایقرار اِدِنسینگ.‏

۲ تیموتاوس 2:1

اِی اُغلوم، عیسی مسیحدَکی مِرحِمِتینده قوواتلان.‏

۲ تیموتاوس 4:5

سِن بُلسا هِر یاغدایدا خاباردار بُل، زَحمِتلِره جیداملی بُل، خوش خاباری یایراتماق اوغروندا زَحمِت چِک، اُزونگه تابشیریلان خیدماتی کِمالا یِتیر.‏

۲ تیموتاوس 4:7

مِن قاوی اوروشچی کیمین اوروشدیم، یاریشی بیتیردیم و ایمانی قُریدیم.‏

۱ پِطرُس 4:7

هِمّه زاتلارینگ آخیری یاقین گِلدی.‏ مونونگ اوچین آچیق دوشونجِلی بُلوپ، خاباردارجا دُغا اِدینگ.‏

۱ پِطرُس 5:8

خاباردار و اُیا بُلونگ!‏ دوشمانینگیز شِیطان گویچلی سِسلی آرسلان کیمین آیلانیپ، یوووتماق اوچین بیرینی آغتاریپ یُرِندیر.‏

آیانلیق 16:15

‏«‏خاباردار بُل!‏ سِبَبی مِن اُغری کیمین گِلیَرین!‏ یالانگاچ گِزیپ، دونیَه رُسوا بُلمازلیغی اوچین، اُیا بُلوپ، لِباسلارینی ساقلایان خوشواقتدیر!‏»‏