Ýermeýa 5:7 - Мукаддес Китап

⁷ «Мундан соң Мен сени нәдип багышлайын? Чагаларың Мени терк этдилер, олар худайларындан ант ичдилер, ёгсам олар Худаям дәл. Олары дойранымда зына этдилер, топарланышып, лолуларың өйлерине гитдилер.

Mukaddes Kitap

⁷ «Mundan soň Men seni nädip bagyşlaýyn? Çagalaryň Meni terk etdiler, olar hudaýlaryndan ant içdiler, ýogsam olar Hudaýam däl. Olary doýranymda zyna etdiler, toparlanyşyp, lolularyň öýlerine gitdiler.

Ýermeýa 5:7 ပူးပေါင်းရင်းမြစ်များ

2 Йыл язгылары 13:9

Сиз Реббиң руханылары болан Харуның огулларыны ве левилери ковуп, башга юртларың халклары ялы өз руханыларыңызы белледиңиз. Бир өкүзче я-да еди гоч билен мукаддес эдилмәге гелен хер кес бут худайлара руханы боляр.

Eýýup 31:12

Бу хеләкчилик ерине ченли якян от, бар экиними көки билен якар ол.

Zebur 50:18

Сен гурбанлык исләңок, ёгса берердим, якма гурбанлыклары берсем-де, разы болмарсың.

Ýermeýa 12:16

Халкыма Багалың адындан ант ичмеги өвредишлери ялы, өзлери-де халкымың ёлларыны ыхлас билен өвренип: „Ребден ант ичйәрин“ дийип, Мениң адымдан ант ичмеги өвренселер, онда олар-да халкымың арасында орнашарлар.

Ýermeýa 13:27

Мейданда ве депелериң үстүнде сениң эден неҗис ишлериңи: зынахорлыгыңы, эсрәп кишңейшиңи, хаясыз лолучылыгыңы гөрдүм. Дат гүнүңе, эй, Иерусалим! Тәмизленмегиң үчин, ене нәче вагт герек саңа?!»

Ýermeýa 16:11

Шонда сен олара Реб, ине, шейле айдяр дий: „Бу сизиң ата-бабаларыңызың Мени терк эдендиклери үчиндир. Олар башга худайларың ызына дүшдүлер, олара гуллук хем сежде этдилер. Менден йүз өвүрдилер, канунымы ерине етирмедилер.

Ýermeýa 16:20

Хей, ынсан өзүне худайлар ясармы? Олар худай дәл ахырын!

Ýermeýa 2:11

Өз худайларыны чалшан миллет бармы? Ёгсам оларың худайлары Худаям дәл. Эмма Мениң халкым өз шөхратлы Худайыны чалышды бидерек зада.

Ýermeýa 2:31

Эй, бу дөврүң несиллери, Реббиң сөзүне гулак гоюң. Мен Ысрайыл үчин бир чөллүк, болдуммы түм гараңкы юрт? Нечүн диййәр халкым: ‘Биз эркин, бармарыс яныңа гайдып’?

Ýermeýa 23:10

Чүнки юрт зынахорлыкдан долудыр, юрт нәлет зерарлы яс тутяр, чөлүң өрүлери гураяр. Адамлар пис ёла дүшүп, гүйчлерини зорлуга сарп эдйәр.

Ýermeýa 3:19

Сизи чагаларымың арасында орнашдырып, сизе гөзел юрды – әхли миллетлериң иң аҗайып мирасыны бермекчидим. Сиз Мени Атам дийип чагырарсыңыз, Менден йүз өвүрмерсиңиз өйтдүм.

Ýermeýa 3:8

Мен әхли эден зыналары үчин бивепа Ысрайылың талагыны берип, ковуп гойберенимде хем онуң хайын уясы Яхуданың хич горкмандыгыны, гайтам онуң хем лолы болуп, зына эдендигини гөрдүм.

Ýermeýa 7:9

Сиз огурлык эдйәрсиңиз, адам өлдүрйәрсиңиз, зына эдйәрсиңиз, яландан ант ичйәрсиңиз, Багал бутуна садака хөдүр эдйәрсиңиз, танамаян башга худайларыңызың ызына эерйәрсиңиз.

Ýermeýa 9:1

Вах, кәшге башым бир булак, гөзлерим гөзяш чешмеси болсады! Бичәре халкымың өлдүриленлери үчин агласадым мен гиҗе-гүндиз!

Ýermeýa 9:2

Кәшге халкымы ташлап, олардан узакда боларым ялы чөлде бир кервенсарай тапсадым! Чүнки оларың хеммеси зынахор, биртопар хайын.

Ермеяның агысы 3:42

Биз гүнә эдип баш галдырдык, Сен бизи багышламадың.

Эзекиел 22:11

Кимсе гоңшусының аялы билен неҗис иш этди; кимсе утанман өз гелни билен зына этди; кимсе өз аял уясының, өз атасының гызының намысына дегди.

Hoşeýa 11:8

Эй, Эфрайым, Мен сенден нәдип эл чекейин? Сени нәдип терк эдейин, эй, Ысрайыл? Адма галасында боланлары саңа нәдип берейин? Себойым галасына эденими саңа-да эдейинми? Калбымда йүрегим гобсунды. Мениң мәхрим йылады.

Hoşeýa 13:6

Мениң нахарымдан, олар дойдулар. Дояндан соң олар текепбир болдулар. Соң олар Мени унутдылар.

Hoşeýa 4:2

Гаргыш ве яланчылык, ганхорлык, огурлык ве зына. Җенаятчылык артяр ве ган үстүне ган дөкүлйәр.

Hoşeýa 7:4

Оларың хеммеси зынагәрдирлер, Чөрекчиниң тамдыры ялы гызгындыр. Югрулан хамыр аҗаянча бишириҗә оды горҗамак герек дәл.

Lewiler 20:10

Эгер бир адам башга бир адамың аялы билен җынс гатнашыгыны этсе, ол азгын эркек-де, аял-да өлдүрилсин.

Amos 8:14

Самарияның гүнәсинден ант ичип: «Эй, Дан! Сениң худайыңдан ант ичйән, Беершебаның тутян ёлундан ант ичйән!» диййәнлер йыкыларлар ве хич хачан ерлеринден галмазлар.

Сепаня 1:5

Тамың үчегинде асман җисимлерине сежде эдйәнлери, Реббе сежде эдип, Ондан ант ичйәнлери, Молек бутундан ант ичйәнлери,

Malaky 3:5

Хөкмүрован Реб шейле диййәр: «Соңра Мен хөкүм чыкармак үчин яныңыза гелип, җадыгөйлере, зынагәрлере, ялан ере ант ичйәнлере гаршы ве талабаның, дул аялың, етимиң хакыны иййәнлере гаршы, гелмишеги хукугындан махрум эдйәнлере, Менден горкмаянлара гаршы деррев шаят боларын.

1 Korintoslylar 6:9

Эйсем сиз яманлык эдйәнлериң Худайың Шалыгыны мирас алмаҗакдыгыны билмейәрсиңизми? Өз-өзүңизи алдамаң! Не азгынлар, не-де бутпаразлар, не зынахорлар, не-де эркекбазлар, не бечебазлар,

1 Korintoslylar 8:4

Шунлукда, бутлара гурбанлык берлен эти ийип-иймезлик барада шуны айтмакчы. Сизиң: «Бут аслында хичдир. Еке-тәк бир Худай бардыр» диййәниңиз догрудыр.

Галатялылар 4:8

Сиз өң Худайы танамаярдыңыз. Шол дөвүрде сиз галп худайларың гулудыңыз.

Kanun taglymaty 32:15

Йөне Ешурун семреди, депмәге башлады. Гарныны яг алып агырлашды. Өзүни ярадан Худайындан йүз өвүрди, рет этди Халасгәр Гаясыны.

Kanun taglymaty 32:21

Олар худай болмадыклар билен Мени габандырдылар, бош бутлар билен гахарымы гетирдилер. Мен хем миллет болмадыклар билен олары габандырарын, акмак бир халк билен оларың гахарыны гетирерин.

Еврейлер 13:4

Гой, хеммелер ника хормат гойсун, әр-аял дүшеги гүнә билен хапаланмасын. Худай ахлаксызлары ве зынахорлары хөкүм эдер.

Ýakup 4:4

Эй, бивепалар, дүнйә билен достлук Худая душман боляндыгыны билмейәрсиңизми? Ким дүнйә билен достлашса, Худая душман боляндыр.

Ýeşuwa 23:7

Араңызда галып, яшап йөрен бу гелмишек миллетлер билен гарышмаң, оларың худайларының атларыны агзамаң, оларың адындан ант ичмәң, олара гуллук эдип, сежде этмәң.