۱ قُرِنتُس‌لار 1:27 - مُقادِّس کیتاب

²⁷ اِمّا حِکیملِری اوتاندیرماق اوچین، خودای بو دونیَه‌نینگ آحماق حاساپلانیانلارینی سایلادی.‏ گویچلیلِری اوتاندیرماق اوچین هِم بو دونیَه‌نینگ اِجیز حاساپلانیانلارینی سایلادی.‏

۱ قُرِنتُس‌لار 1:27 ပူးပေါင်းရင်းမြစ်များ

مَتّیٰ 11:25

شو واقت عیسی سُزونی دُوام اِدیپ، شِیله دییدی:‏ ‏«‏اِی آتام، یِرینگ و آسمانینگ حُکومداری!‏ بو زاتلاری عاقیلدارلاردان و دانالاردان گوزگَپ، چاغالارا آیان اِدِندیگینگ اوچین، سانگا شوکور اِدیَرین.‏

مَتّیٰ 21:16

اُلار عیسادان:‏ ‏«‏بولارینگ نَمه دییَنینی اِشیدیَرسینگمی؟»‏ دییّپ سُرادیلار.‏ عیسی اُلارا:‏ ‏«‏هاووا، اُندا سیز:‏ ‏”‏چاغالار و بَبِکلِرینگ دیلینده شوکور و دُغا اِتمِسینی یاراتدینگ“‏ دییِن سُزلِری آصلا اُقیمادینگیزمی؟»‏ دییدی.‏

مَتّیٰ 9:9

عیسی شُل یِردِن گِچیپ باریارقا، مالییات آلیپ اُتوران مَتّیٰ‌نی گُروپ، اُنگا:‏ ‏«‏مِنینگ ایزیما دوش»‏ دییدی.‏ اُل هِم توروپ، اُنونگ ایزینا دوشدی.‏

لوقا 21:15

مونونگ اوچین مِن سیزه سُز هِم حِکمِت بِرِرین.‏ سیزه قارشی چیقیانلارینگ هیچ بیری مونگا نه قارشی دوروپ بیلِر، نه-ده بیر زات آیدیپ بیلِر.‏

رِسول‍لار 17:18

بیرنَچه اِپیکورین و رَواقین فیلسوفلار هِم پولس بیلِن جِدِلِّشدیلِر.‏ کَبیرلِری:‏ ‏«‏بو بُش سُزلی آدام نَمه دییجِک بُلیار؟»‏ کَبیرلِری:‏ ‏«‏اُل بیگانه خودایلار بارادا واغیظ اِدیَر»‏ دییَّردی.‏ پولس عیسانینگ خوش خابارینی و دیرِلیشینی واغیظ اِدیَندیگی اوچین، اُلار شِیله دییَّردیلِر.‏

رِسول‍لار 7:35

‏«‏اینه، بو موسی:‏ ‏”‏کیم سِنی بیزه حاکیم یا-دا قاضی اِدیپ قُیدی؟“‏ دییّپ، خالقینگ اینکَر اِدِن موساسیدی.‏ خودایینگ اُزی یانداقدا گُرنِن پِریشدَه‌نینگ اوستو بیلِن حاکیم هِم نِجات بِریَن اِدیپ اُنی یُلّادی.‏

رِسول‍لار 7:54

مِجلِسینگ آداملاری بو سُزلِری اِشیدِنلِرینده، قاهار-غاضابا مینیپ، اِستیفانا دیشلِرینی قیجیردادیلار.‏

۱ قُرِنتُس‌لار 1:20

حِکیم آدام هانی؟ دانا آدام هانی؟ بو زامانینگ عالیمی هانی؟ مِگِر خودای دونیَه حِکمِتلیگینینگ آحماقلیقدیغینی گُرکِزمِدیمی نَمه؟

۱ قُرِنتُس‌لار 1:21

خودای دونیَه اُز حِکمِتینه دایانیپ، خودایی تانیپ بیلمِز دییِن قارار اِتدی.‏ شُنگا گُرَه-ده، آحماق حاساپلانیان خاباریمیزینگ اوستو بیلِن خودای ایمان گِتیریَنلِری نِجات بِرمِگی یورِگینه دوودی.‏

۱ قُرِنتُس‌لار 2:12

بیز بو دونیَه‌نینگ روحونی آلان دَلدیریس.‏ خودایینگ اُزی مِرحِمِت اِدیپ بِرِن زاتلارینا دوشونیپ بیلِر یالی، بیز خودایینگ روحونی آلاندیریس.‏

۲ قُرِنتُس‌لار 10:10

کَبیر آداملار:‏ ‏«‏پولسینگ نامه‌لاری آغیر و گویچلی بُلسا-دا، اُنونگ اُزی آرامیزا گِلِنده اِجیز گُرونیَر.‏ اُنونگ کِپی-ده هیچدیر!‏»‏ دییّپ آیدیارلار.‏

۲ قُرِنتُس‌لار 4:7

بیز خازینانی اُزونده ساقلایان کویزه‌لِر کیمیندیریس.‏ شُنونگ اوچین-ده، بو عجاییپ قودراتینگ بیزدِن دَل-ده، خودایداندیغی اَشکَردیر.‏

یعقوب 2:5

قولاق آسینگ، اِی عزیزلِریم!‏ خودای بو دونیَه‌ده قاریپلاری ایماندا بای بُلماقلاری اوچین سایلامادیمی؟ خودای اُزونی سُییَنلِره واعدا بِرشی یالی، قاریپلاری پادیشاهلیغینی میراث آلماقلاری اوچین سایلامادیمی نَمه؟