۱ قُرِنتُس‌لار 13:13 - مُقادِّس کیتاب

¹³ حَضیر شو اوچوسی قالیار:‏ ایمان، اومید و سُیگی.‏ اِمّا بولارینگ اینگ اولوسی بُلسا سُیگودیر.‏

۱ قُرِنتُس‌لار 13:13 ပူးပေါင်းရင်းမြစ်များ

لوقا 10:27

اُل:‏ ‏«‏تانگری خودایینگیزی هِمّه یورِگینگیز، هِمّه جان-تِنینگیز، هِمّه گویجونگیز و بار دوشونجَنگیز بیلِن سُیونگ.‏ شِیله هِم:‏ هِمسایانگی اُزونگی سُیشونگ یالی سُی»‏ دییدی.‏

لوقا 22:32

اِمّا مِن ایمانینگ کِمِلمِسین دییّپ، سِنینگ اوچین دُغا اِتدیم.‏ سِن هِم بیر واقت اُورولیپ گِلِنینگده، دُغانلارینگا قوواتی بِر.‏»‏

رومیلار 15:13

مُقادِّس روحونگ گویجی بیلِن اومیدینگیزینگ آرتماغی اوچین، اومیدینگ چِشمه‌سی بُلان خودای ایمانینگیزینگ اوستو بیلِن، قُی، سیزی شاتلیقدان و پاراحاتلیقدان دُس-دُلی اِتسین.‏

۱ قُرِنتُس‌لار 14:1

سُیگینینگ ایزیندا بُلونگ.‏ مُقادِّس روحونگ ناغماتلارینی آلماغا، خاص-دا نبوّتلیق اِتمَگه ایخلاص اِدینگ.‏

۱ قُرِنتُس‌لار 16:14

هِمّه زادی سُیگی بیلِن اِدینگ.‏

۱ قُرِنتُس‌لار 3:14

اِگِر اُنونگ قوران عماراتی اُدا جیداسا، اُل اُز سیلاغینی آلار.‏

۱ قُرِنتُس‌لار 8:1

ایندی بُلسا بُتلارا قربانلیق بِریلیَن اِت بارادا شولاری آیتماقچی.‏ سیزینگ:‏ ‏«‏هِمّه‌میزینگ عیلیمیمیز بار»‏ دییّپ آیدیانینگیز دُغرودیر.‏ یُنه عیلیم اینسانی مَغرور اِدیَر، اِمّا سُیگی بُلسا آباد اِدیَندیر.‏

۱ قُرِنتُس‌لار 8:3

اِمّا کیم خودایی سُییَن بُلسا، اُل خودای طارافیندان تانیلیاندیر.‏

۲ قُرِنتُس‌لار 5:10

چونکی یاخشی بُلسون، یامان بُلسون – بِدِندِکَک اِدِن عِمِل‍لِریمیزه گُرَه پاییمیزی آلماق اوچین، هِمَّه‌میز مسیحینگ حُکوم تاختینینگ اُوونده دورمالیدیریس.‏

۲ قُرِنتُس‌لار 5:15

هاووا، عیسی مسیح هِمّه‌لِرینگ اوغروندا اُلدی.‏ اُل مونی یاشایانلار ایندی اُزلِری اوچین دَل-ده، اُلارینگ اوغروندا اُلِن و دیرِلِن مسیح اوچین یاشاسینلار دییّپ اِتدی.‏

غَلاطیه‌لِر 5:6

چونکی عیسی مسیحه باغلی بُلانلارینگ آراسیندا نه سونِّتلیلیگینگ، نه-ده سونِّتسیزلیگینگ اَهمییِتی باردیر.‏ یِکه سُیگَه عِمِل اِدیَن ایمان اَهمییِتلیدیر.‏

فیلیپیلِر 1:9

مِن سُیگینگیزینگ بیلیمده و گویچلی فَهیملیک دِرِجه دُلوپ-آقماغینی دیلِیَرین.‏

کولُسیلِر 1:27

خودای بو سیرینگ اولی بِییکلیگینی میلِّتلِرینگ آراسیندا مُقادِّسلِره بیلدیرمِک ایسلِدی.‏ بو سیر سیزه بِییکلیگَه قاووشماق اومیدینی بِریپ، سیزده بُلیان مسیحدیر.‏

کولُسیلِر 1:5

بو ایمانینگیز و سُیگینگیز اومیدینگیزدان، هاووا، آسماندا سیزه قاراشیان زاتلارا باغلایان اومیدینگیزدان جُشوپ چیقیار.‏ سیز اُزونگیزه گِلیپ قاوشان حاقیقات سُزی بُلان خوش خاباردا بو اومید بارادا اُوال اِشیدِنسینگیز.‏

کولُسیلِر 3:14

بولارینگ هِمّه‌سینینگ اوستونه-ده هِمّه زادی کَمیل بیرلیگی باغلانیشدیریان سُیگَه گِیینینگ.‏

۱ تِسالونیکیلِر 1:3

ایمانینگ حاصیلی بُلان ایشینگیزی، سُیگودِن عِمِله گِلِن زَحمِتینگیزی، تانگریمیز عیسی مسیحه باغلان اومیدینگیزدان دُرَن جیدامینگیزی آتامیز خودایینگ اُوونده بیرسیخلی یادلایاریس.‏

۱ تِسالونیکیلِر 5:8

بیز بُلسا گوندیزه دِگیشلیدیریس.‏ خودای بیزی غاضابا دوچار بُلماغا دَل، شِیله بُلسا تانگریمیز عیسی مسیحینگ اوستو بیلِن نِجات تاپماغا بِلِّدی.‏ شُنگا گُرَه-ده، اِگنیمیزه ایمان بیلِن سُیگینی زِره حُکمونده، باشیمیزا نِجات تاپماق اومیدینی دِمیردِن تِلفِک حُکمونده گِییپ، هوشیار بُلایلینگ.‏

۱ تیموتاوس 1:5

تابشیریغیمینگ اِساسی ماقصادی ایماندارلارا بیری-بیرینی پَک یورِکدِن، دُغری وِجداندان و حاقیقی ایماندان دُرِیَن سُیگی بیلِن سُیمِگینه یاردیم بِرمِکدیر.‏

۲ تیموتاوس 1:7

چونکی خودای بیزه قُرقاقلیق روحونی دَل-ده، گویچ، سُیگی و اُز نِفسینی ساقلایان روحونی بِرِندیر.‏

عِبرانیلار 10:35

شُنونگ اوچین هِم، اینامینگیزی ییتیرمَنگ، مونونگ بایراغی اولودیر.‏

عِبرانیلار 10:39

بیز ایماندان دَنیپ، هِلَک بُلیان دَل-ده، ایمانیمیزا وِفالی بُلوپ، نِجات تاپیان آداملارداندیریس.‏

عِبرانیلار 6:11

بیز سیزینگ هِر بیرینگیزینگ اومیدینگیزینگ یِرینه یِتیرمِگینینگ اینگ آخیرقی واقتینا چِنلی خیدماتدا قایراتلیق گُرکِزمِگینگیزی ایسلِیَریس.‏

عِبرانیلار 6:19

بو اومید لِنگِر یالی جانیمیزی قاییم هِم خاطارسیز ساقلایاندیر، اُل آسمانداقی چادیرینگ توتولان پِرده‌نینگ آنگیرسینا گِچیَندیر.‏

۱ پِطرُس 1:21

سیز مسیحینگ اوستو بیلِن خودایا ایمان گِتیردینگیز.‏ خودای مسیحی دیرِلدیپ، اُنی بِییکلِندیردی.‏ شِیلِلیکده، ایمانینگیز و اومیدینگیز خودایدادیر.‏

۱ یوحنا 2:10

دُغانینی سُییَن آدام نوردا یاشایاندیر، اُندا بودریمَگه سِبَپ بُلوپ بیلمِز.‏

۱ یوحنا 2:14

اِی بالالار، سیزه یازیارین، چونکی سیز آتامیز خودایی تانییارسینگیز.‏ اِی آتالار، سیزه یازیارین، چونکی سیز اُنی، اُزال-باشدان آیان بُلان مسیحی تانییارسینگیز.‏ اِی ییگیتلِر، سیزه یازیارین، چونکی سیز گویچلیسینگیز، خودایینگ سُزی قالبینگیزا یِرلِشِندیر و سیز شِیطانی یِنگدینگیز.‏

۱ یوحنا 2:24

قُی، سیزینگ اُزال-باشدان اِشیدِن سُزونگیز قالبینگیزدا یِرلِشسین.‏ شُندا سیز اُغول بیلِن هِم، آتا بیلِن هِم یاشارسینگیز.‏

۱ یوحنا 3:3

اُنگا اومید باغلایان هِر بیر آدام مسیحینگ پَک بُلشی یالی، اُزونی پَک ساقلار.‏

۱ یوحنا 3:9

خودایینگ فِرزِندی گونَه اِتمِگینی دُوام اِتمِز، سِبَبی اُنگا خودایینگ طِبیغاتی یِرلِشِندیر.‏ ایندی گونَه اِتمِز، سِبَبی اُل خودایینگ فِرزِندیدیر.‏