۱ قُرِنتُس‌لار 12:10 - مُقادِّس کیتاب

¹⁰ اُل باشغا بیرینه مُعجِزه‌لِر گُرکِزمه، باشغاسینا نبوّتلیق و یِنه بیرینه روحلاری سایغارما، باشغا بیرینه بِلّی دَل دیل‍لِر، یِنه بیرینه بو دیل‍لِری مَعنیلِندِرمه ناغماتینی بِریَر.‏

۱ قُرِنتُس‌لار 12:10 ပူးပေါင်းရင်းမြစ်များ

مَرقُس 16:17

شو عالاماتلار ایمان گِتیریَنلِرینگ هِمراه‌سی بُلار:‏ مِنینگ آدیم بیلِن جینلاری کُووپ چیقارارلار، تَزه دیل‍لِرده کِپلَرلِر.‏

مَرقُس 16:20

اُنسُنگ شَگیرتلِر گیدیپ، خوش خاباری هِمّه یِرده واغیظ اِتدیلِر.‏ خودای اُلار بیلِن ایشلَپ، یِرینه یِتیَن عالاماتلار بیلِن اُز سُزونی تاصدیقلایاردی.‏]‏

لوقا 24:49

مِن هِم آتامینگ واعدا اِدِن مُقادِّس روحونی سیزه یُل‍لارین.‏ اِمّا سیز آسماندان اینجِک قودرات بیلِن دُلدوریلیانچانگیز، اورشلیمده قالینگ»‏ دییدی.‏

یوحنا 14:12

سیزه دُغروسینی آیدیارین، مانگا ایمان گِتیرِن مِنینگ بیتیرِن ایشلِریمی-ده بیتیرِر، حتّیٰ بولاردان هِم خاص بِییک ایشلِری بیتیرِر.‏ سِبَبی مِن آتانینگ یانینا باریارین.‏

یوحنا 16:13

اِمّا حاقیقات روحی گِلِن واقتی سیزی هِمّه حاقیقاتا آلیپ گیدِر.‏ اُل اُز-اُزوندِن کِپلِمِز، نَمه اِشیتسه، شُنی کِپلَر و گِلجِک زاتلاری سیزه اَشکَر اِدِر.‏

رِسول‍لار 1:8

اِمّا سیزینگ اوستونگیزه مُقادِّس روح اینِنده، گویچ-قودراتدان دُلارسینگیز.‏ اورشلیمده، تامام یهودیه‌ده و سامِره‌ده، یِر یوزونینگ دُرت بورجیندا سیز مِنینگ شاهاتلاریم بُلارسینگیز»‏ دییّپ جُغاپ بِردی.‏

رِسول‍لار 11:27

شُل گونلِرده اورشلیمدِن انطاکیَه بیرنَچه نِبی گِلدی.‏

رِسول‍لار 11:28

اُلاردان بیرینینگ آدی آگابوسدی.‏ اُل یِریندِن توروپ، روم ایمپِراطُرلیغیندا یامان آچلیغینگ بُلجاقدیغی بارادا مُقادِّس روحونگ اوستو بیلِن نبوّت اِتدی.‏ بو آچلیق ایمپِراطُر کلودیوسینگ زاماندا بُلوپ گِچدی.‏

رِسول‍لار 19:6

پولس اُلارینگ اوستلِرینه اِلینی قُیان واقتیندا، اُلارا مُقادِّس روح ایندی.‏ اُلار باشغا دیل‍لِرده کِپلَپ، نبوّت اِتمَگه باشلادیلار.‏

رِسول‍لار 5:3

پِطرُس اُنگا شِیله دییدی:‏ ‏«‏حَنانیا، نَمه اوچین سِن شِیطانا قالبینگدان جای بِردینگ؟ سِن مُقادِّس روحا یالان آیدیپ، پولونگ بیر بُلِگینی اُزونگه آلیپ قالدینگ.‏

رومیلار 12:6

بیزه بِرلِن مِرحِمِته گُرَه، هِر بیریمیزینگ هِرهیلی روحانی ناغماتلاریمیز باردیر.‏ شُنونگ اوچین-ده، کیم نبوّتلیق ناغماتینی آلان بُلسا، قُی، اُزونه بِرلِن ایمانا گُرَه نبوّتلیق اِتسین.‏

رومیلار 15:19

عالاماتلار، مُعجِزه‌لِر و مُقادِّس روحونگ گویجینینگ اوستو بیلِن عِمِل اِتدی.‏ شِیلِلیکده، مِن اورشلیمدِن ایلیریکوم وِلایاتینا چِنلی آیلانیپ، عیسی مسیح باراداقی خوش خاباری کَمیل یایراتدیم.‏

۱ قُرِنتُس‌لار 11:4

باشینی اُرتوپ، دُغا یا-دا نبوّتلیق اِدیَن اِرکِک کیشی اُز باشینی بیحُرمات اِدیَندیر.‏

۱ قُرِنتُس‌لار 13:8

نبوّتلیقلار تاماملانار، دیل‍لِر ییتِر و بیلیم قوتارار، اِمّا سُیگی بُلسا آصلا توکِنمِز.‏

۱ قُرِنتُس‌لار 14:13

بِلّی دَل دیل‍لِرده گورلِیَن آدام اُنی دوشوندیریپ بیلمِگی اوچین-ده دُغا اِتمِلیدیر.‏

۱ قُرِنتُس‌لار 14:39

شونلوقدا، اِی عزیزلِر، نبوّتلیق اِتمَگه جان-تِن بیلِن ایخلاص اِدینگ، یُنه بِلّی دَل دیل‍لِرده کِپلِمِگی-ده قاداغان اِتمَنگ.‏

غَلاطیه‌لِر 3:5

خودای سیزه اُز روحونی بِریپ، آرانگیزدا کَن مُعجِزه‌لِری گُرکِزدی.‏ اُل بولاری شِریغاتی بِرجای اِدِنینگیز اوچین دَل-ده، خوش خاباری اِشیدیپ، اُنگا ایناناندیغینگیز اوچین اِتدی.‏

۱ تِسالونیکیلِر 5:20

نبوّتلارا اَسگِرمِزچیلیک اِتمَنگ.‏

عِبرانیلار 2:4

خودایینگ اُزی هِم عالاماتلار، مُعجِزه‌لِر و هِر هیلی قودراتلاری گُرکِزمِک بیلِن بو خاباری تاصدیقلادی و اُز ایسلِگینه گُرَه مُقادِّس روحونگ ناغماتلارینی پایلادی.‏

۱ یوحنا 4:1

عزیزلِریم، اُزونده خودایینگ روحونینگ باردیغینی آیدیان هِر بیر آداما اینانیپ یُرمَنگ.‏ اُلارینگ خودایداندیغینی یا-دا دَلدیگینی بیلمِک اوچین ایمتِحان اِدیپ گُرونگ.‏ سِبَبی دونیَه‌ده اِنچِمه یالان نِبیلِر گُروندی.‏

آیانلیق 2:2

مِن سِنینگ هِمّه اِدِنلِرینگی، شُل حاساپدا زَحمِت چِکِندیگینگی و قایراتلیدیغینگی بیلیَرین.‏ سِنینگ یامان آداملاری ییگرِنیَندیگینگی هِم بیلیَرین.‏ سِن اُزلِرینی رِسول دییَنلِری ایمتِحان اِدیپ، اُلارینگ یالان رِسولدیقلارینی اَشکَر اِتدینگ.‏