Ýowel 2:27 - Мукаддес Китап

²⁷ Сиз Мениң Ысрайылың арасындадыгымы, Бейик Худайыңызың Мендигими, өзгәниң-де ёкдугыны билерсиңиз. Мениң халкым гайдып утандырылмаз».

Mukaddes Kitap

²⁷ Siz Meniň Ysraýylyň arasyndadygymy, Beýik Hudaýyňyzyň Mendigimi, özgäniň-de ýokdugyny bilersiňiz. Meniň halkym gaýdyp utandyrylmaz».

Ýowel 2:27 ပူးပေါင်းရင်းမြစ်များ

Zebur 46:5

Реб сайлап-сечип, бизе юрт берди, биз – Онуң сөййән халкы. Села

Zebur 68:18

Сен гулуңдан Өз йүзүңи гизлеме, эҗир чекйәрин, тизрәк җогап берсене!

Süleýmanyň pähimleri 1:23

Мениң кәйинҗиме үнс берсеңиз, рухумы үстүңизе дөкерин. Мен сөзүми сизе билдирерин.

Işaýa 12:6

Эй, Сион халкы, хешелле как, гыгыр! Араңыздакы Ысрайылың Мукаддеси бейикдир!»

Işaýa 44:3

Мен сувсуз топрага сувлар дөкерин, гуры ерлере чешмелер акдырарын; несиллериңиң үстүне Рухумы, перзентлериңиң үстүне берекедими дөкерин.

Işaýa 44:8

Горкмаң, эйменмәң, Саңа овалдан айтмадыммы, билдирмедимми нәме? Сиз Мениң шаятларым! Худай бармы Менден башга? Башга Гая ёкдур, хич бирини билмейәрин».

Işaýa 45:18

Гөклери ярадан, Ол Худай, дүнйәни ярадан, оңа шекил берен, оны беркиден, бош болмасын, адамлы болсун диен Реб шейле диййәр: «Мен Ребдирин, Менден башга хич ким ёкдур».

Işaýa 45:5

Мен Ребдирин, башгасы ёкдур, Менден башга Худай ёкдур. Мени танамасаң-да, саңа Мен гүйч берерин. Гүндогардан гүнбатара деңеч Менден башганың ёкдугыны билсинлер дийип, Мен гүйч берерин саңа.

Işaýa 46:9

Гадымда болан-гечен затлары ятлаң, Мен Худайдырын, Менден башга Худай ёкдур, Мен Худайдырын, Маңа меңзейән ёкдур.

Işaýa 49:23

Патышалар саңа аталык, ша аяллары саңа энелик эдерлер. Олар саңа тагзым эдип, аяк тозуңызы яларлар. Шонда сен Мениң Ребдигими билерсиң. Маңа умыт баглаянлар утанҗа галмаз».

Işaýa 53:6

Әхлимиз эдил гоюн ялы азашдык; өз ёлумыз билен гитдик херимиз, Реб әхлимизиң этмишимизи оңа йүкледи.

Эзекиел 37:6

Үстүңизе сиңирлер чекип, сизе эт битирерин, үстүңизе дери гейдирип, ичиңизе непесими үфләрин; сиз дирелерсиңиз ве Мениң Ребдигими билерсиңиз“».

Эзекиел 39:22

Шейлеликде, ысрайыл халкы шол гүнден башлап, Мениң өзлериниң Худайы Ребдигими билер.

Эзекиел 39:28

Сүргүн эден ерлеримден халкы ызына гетиренимде, олар Мениң өзлериниң Худайы Ребдигими билерлер; ол ерде оларың бирини-де галдырман өз юртларына йыгнарын.

Эзекиел 39:29

Рухумы ысрайыл халкының үстүне дөкерин ве инди хич хачан йүзүми олардан гизлемерин». Муны Хөкмүрован Реб диййәр.

Ýowel 2:26

Сизиң ийҗегиңиз болелин болар, олардан герк-гәбе доярсыңыз; сизиң үчин аҗайып ишлери эден Худайыңыз Реббиң адына алкышлар айдарсыңыз. Мениң халкым гайдып утандырылмаз.

Ýowel 3:17

«Шонда Мен Бейик Худайыңызың мукаддес дагым Сионда месген тутандыгымы билерсиңиз. Иерусалим хем мукаддес болар, кесекилер оны басып алмаз хич хачан.

Ýowel 3:21

Мен аларын ганларының хунуны хем-де акламарын гүнәни, чүнки Реб Сионда месген тутяндыр».

Сепаня 3:11

Гаршыма эден әхли пис ишлери үчин, шол гүн халкым утандырылмаз. Чүнки Мен өзүне буйсанып, мен-менлик эдйәнлери араңыздан айрарын. Сиз мукаддес дагымда мундан бейләк текепбирлик этмерсиңиз.

Сепаня 3:17

Худайыңыз Реб, еңиш берйән Сөвешиҗи сизиң араңызда. Реб сизе гуванып шатланар, Ол сөйгүсинде сизе тәзе дурмуш берер, нагмалар билен Онуң сизе йүреги җошар».

Закаря 2:9

Инди Мен оларың гаршысына эл гөтерҗек; олары өз гуллары талаңа салар». Шонда яныңыза мени Хөкмүрован Реббиң иберендигини билерсиңиз.

Çölde 11:29

Эмма Муса оңа: «Сен мениң үчин габанҗаңлык эдйәрмиң? Кәшгә Реббиң бүтин халкы пыгамбер болсады ве Реб Өз Рухуны оларың барына берседи!» дийип җогап берди.

Çölde 23:21

Мен Якуба хич хили бетбагтлык ёкдугыны, Ысрайылда бела-бетериң болмаҗагыны гөрйәрин. Ысрайыл Худайы Реб олар билендир. Олар Оны өз патышасы хөкмүнде алкышлаярлар.

2 Korintoslylar 6:16

Худайың ыбадатханасы билен бутларың, хей-де, өзара ылалашыгы болармы? Чүнки биз дири Худайың ыбадатханасыдырыс. Худай: «Мен оларың арасында месген тутарын ве оларың арасында боларын. Мен оларың Худайы, олар хем Мениң халкым боларлар» дийипди ахырын.

Kanun taglymaty 23:14

Чүнки Худайыңыз Реб сизи халас этмек үчин ве душманларыңызы сизиң элиңизе бермек үчин дүшелгәңизиң ичине айланар. Шонуң үчин дүшелгәңиз пәк болмалыдыр, Реб араңызда неҗис зат гөрүп, сизден йүз өвүрмесин.

1 Petrus 2:6

Мукаддес Язгыларда шейле дийилйәр: «Ине, Мен Сионда бина дашыны, сайлама ве гымматбаха бурч дашыны гойярын. Оңа бил баглан асла утандырылмаз».

Аянлык 21:3

Мен тагтдан батлы бир сесиң шейле диенини эшитдим: «Худайың месгени инди ынсанларың арасындадыр! Ол инди ынсанларың арасында месген тутар. Олар Онуң халкы боларлар, Ол хем олар билен болуп, оларың Худайы болар.