Ýermeýa 40:2 - Мукаддес Китап

² Җанпеналарың баштутаны Ермеяны янына чагырып, оңа шейле дийди: «Бу юрдуң үстүнден бетбагтлык индерҗекдиги хакында Худайың Реб айдыпды.

Mukaddes Kitap

² Janpenalaryň baştutany Ýermeýany ýanyna çagyryp, oňa şeýle diýdi: «Bu ýurduň üstünden betbagtlyk inderjekdigi hakynda Hudaýyň Reb aýdypdy.

Ýermeýa 40:2 ပူးပေါင်းရင်းမြစ်များ

Ýermeýa 11:17

Ысрайыл билен яхуда халкы пислик этди, олар Багал бутуна садакалар хөдүр эдип, Мениң гахарымы гетирдилер. Шонуң үчин сени экип отурдан Мен Хөкмүрован Реб башыңдан бетбагтлык индермеги карар этдим“».

Ýermeýa 50:7

Ким тапса ийди олары. Душманлары дийдилер: „Биз языклы дәл, себәби олар хакыкат өрүси болан Реббе гаршы, аталарының умыды болан Реббе гаршы гүнә этдилер“.

Ýermeýa 52:16

Эмма җанпеналарың баштутаны Небузарадон юрдуң гарып-гасарларының кәбирлерини үзүмчилик ве дайханчылык билен мешгуллансынлар дийип гоюп гайтды.

Lewiler 26:14

Эгер сиз Маңа боюн эгмән, әхли табшырыкларымы берҗай этмән, парзларымдан, хөкүмлеримден йүз өврүп, әхтими бозсаңыз, Мен сизиң үстүңизден ховп индерерин. Беҗерип болмаян, гөзүңи көр эдип, лүтүңи чыкарян ысытманы Мен сизиң башыңыздан индерерин. Экен экинлериңиз өзүңизе несип этмез, олары душманларыңыз иер.

Kanun taglymaty 28:15

Эмма сиз Худайыңыз Реббе боюн болман, Онуң бу гүнки мениң үстүм билен берйән әхли табшырыкларыны ве парзларыны ыхлас билен ерине етирмесеңиз, онда, гой, шу нәлетлериң әхлиси сизиң башыңыздан инсин ве сизи гуршап алсын.

Kanun taglymaty 31:17

Шол гүн Мениң гахар-газабым оларың үстүнден инер. Мен олары терк эдип, олардан йүз өврерин. Олар шобада хеләк боларлар, оларың үстүнден көп бела-бетерлер инер. Шол гүн олар: „Арамызда Худайымызың ёкдугы себәпли, бу бела-бетерлер бизиң үстүмизден индимикә?“ диерлер.

Kanun taglymaty 32:19

Муны гөрен Реббиң олара гахары гелди, оларың огул-гызларыны рет этди.