۱ قُرِنتُس‌لار 14:2 - مُقادِّس کیتاب

² بِلّی دَل دیلده گورلِیَن آدام آداملار بیلِن دَل-ده، خودای بیلِن گورلِشیَندیر.‏ چونکی اُنونگ مُقادِّس روحدان ایلهام آلیپ آیدیان سیرلارینا هیچ کیم دوشونیَن دَلدیر.‏

۱ قُرِنتُس‌لار 14:2 ပူးပေါင်းရင်းမြစ်များ

مَتّیٰ 13:11

اُل شِیله جُغاپ بِردی:‏ ‏«‏آسمانینگ پادیشاهلیغینینگ سیرلارینا دوشونمِگه سیزه بِریلدی، جِماغاتا بِریلمِدی.‏

مَرقُس 16:17

شو عالاماتلار ایمان گِتیریَنلِرینگ هِمراه‌سی بُلار:‏ مِنینگ آدیم بیلِن جینلاری کُووپ چیقارارلار، تَزه دیل‍لِرده کِپلَرلِر.‏

مَرقُس 4:11

عیسی اُلارا شِیله دوشوندیردی:‏ ‏«‏خودایینگ پادیشاهلیغینینگ سیری سیزه بِریلدی.‏ داشارداقیلارا بُلسا هِمّه زات میثال‍لار بیلِن آیدیلیار.‏

رِسول‍لار 10:46

سِبَبی اُلارینگ باشغا دیل‍لِرده کِپلَپ، خودایی اُوگی بیلِن بِیگِلدیشلِرینی گُردولِر.‏ شُندا پِطرُس:‏

رِسول‍لار 19:6

پولس اُلارینگ اوستلِرینه اِلینی قُیان واقتیندا، اُلارا مُقادِّس روح ایندی.‏ اُلار باشغا دیل‍لِرده کِپلَپ، نبوّت اِتمَگه باشلادیلار.‏

رِسول‍لار 22:9

مِنینگ یانیمداقیلار نوری گُروپ قُرقدولار، اِمّا مِنینگ بیلِن کِپلِشِن سِسه دوشونمِدیلِر.‏

رومیلار 16:25

مِنینگ واغیظ اِدیَن خوش خاباریما، یَعنی عیسی مسیح باراداقی تَعلیماتا اینانان سیزی ایماندا قاییملاماغی باشاریان خودایا بِییکلیک بُلسون!‏ بو خوش خابار اِنچِمه عاصیرلارینگ دُوامیندا گوزگین ساقلانیپ، ایندی آیان اِدیلِن بیر سیردیر.‏

۱ قُرِنتُس‌لار 12:10

اُل باشغا بیرینه مُعجِزه‌لِر گُرکِزمه، باشغاسینا نبوّتلیق و یِنه بیرینه روحلاری سایغارما، باشغا بیرینه بِلّی دَل دیل‍لِر، یِنه بیرینه بو دیل‍لِری مَعنیلِندِرمه ناغماتینی بِریَر.‏

۱ قُرِنتُس‌لار 12:28

خودای کِلیسادا اَوَّل رِسول‍لاری، سُنگرا نبوّت اِدیَنلِری، اوچونجی مُعلِّملِری بِلِّدی.‏ سُنگرا مُعجِزه گُرکِزیَنلِری و شِفا بِریَنلِری، یاردیم بِریَنلِری و مُدیرلاری، سُنگرا بِلّی دَل دیل‍لِرده گورلِیَنلِری بِلِّدی.‏

۱ قُرِنتُس‌لار 13:1

اِگِر اینسانلارینگ و پِریشده‌لِرینگ دیل‍لِرینده گورلَپ-ده، سُیگیم بُلماسا، جینگّیردایان زِنگ و یا-دا ایچی بُش دومِّک یالیدیرین.‏

۱ قُرِنتُس‌لار 13:2

اِگِر نبوّتلیق ناغماتیم بُلوپ-دا، هِمّه سیرلاری و عیلیملاری بیلیپ-ده، داغلاری سویشورمَگَه گویچلی ایمانیم بُلوپ-دا، سُیگیم بُلماسا، مِن هیچدیرین.‏

۱ قُرِنتُس‌لار 14:16

اِگِر سِن خودایی اُز روحونگدا شوکور اِتسِنگ، سِنینگ آیدیان زاتلارینگا دوشونمِیَن آدام شوکورلِرینگه نَدیپ ‏«‏اَمین»‏ دییسین؟ اُل سِنینگ آیدیانلارینگا دوشونمِیَر آخیرین.‏

۱ قُرِنتُس‌لار 14:26

اِی عزیزلِر، موندان نَهیلی نِتیجه آلساق بُلار؟ سیز بیر یِره اویشِنینگیزده، هِر بیرینگیزده آیدیم، تَعلیم سُزی، آیانلیق، بِلّی دَل دیل‍لِرده گورلِمِک یا-دا اُنی مَعنیلِندیرمِک باردیر.‏ دِگمه، بولارینگ باری کِلیسانی قوواتلاماق اوچین بُلسون.‏

۱ قُرِنتُس‌لار 15:51

قولاق قُیونگ، سیزه بیر سیری آیان اِدِیین:‏ بیز اُلمِریس، یُنه هِمَّه‌میز اویتگِدیلِریس.‏

۱ قُرِنتُس‌لار 2:10

بیزه بُلسا خودای بو زاتلاری اُز روحی بیلِن آیان اِتدی.‏ چونکی مُقادِّس روح هِمّه زادی، حتّیٰ خودایینگ چونگّور فیکرلِرینه دوشونیَندیر.‏

۱ قُرِنتُس‌لار 2:7

بیز خودایینگ سیرلی و گوزگین ساقلانان حِکمِتینی آیدیاریس.‏ خودای بو حِکمِتی بیزینگ هِم اُنونگ بِییکلیگینَه شِریک بُلماغیمیز اوچین، اُنی دونیَه یارادیلمازدان اُنگ قارار اِدیپدی.‏

اِفِسُسلار 6:19

هِر گِزِک کِپلَنیمده، گِرِکلی سُزلِر بِریلسین دییّپ، مِنینگ اوچین هِم خودایا دُغا اِدینگ.‏ شُندا مِن خوش خابارینگ سیرینی قُرقمان اِعلان اِدِرین.‏

کولُسیلِر 2:2

مِن اُلارینگ قالبینینگ قوواتلانیپ، سُیگوده بیرلِشمِکلِرینی دیلِیَرین.‏ شِیدیپ، اُلار کَمیل ایناما هِم بایلیق دوشونجَه اِیه بُلوپ، خودایینگ سیرینی، یَعنی مسیحی تانیسینلار.‏

۱ تیموتاوس 3:16

ایمان سیرینینگ اولیدیغینا آصلا شِک یُقدور:‏ عیسی مسیح اینسان بِدِنینده آیان بُلوپ، مُقادِّس روحونگ اوستو بیلِن تاصدیقلانیلدی.‏ پِریشده‌لِر اُنی گُردولِر، اُل میلِّتلِر آراسیندا واغیظ اِدیلدی.‏ اُنگا بو دونیَه‌ده ایمان گِتیریلدی، اُل بِییکلیک ایچینده آسمانا آلیندی.‏

۱ تیموتاوس 3:9

اُلار خودایینگ بیزه عیسی مسیح باراسیندا آیان اِدِن حاقیقاتینا پَک وِجدانلی بُلوپ ساقلامالیدیر.‏

آیانلیق 10:7

یِدینجی پِریشدَه‌نینگ سورنایینی چالجاق گونی، خودای اُز پیغامبار خیدماتکَرلِرینه اِعلان اِدیشی یالی، اُنونگ سیری یِرینه یِتِر.‏»‏