Ýowel 2:16 - Мукаддес Китап

¹⁶ Халкы йыгнап, җемагаты тәмизләң, яшулулары хем чагалары, хатда эмйән бәбеклери чагырың. Гой, өйленйән йигит өз отагындан, гелин-де өз тутусындан чыксынлар.

Mukaddes Kitap

¹⁶ Halky ýygnap, jemagaty tämizläň, ýaşululary hem çagalary, hatda emýän bäbekleri çagyryň. Goý, öýlenýän ýigit öz otagyndan, gelin-de öz tutusyndan çyksynlar.

Ýowel 2:16 ပူးပေါင်းရင်းမြစ်များ

2 Йыл язгылары 20:13

Яхуда эркеклериң бары өз яш чагаҗыклары, аяллары ве огуллары билен Реббиң хузурында дурдулар.

2 Йыл язгылары 29:5

Хизкия олара: «Эй, левилер, маңа гулак асың! Иниңизи тәмизләң ве ата-бабаларыңызың Худайы Реббиң өйүни мукаддес эдиң! Бу мукаддес ерден харам затлары чыкарып зыңың.

2 Йыл язгылары 30:17

Халкың арасында инини тәмизлемедик көп адам барды. Шонуң үчинем левилер тәмиз болмадык хер адам үчин Песах җанлысыны союп, гурбанлыгы Реббе багыш этдилер.

2 Йыл язгылары 35:6

Песах җанлысыны союң; иниңизи тәмизләп, Реббиң Мусаның үсти билен берен сөзүни амал эдер ялы, доганларыңыз үчин тайярлык гөрүң».

Eýýup 1:5

Мейлис гутаранының эртеси ир билен туруп, Эйюп чагаларыны чагырдарды. Ол: «Белки, чагаларым ичлеринден Худая гаргынып гүнә эдендирлер» дийип, олары пәклемек үчин баш санына гөрә якма гурбанлыкларыны хөдүрләрди. Эйюп хемише шейле эдерди.

Zebur 19:5

Йүрек арзувларыңы Ол хасыл этсин, әхли максатларыңа сени етирсин.

Müsürden çykyş 19:10

Реб Муса шейле дийди: «Адамларың янына бар, шу гүн ве эртир инлерини тәмизлемеги буюр, гой, олар гейимлерини-де ювсунлар.

Müsürden çykyş 19:15

Муса халка: «Биригүн тайяр болуң, аялыңыза янашмаң» дийди.

Müsürden çykyş 19:22

Хатда Мениң якыныма гелҗек руханылар хем инлерини тәмизлесинлер, ёгсам Мен оларың-да җезасыны берерин» дийди.

Ýowel 1:14

Агыз беклемәге белләң сиз вагты, җар эдиң мукаддес йыгнанышыгы. Яшулулары хем-де тутуш юрдуң халкыны йыгнаң Бейик Худайыңызың өйүне хем-де Реббе дат-перят эдиң.

Matta 21:16

Олар Исадан: «Буларың нәме диййәнини эшидйәрсиңми?» дийип сорадылар. Иса олара: «Хава, эйсем сиз: „Чагаларың, бәбеклериң дилинде алкыш сенасыны яратдың“ диен сөзлери асла окамадыңызмы?» дийди.

Matta 9:15

Иса олара: «Гиев янларындака, хей-де, тоюң мыхманлары яс тутармы? Эмма гиевиң олардан алынҗак гүнлери гелер, шонда олар агыз бекләрлер.

1 Korintoslylar 7:5

Диңе Худая дога эдйән вагтыңыз болаймаса, башга вагт бири-бириңизи әр-аяллык хукугындан махрум этмәң. Бу хем өзара ылалашыга гөрә диңе вагтлайын болсун. Соңра гайтадан биригиң. Ёгса өзүңизе эрк эдип билмейәнлигиңизден пейдаланып, шейтан сизи аздыраймасын.

Ýeşuwa 7:13

Ериңден тур-да, адамлара инлерини тәмизлемеги буюр. Гой, олар эртире ченли инлерини тәмизләп пәкленсинлер. Себәби Ысрайыл Худайы Реб шейле диййәр: „Эй, Ысрайыл, ёк эдилмели затлар сениң өз ичиңде. Шоңа гөрә-де сен тә өз ичиңден олары айрып ташлаянчаң, өз душманларыңың өңүнде дуруп билмерсиң.

Ýeşuwa 8:35

Тутуш Ысрайыл җемагатының, аялларың, чагаларың ве оларың арасындакы гелмишеклериң өңүнде Ешува Мусаның әхли буйрукларыны еке сөз хем галдырман окады.

1 Şamuwel 16:5

Шамувел: «Эйгилик. Реббе гурбанлык бермек үчин гелдим. Иниңизи тәмизләң-де, мениң билен гурбанлыга барың» дийди. Соңра ол Йышай билен онуң огулларыны тәмизләп, мукаддес этди ве олары гурбанлыга чагырды.