Ýeşuwa 7:21 - Мукаддес Китап

²¹ Мен олҗа алнан затларың арасындан овадан Шингар донуны, бәш гадак күмүш хем-де аграмы бир ярым гадак болан алтын токгасыны гөренимде, гөзүм гидип, олары огурладым. Ашагына күмүш гоюп, мен олары чадырымың ичинде ере гөмдүм» дийип җогап берди.

Mukaddes Kitap

²¹ Men olja alnan zatlaryň arasyndan owadan Şingar donuny, bäş gadak kümüş hem-de agramy bir ýarym gadak bolan altyn tokgasyny görenimde, gözüm gidip, olary ogurladym. Aşagyna kümüş goýup, men olary çadyrymyň içinde ýere gömdüm» diýip jogap berdi.

Ýeşuwa 7:21 ပူးပေါင်းရင်းမြစ်များ

Gelip çykyş 10:10

Башда Нимродың шалыгы Шингар юрдундакы Бабыл, Эрек, Акат хем Калне галаларының дөрдүсини өз ичине алярды.

Gelip çykyş 3:6

Аял бу агаҗың мивесиниң иймит үчин говудыгыны, гөзе якымлыдыгыны ве онуң акыл-пайхас берйәндигини гөрүп, ондан алып ийди. Янындакы адамсына-да берди, ол хем ийди.

Gelip çykyş 34:27

Якубың бейлеки огуллары өлдүриленлериң янына гелдилер ве өз уяларының биабрай эдилендиги үчин галаны таладылар.

Gelip çykyş 6:2

Ылахы барлыклар бу ынсан гызларының оваданлыгыны гөрүп, олардан өз халанларыны аяллыга алдылар.

2 Şamuwel 11:2

Бир гүн агшамара Давут дүшегинден туруп, көшгүң үчегине чыкды-да, гезим этмәге башлады. Шол вагт сува дүшүнип дуран бир аяла онуң гөзи дүшди. Аял дийсең гөрмегейди.

2 Patyşalar 7:8

Бу ёканч дери кеселли адамлар дүшелгәниң гырасына гелип, бир чадыра гирип ийип-ичдилер. Онсоң ол ерден күмүш, алтын, эгин-эшик әкидип, олары гизледилер. Соңра олар ене-де ызларына өврүлип гелип, башга бир чадыра гирдилер. Ол ердәки бар болан затлары әкидип, олары-да гизледилер.

Eýýup 31:1

«Бой гыза гыя гөз билен бакмаҗагыма ант ичдим.

Müsürden çykyş 20:17

Башга адамың өйүне, аялына, гул-гырнагына я-да өкүзине, эшегине оңа дегишли затларың хич бирине гөз дикме».

Süleýmanyň pähimleri 1:19

Оларың такдыры шейле болар, зулума гызыгып топлан байлыгы өз җаныны алар.

Süleýmanyň pähimleri 23:31

Шерабың алына, пыялада өвшүн атышына, аңсатлык билен ашак саркянына бакма.

Süleýmanyň pähimleri 28:22

Гысганч адам байлыгың ызында харс уруп, башына гарыплыгың гелҗегини билйән дәлдир.

Süleýmanyň pähimleri 4:23

Бар гүйҗүң билен йүрегиңи гора, чүнки яшайшың гөзбашы йүрекден гайдяр.

Işaýa 28:15

Сиз: «Биз өлүм билен әхт эдишдик, ылалашык баглашдык өлүлер дүнйәси билен; улы бетбагтчылык иненде юрда, гечип гидер, бизе етмез, чүнки биз яланчылыгы пена эдиндик, галплык ичинде гизлендик» дийдиңиз.

Işaýa 29:15

Өз ниетлерини Ребден гизлемәге чалышянларың, дат гүнүне! Ишлери гараңкылыкда болуп, олар: «Бизи ким гөрйәр? Бизи ким танаяр» диййәрлер.

Habakuk 2:9

Өйүни харам газанч билен долдуряның, бетбагтлык пенҗесинден гачмак үчин, өйүни белентликде гуряның дат гүнүне!

Luka 12:15

Онсоң олара: «Әгә болуң! Өзүңизи хер хили бетнебисликден гораң, себәби ынсаның яшайшы онуң мал-мүлкүниң боллугына баглы дәлдир» дийди.

Luka 12:2

Япык болуп, үсти ачылмаҗак, гизлин болуп, билинмеҗек зат ёкдур.

Efesliler 5:3

Араңызда азгынлык, харамлык, ачгөзлүк эдйән болмасын. Бейле затлар Худайың халкына гелишмейәр.

Efesliler 5:5

Шуны билип гоюң: хич бир азгының, мурдарың я-да ачгөзүң Месихиң ве Худайың Шалыгында мирасы ёкдур. Чүнки шейле адамлар бутпаразлар билен дес-деңдир

Kanun taglymaty 7:25

Оларың худайларының бутларыны якың. Өзүңизе алмак үчин олардакы алтына, күмше гөз гыздырмаң, себәби бу сизе дузак болар. Чүнки бу Худайыңыз Реб үчин неҗис затдыр.

Колосиялылар 3:5

Шонуң үчин хем дүнъеви тебигатыңыза махсус болан азгынлыгы, ахлаксызлыгы, харам кейпи, пис хөвеслери ве бутпаразлык билен дең хасапланян ачгөзлүги өлдүриң.

Еврейлер 13:5

Пулуң ышкына дүшмәң. Элиңиздәки барына канагат эдиң. Себәби Худай: «Мен сизи хич вагт еке ташламарын, терк этмерин» дийди.

Ýakup 1:15

Онсоң хөвес гөврели болуп, гүнәни догуряр, гүнә хем етишип, өлүми догуряндыр.

Ýeşuwa 7:20

Акан Ешува: «Хакыкатданам, мен Ысрайыл Худайы Реббиң өңүнде гүнә иш этдим.

Ýeşuwa 7:22

Ешува бирнәче адамы чадыры барламага иберди. Олар гөни чадыра күрсәп гирдилер. Яңкы айдылан әхли затлар ашагына күмүш гойлуп, ере гөмлен экен.

2 Petrus 2:15

Олар Бегорың оглы Билгамың ызына эермек билен, догры ёлы терк эдип азашдылар. Билгам харам ёл билен пул газанмагы халады.