Ýeşuwa 22:5 - Мукаддес Китап

⁵ Эмма Реббиң гулы Мусаның сизе берен буйрукларыны ве кануныны долы берҗай эдиң. Худайыңыз Ребби сөйүң, әхли ерде Онуң ёлундан йөрәң, табшырыкларыны ерине етириң, Оңа бил баглаң ве бүтин йүрегиңиз билен җан-тенден Оңа гуллук эдиң».

Mukaddes Kitap

⁵ Emma Rebbiň guly Musanyň size beren buýruklaryny we kanunyny doly berjaý ediň. Hudaýyňyz Rebbi söýüň, ähli ýerde Onuň ýolundan ýöräň, tabşyryklaryny ýerine ýetiriň, Oňa bil baglaň we bütin ýüregiňiz bilen jan-tenden Oňa gulluk ediň».

Ýeşuwa 22:5 ပူးပေါင်းရင်းမြစ်များ

Zebur 106:3

олары ят юртлардан йыгнап җемледи: гүндогардан хем гүнбатардан демиргазыкдан хем гүнортадан.

Zebur 78:7

Чүнки олар ювутдылар Якуп халкыны, вес-вейран этдилер онуң юрдуны.

Müsürden çykyş 15:26

Реб шейле дийди: «Эгер-де сиз Худайыңыз Реббиң сөзүне дыкгат билен гулак гоюп, Онуң назарында догры хасап эдйән ишлерини этсеңиз, Онуң буйрукларына боюн болуп, буйран әхли парзларыны ерине етирсеңиз, онда Мен мүсүрлилериң башындан индерен апатларымың хич бирини сизиң башыңыза салмарын. Чүнки Мен сизе шыпа берйән Ребдирин».

Müsürden çykyş 20:6

Эмма ким Мени сөйүп, буйрукларымы ерине етирсе, онуң мүңлерче неслине садык сөйгими гөркезерин.

Müsürden çykyş 23:13

Мениң сизе айданларымың әхлисини ерине етириң. Башга худайлары чагырмаң, гой, оларың атлары-да агзалмасын».

Müsürden çykyş 23:25

Сиз өз Худайыңыз Реббе гуллук эдиң, шейтсеңиз, Мен сизиң наныңыза, сувуңыза берекет берерин. Сизиң араңыздан кеселчилиги айрарын.

Süleýmanyň pähimleri 4:23

Бар гүйҗүң билен йүрегиңи гора, чүнки яшайшың гөзбашы йүрекден гайдяр.

Işaýa 55:2

Нәме үчин пулуңы чөрек болмаҗак зада, зәхметиңи доюрмаҗак зада сарп эдйәң? Мени үнсли диңләң, ягшы зады ийиң, җаныңыз нәз-ныгматлардан леззет алар.

Ýermeýa 12:16

Халкыма Багалың адындан ант ичмеги өвредишлери ялы, өзлери-де халкымың ёлларыны ыхлас билен өвренип: „Ребден ант ичйәрин“ дийип, Мениң адымдан ант ичмеги өвренселер, онда олар-да халкымың арасында орнашарлар.

Matta 22:37

Иса оңа шейле җогап берди: «Худайыңыз Ребби тутуш йүрегиңиз, әхли дүшүнҗәңиз билен җан-тенден сөйүң.

Matta 4:10

Иса оңа: «Ёк бол, шейтан! „Худайыңыз Реббе сежде эдиң, диңе Оңа гуллук эдиң“ дийип языландыр» дийди.

Matta 6:24

Хич ким ики хоҗайына хызмат эдип билмез. Ол я бирини йигренип, бейлекисини сөер, я-да бирине вепалы болуп, бейлекисини әсгермезлик эдер. Сиз хем Худая, хем байлыга хызмат эдип билмерсиңиз.

Luka 1:74

Душманларымызың элинден бизи халас этмәге, өмрүмиз бойы хузурында горкусыз, мукаддеслик хем догрулык билен гуллук этмәге мүмкинчилик берди.

Ёханна 12:26

Ким Маңа хызмат этмек ислейән болса, ызыма эерсин. Мен ниреде болсам, Мениң хызматкәрим-де шол ерде болар. Маңа хызмат эден адамы Атам хорматлар.

Ёханна 14:15

Мени сөййән болсаңыз, буйрукларымы берҗай эдиң.

Resul 11:23

Барнап геленде, Худайың мерхеметиниң субутнамасыны гөрүп шат болды. Ол Реббе чын йүрекден садык болмагы хеммелере үндеди.

Resul 27:23

Себәби Өзүне дегишли болуп, гуллук эдйән Худайым дүйн гиҗе бир перишдесини яныма иберди.

Rimliler 1:9

Мен Худайың Оглы барадакы Хош Хабары яйрадып, Худая җан-тенден хызмат эдйәрин, сизиң үчин гиҗе-гүндиз дилег эдйәрин. Муңа Худайың хут Өзи шаятдыр.

Rimliler 12:9

Сөйгиңиз икийүзли болмасын. Яманлыгы йигренип, ягшылыга япышың.

Rimliler 8:28

Биз Худайы сөййәнлер ве Онуң максадына гөрә чагырыланлар үчин хемме задың оларың пейдасына эдилйәндигини билйәрис.

Kanun taglymaty 10:20

Худайыңыз Ребден горкуң, диңе Оңа гуллук эдиң, Оңа бил баглаң, Онуң ады билен ант ичиң.

Kanun taglymaty 11:1

Шонуң үчин хем Худайыңыз Ребби сөйүң, Онуң буйрукларыны, парзларыдыр хөкүмлерини ве табшырыкларыны хемише ерине етириң.

Kanun taglymaty 11:13

Онуң бу гүнки мениң үстүм билен берйән хер бир буйругына гулак гоюп, Худайыңыз Ребби сөйүп, тутуш йүрегиңиз билен җан-тенден Оңа гуллук этсеңиз,

Kanun taglymaty 11:22

Худайыңыз Ребби сөйүп, Онуң ёлундан йөрәп, Оңа бил баглап, мениң сизе берйән бу буйрукларымың әхлисини ыхлас билен ерине етирсеңиз,

Kanun taglymaty 13:4

Худайыңыз Реббиң ызына эериң, диңе Ондан горкуң, Онуң буйрукларыны ерине етириң, Оңа гулак асың, гуллук эдиң, Оңа бил баглаң.

Kanun taglymaty 4:29

Оларың ичинден сиз Худайыңыз Ребби агтарарсыңыз. Тутуш йүрегиңиз ве җаныңыз-тениңиз билен гөзлесеңиз, сиз Оны тапарсыңыз.

Kanun taglymaty 4:4

Худайыңыз Реббе вепалы боланларыңызың хеммеси бу гүн дири.

Kanun taglymaty 4:6

Олары ыхлас билен берҗай эдиң, чүнки бу бейлеки халклара акыл-пайхаслыдыгыңызы ве җуда дүшүнҗелидигиңизи гөркезер. Бу парзлары эшиденлер: „Догрудан хем, бу миллет акыллы ве дүшүнҗели экен!“ диерлер.

Kanun taglymaty 4:9

Йөне хабардар болуң, өзүңизи гораң. Шейдип, өмүрбойы гөзүңиз билен гөрен затларыңызы ядыңыздан чыкармаң, унутмаң. Олары чагаларыңыза, чагаларыңызың чагаларына-да айдып бериң.

Kanun taglymaty 5:10

Эмма ким Мени сөйүп, буйрукларымы ерине етирсе, онуң мүңлерче неслине садык сөйгими гөркезерин.

Kanun taglymaty 6:17

Худайыңыз Реббиң өзүңизе буйран табшырыкларыны, дүзгүнлеридир парзларыны ыхлас билен ерине етириң.

Еврейлер 12:15

Хүшгәр болуң, хич ким Худайың мерхеметинден махрум болмасын. Бир аҗы көк гөгерип, сизе эзъет бермесин, көп адамлар мунуң билен зәхерленмесин.

Ýakup 1:12

Сынага чыдаян адам багтлыдыр, себәби ол сынагдан геченден соң, яшайыш тәҗини алар. Худай бу яшайыш тәҗини Оны сөенлере вада берди.

Ýakup 2:5

Гулак асың, эй, сөйгүли доганларым! Худай бу дүнйәде гарыплары имана бай болмаклары үчин сайламадымы? Худай Өзүни сөййәнлере вада берши ялы, гарыплары Шалыгыны мирас алмаклары үчин сайламадымы нәме?

Ýeşuwa 23:8

Диңе шу гүнки болшуңыз ялы, Худайыңыз Реббе бил баглаң.

Аянлык 15:3

Олар Худайың гулы Мусаның ве Гузының айдымыны айдярдылар: «Я Реб Хөкмүрован Худай! Сениң ишлериң бейик, тәсиндир. Эй, миллетлериң Шасы! Сениң ёлларың догры ве хакдыр.

1 Şamuwel 12:20

Шамувел халка шейле дийди: «Хава, сиз пис ишлере баш гошдуңыз, йөне шонда-да горкмаң. Ребден йүз өвүрмәң-де, тутуш калбыңыз билен Оңа гуллук эдиң.

1 Şamuwel 12:24

Диңе Ребден горкуң ве Оңа түйс йүрекден, вепадарлык билен гуллук эдиң. Гөрүң, Ол сизиң үчин нәхили гудратлы ишлери этди!

1 Şamuwel 7:3

Ахыры бир гүн Шамувел тутуш Ысрайыл неслине йүзленип, шейле дийди: «Эгер сиз бүтин калбыңыз билен Реббе доланмакчы болсаңыз, онда Ашторет ве бейлеки кесеки худайларыңыздан гечиң, өзүңизи Реббе бүтинлей багыш эдиң ве диңе Оңа гуллук эдиң. Шейтсеңиз, Ол сизи пилиштлилериң элинден халас эдер».