Ýunus 4:8 - Мукаддес Китап

⁸ Гүн доганда, Худай гүндогардан эпгек өвүсдирди. Гүн Юнусың депесини гайнадып башлады, онда ысгын-мыдар галмады. Ол өзүне өлүм диләп: «Яшанымдан өленим говудыр» дийди.

Mukaddes Kitap

⁸ Gün doganda, Hudaý gündogardan epgek öwüsdirdi. Gün Ýunusyň depesini gaýnadyp başlady, onda ysgyn-mydar galmady. Ol özüne ölüm diläp: «Ýaşanymdan ölenim gowudyr» diýdi.

Ýunus 4:8 ပူးပေါင်းရင်းမြစ်များ

Gelip çykyş 41:6

Олардан соң болса гүндогар елине гуран еди саны пуч дәне сүммүли өсүп чыкярмыш.

1 Patyşalar 19:4

Ыляс пыгамбериң өзи болса чөлде бир гүнлүк ёл йөрәп, гелип, бир гырымсы сүбсе агаҗының ашагында отурды-да, өз өлүмини диләп: «Бесдир, я Реб, инди мениң җанымы ал, чүнки мен аталарымдан говы дәлдирин» дийди.

1 Patyşalar 21:4

Ахап йизрегелли Набодың айдан сөзүне йүзүни сортдурып, гахарлы халда өйүне гайтды, чүнки Набот: «Аталарымың мирасыны саңа бермерин» дийипди. Ахап өйүне гелип, хич зат ийип-ичмезден дүшегине гечип, йүзүни терс өврүп ятды.

Eýýup 2:10

Эмма Эйюп аялына: «Сен акмак аял ялы геплейәрсиң. Худайдан ягшылыгы кабул эдип, яманлыгы кабул этмәлими?» дийип җогап берди. Шунча хасратларың ичинде-де Эйюп гепи-сөзи билен гүнә этмеди.

Eýýup 7:15

Шу тенде яшандан, боглуп өленим говудыр.

Zebur 121:6

«Сени сөййәнлер аман яшасын! Диварларыңың ичинде парахатчылык болсун, гала диңлеринде ховпсузлык болсун!» дийип, Иерусалимиң парахатлыгы үчин дога-дилеглер эдиң.

Zebur 39:9

Эй, Худайым, ислегиңи берҗай этмекден леззет алярын; Сениң кануның хем мениң калбымда».

Wagyz 7:9

Тизгахар болма, чүнки гахар акылсызларың гурсагында орнашяр.

Nagmalar 1:6

Эй, көңлүмиң ашыгы, айтсана маңа, ниреде бакяң сүриңи? Гүнорта чагы олара ниреде дынч берйәң? Ёлдашларыңың сүрүлериниң янында нәме үчин сергездан зенан дек болайын?

Işaýa 49:10

Аҗыкмазлар, сувсамазлар, җөвза хем Гүн олары якмаз, чүнки олара рехим эдениң Өзи ёл гөркезер, олары сув чешмелерине гетирер.

Эзекиел 19:12

Йөне оны газап билен согруп ере ташладылар; гүндогар ели мивесини гуратды, берк шахалары гопарылып солды, олары ялынлы от якып ёк этди.

Hoşeýa 13:15

Эфрайым доганларының арасында барлы-барҗамлы болса-да, Гүндогардан эпгек, чөлден Реббиң ели өвсер. Онуң чешмеси кесилер, гуюсы гурап галар. Хазынасындан шай-сеплери таланар».

Lewiler 10:3

Онсоң Муса Харуна: «Ине, бу Реббиң: „Хызматымы эдйән руханылар Мениң мукаддеслигиме хормат гоймалыдырлар. Бүтин халк Мени шөхратламалыдыр“ диени шудур» дийди. Харун сесини чыкармады.

Ýunus 1:4

Эмма Реб деңзе гүйчли ел иберди; деңизде элхенч гай туруп, гәми чагшара гелди.

Ýunus 4:3

Инди болса, Я Реб, мениң җанымы ал, чүнки яшанымдан өленим говудыр».

Ýunus 4:9

Худай Юнусдан: «Өсүмлик бабатда гахарланмага хакың бармы?» дийип сорады. Юнус: «Хава, хакым бар. Гахардан яңа өзүме өлүм дилейәрин» дийди.

Matta 20:12

«Бу иң соңкы геленлер диңе бир сагат ишледилер, биз болса, җөвзалы ыссыда гүнузын агыр зәхмет чекдик. Муңа гарамаздан сен бизиң зәхметимизи оларыңкы билен дең этдиң» диййәрлер.

Аянлык 3:19

Мен Өз сөййәнлериме кәйәп, олары тербиелейәндирин. Шонуң үчин-де, ыхласлы бол, тоба эт!

Аянлык 7:16

Олар инди асла аҗыкмазлар, асла сувсамазлар, олары гүн урмаз, җөвза-да якмаз.

1 Şamuwel 3:18

Шондан соң Шамувел хич зады гизлемән, хеммесини болшы ялы Элийә гүррүң берди. Элий: «Ол Ребдир, гой, Ол Өз халаныны этсин» дийди.