۱ قُرِنتُس‌لار 1:9 - مُقادِّس کیتاب

⁹ سیزی اُز اُغلی، تانگریمیز عیسی مسیح بیلِن قاتناشیقدا بُلماغا چاغیران خودای اِمیندیر.‏

۱ قُرِنتُس‌لار 1:9 ပူးပေါင်းရင်းမြစ်များ

مَتّیٰ 24:35

آسمان هِم یِر اُتِر، یُنه مِنینگ سُزلِریم آصلا اُتمِز.‏»‏

یوحنا 17:21

اُلارینگ هِمّه‌سی بیر بُلسون.‏ آتا، سِن مِنده و مِن-ده سِنده بُلشوم یالی، اُلار هِم بیزده بُلسونلار.‏ شِیلِلیکده، مِنی سِنینگ ایبِرِندیگینگه دونیَه ایمان گِتیرسین.‏

رومیلار 11:17

هاووا، باغینگ کَبیر شاخالاری کِسیلیپ، وَحشی زِیتونینگ شاخاسی بُلان سیز اُنگا سِپلِندینگیز.‏ سیز ساقلانیپ یِتیشدیرِلِن زِیتونینگ کُکونینگ شیرِسینه شِریک بُلدونگیز.‏

رومیلار 8:28

بیز خودایی سُییَنلِر و اُنونگ ماقصادینا گُرَه چاغیریلانلار اوچین هِمّه زاد پِیداسینا اِدیلیَندیگینی بیلیَریس.‏

رومیلار 8:30

خودای اُنگدِن بِلَّنلِرینی چاغیردی، چاغیرانلارینی آقلادی و آقلانلارینی بِییکلیگَه گِییندیردی.‏

رومیلار 9:24

خودایینگ شِیله مِرحِمِت اِدِنلِرینینگ و چاغیرانلارینینگ آراسیندا دینگه یَهودیلِر دَل، اُندان باشغا میلِّتلِر هِم باردیر.‏ هاووا، بولارینگ آراسیندا بیز هِم باردیریس.‏

۱ قُرِنتُس‌لار 1:30

چونکی سیز عیسی مسیح بیلِن دینگه خودایینگ اوستو بیلِن بیرلِشِنسینگیز.‏ عیسی مسیح بیزینگ اوچین خودایینگ حِکمِتینی، یَعنی تاقوالیغیمیز، مُقادِّسلیگیمیز و آزادلیغیمیز بُلدی.‏

۱ قُرِنتُس‌لار 10:13

باشینگیزدان اینِن وِسوِسه‌لِر باشغالارینگ-دا باشیندان اینیَندیر.‏ اِمّا خودای اِمیندیر!‏ اُل سیزینگ گویجونگیزینگ یِتمِجِک وِسوِسه‌سینی بِرمِز.‏ سیز وِسوِسه دوشِنینگیزده، خودای قاپی-دا آچار، وِسوِسه‌دِن اوستون چیقماق اوچین گویچ-قووات هِم بِرِر.‏

۱ قُرِنتُس‌لار 10:16

مسیحینگ سُفره‌سینا بیز شوکور اِدیپ، بِرِکِت کَسه‌سیندِن ایچِنیمیزده، مسیحینگ قانینا شِریک بُلمایاریسمی؟ و چُرِگی بُلوپ اییِنیمیزده، مسیحینگ بِدِنینه شِریک بُلمایاریسمی؟

۲ قُرِنتُس‌لار 1:18

بُلشی یالی خودای اِمیندیر، بیزینگ سیزه آیدان سُزیمیزینگ هِم ‏«‏هاووا»‏، هِم ‏«‏یُق»‏ دَلدیگینه اُل شاهاتدیر.‏

غَلاطیه‌لِر 1:15

اِمّا خودای مِرحِمِت اِدیپ، مِنی اِنه‌دِن دُغماقام سایلاپ چاغیردی.‏ اُل خوش خاباری بیگانه میلِّتلِره واغیظ اِتمِگیم اوچین، مانگا اُز اُغلونی اَشکَر اِتمِگی دُغری بیلدی.‏ شُندا مِن هیچ کیمه ماصلاحاتلاشمادیم

غَلاطیه‌لِر 2:20

مِن مسیح بیلِن صلیبه چویلِندیم، ایندی مِن دَل-ده، مِندَکی مسیح یاشایاندیر.‏ بِدِندَکی یاشایشیم بُلسا خودایینگ اُغلونا بُلان ایمانیمینگ اوستو بیلِندیر.‏ اُل مِنی سُیوپ، اُزونی مِنینگ اوچین قربانی اِتدی.‏

اِفِسُسلار 3:6

اینه، خودایینگ سیری شودور:‏ خوش خاباری قابول اِدیَن یَهودی دَل‍لِر هِم یَهودیلِره بِرلِن بِرِکِت واعداسینا، بیر بِدِنه و بیر میراثا عیسی مسیحده دِنگ دِرِجه‌ده شِریکدیرلِر.‏

کولُسیلِر 1:24

مِن سیزینگ اوغرونگیزدا گُریَن قینچیلیقلاریما بِگِنیَرین.‏ بو قینچیلیقلاریم مسیحینگ بِدِنینینگ، یَعنی کِلیسانینگ قینچیلیقلارینینگ اوستونی یِتیریَر.‏

۲ تِسالونیکیلِر 2:14

اُل تانگریمیز عیسی مسیحینگ بِییکلیگینَه اُرتاق بُلوپ بیلِرینگیز یالی، واغیظ اِدیَن خوش خاباریمیزینگ اوستو بیلِن سیزی بولارا چاغیردی.‏

۲ تِسالونیکیلِر 3:3

اِمّا تانگری عیسی اِمیندیر.‏ اُل سیزه قووات بِرِر و یامانلیقلاردان قُرار.‏

۲ تیموتاوس 1:9

خودای بیزی اِدِن عِمِل‍لِریمیزه گُرَه دَل-ده، اُز ماقصادینا و مِرحِمِتینه گُرَه نِجات بِریپ، مُقادِّس یاشایشا چاغیردی.‏ بو مِرحِمِت دونیَه یارادیلمازدان اُنگ عیسی مسیحینگ اوستو بیلِن بیزه بِرلیپ،

۲ تیموتاوس 2:13

اِمّا بیز اُنگا وِفالی قالماساق-دا، اُل بیزه وِفالی قالار، سِبَبی اُل اُزونی اینکَر اِدیپ بیلمِیَر.‏

تیتوس 1:2

خودایینگ بو یُلی باقی یاشاییش اومیدینی بِریَر.‏ سُزونده آصلا یالان بُلمادیق خودای بو یاشایشی دونیَه یارادیلمازدان اُنگ واعدا بِریپ،

عِبرانیلار 10:23

ایندی ایقرار اِدِن اومیدیمیزی شِکلِنمَن قاییم ساقلایلینگ، چونکی واعدا بِرِن خودای اِمیندیر.‏

عِبرانیلار 11:11

اُزونینگ قارّاندیغینا و آیالی سارانینگ گُورِلی بُلمایاندیغینا باقمازدان، ابراهیم ایمانینگ اوستو بیلِن فِرزِنت گُردی.‏ سِبَبی اُل واعدا بِرِن خودایینگ وِفاداردیغینا ایناندی.‏

عِبرانیلار 2:17

شُنونگ اوچین اُل هِر طارافدان بیزلِره مِنگزِمِلی بُلدی.‏ شِیدیپ، اُل خالقینگ گونَه‌لِرینی پَکلِیَندیر و خودایینگ خیدماتیندا رِحمدار هِم اِمین باش کاهیندیر.‏

عِبرانیلار 3:1

شُنونگ اوچین هِم، اِی مِنینگ بیلِن بیله خودای طارافیندان چاغیریلان مُقادِّس عزیزلِر، هِمّه فیکرینگیز عیسادا بُلسون!‏ اُل بیزینگ ایقرار اِدیَن رِسول و باش کاهینیمیزدیر.‏

عِبرانیلار 3:14

بیز اُزال-باشداقی اینامیمیزی آخیرنا چِنلی قاییم ساقلاساق، مسیحده شِریک بُلدوغیمیزدیر.‏

عِبرانیلار 6:18

شِیلِلیکده، خودای بیزه ایکی زات:‏ هِم واعدا بِردی، هِم قاسام ایچدی.‏ مونونگ ایکیسی هِم اویتگِمِیَندیر، سِبَبی خودای هیچ واقت یالان آیتمایار.‏ شُنونگ اوچین هِم، بیز خودایدا پِناه گِتیریپ، اُزومیزه بِرلِن اومیدا قاییم یاپیشیپ گُوونلیک تاپیاریس.‏

۱ پِطرُس 5:10

بُل مِرحِمِتی جُشدیریان خودای سیزی مسیحینگ اوستو بیلِن اُز اِبِدی بِییکلیگینَه چاغیردی.‏ سیز دورموشدا عاذاپ چِکیَن بُلسانگیز هِم، اُل سیزی دیکِلدِر، قاییملار، گویچلِندیرِر و تیترِمِز بینا اِدیپ قورار.‏

۱ یوحنا 1:3

سیزینگ-ده بیزینگ بیلِن شِریکلیگینگیز بُلار یالی، گُرِنیمیزی، اِشیدِنیمیزی سیزه آیدیاریس.‏ بیزینگ شِریکلیگیمیز بُلسا آتا و اُنونگ اُغلی عیسی مسیح بیلِندیر.‏

۱ یوحنا 1:7

اِمّا خودایینگ نوردا بُلشی یالی، بیز هِم نوردا گِزیَن بُلساق، اُندا بیری-بیریمیز بیلِن شِریکلیگیمیز باردیر.‏ اُنونگ اُغلی عیسانینگ قانی بیزی هِمّه گونَه‌دِن پَک اِدیَندیر.‏

۱ یوحنا 4:13

خودای هِر بیریمیزه اُز روحونی بِردی.‏ خودایینگ بیز بیلِن و بیز خودای بیلِن یاشایاندیغیمیز شُندان بیلیَریس.‏

آیانلیق 19:11

سُنگرا مِن آچیلان آسمانی و اُل یِرده دوران بیر آق آتی گُردوم.‏ آتا مینیپ اُتوران اِمین و حاقلی دییّپ آدلاندیریلیاردی.‏ اُل عادیل حُکوم چیقاریاندیر و عادالاتلی جِنگ اِدیَندیر.‏