Ýakup 4:4 - Мукаддес Китап

⁴ Эй, бивепалар, дүнйә билен достлук Худая душман боляндыгыны билмейәрсиңизми? Ким дүнйә билен достлашса, Худая душман боляндыр.

Mukaddes Kitap

⁴ Eý, biwepalar, dünýä bilen dostluk Hudaýa duşman bolýandygyny bilmeýärsiňizmi? Kim dünýä bilen dostlaşsa, Hudaýa duşman bolýandyr.

Ýakup 4:4 ပူးပေါင်းရင်းမြစ်များ

Gelip çykyş 3:15

Сениң билен аялың, сениң тохумың билен аялың тохумының арасына, душманчылык саларын Мен. Ол сениң келләңи оврадар, сен болса онуң дабанындан чакарсың» дийди.

Zebur 21:8

Мени гөрйәнлериң бары үстүмден гүлйәр, башларыны яйкаяр хем яңсылаяр:

Zebur 50:18

Сен гурбанлык исләңок, ёгса берердим, якма гурбанлыклары берсем-де, разы болмарсың.

Işaýa 57:3

Эмма сиз, эй, җадыгөйиң чагалары, зынагәриң, кемчиниң зүрятлары, голайрак гелиң!

Ýermeýa 2:2

«Гит-де, шулары Иерусалим халкына җар эт. Реб шейле диййәр дий: „Мен сениң яшлыгыңдакы вепаңы, гелин вагтыңдакы сөйгиңи ятлаян, чөлде – экин битмейән ерде, Мениң ызыма эеришиңи ятлаян.

Ýermeýa 9:2

Кәшге халкымы ташлап, олардан узакда боларым ялы чөлде бир кервенсарай тапсадым! Чүнки оларың хеммеси зынахор, биртопар хайын.

Эзекиел 16:32

Сен зынагәр, әриниң ерине кесекилери кабул эдйән аялсың!

Hoşeýa 3:1

Реб маңа шейле дийди: «Сен ене гит-де, аялыңы гетир. Ойнашы болса-да, зына этсе-де, оны сөй. Ине, ысрайыл халкы-да башга худайлара көңүл берип, бутлара кишмишли күлчелери хөдүр этмеги халаярлар. Эмма Мен шонда-да олары сөййәрин».

Matta 12:39

Иса олара шейле җогап берди: «Бу эрбет ве бивепа несил аламат талап эдйәр, эмма оңа Юнус пыгамбериңкиден башга аламат берилмез.

Matta 16:4

Бу эрбет ве бивепа несил аламат талап эдйәр, эмма оңа Юнус пыгамбериңкиден башга аламат берилмез». Шейлеликде, Иса олары ташлап гитди.

Matta 6:24

Хич ким ики хоҗайына хызмат эдип билмез. Ол я бирини йигренип, бейлекисини сөер, я-да бирине вепалы болуп, бейлекисини әсгермезлик эдер. Сиз хем Худая, хем байлыга хызмат эдип билмерсиңиз.

Luka 19:27

Үстлеринден патышалык этмегими ислемейән душманларымы болса, шу ере гетириң-де, гөзүмиң алнында өлдүриң“ дийип җогап берйәр».

Ёханна 15:19

Дүнйәден болан болсадыңыз, дүнйә сизи өзүниңкилер кимин сөерди. Эмма сиз бу дүнйә дегишли дәлсиңиз. Мен сизи бу дүнйәден сайлап алдым. Ине, шонуң үчин хем, дүнйә сизи йигренйәр.

Ёханна 17:14

Мен олара Сениң сөзлериңи етирдим, дүнйә болса олары йигренди. Чүнки Мениң дүнйәден болмайшым ялы, олар-да дүнйәден дәлдирлер.

Ёханна 7:7

Дүнйә сизи йигренип билмез, эмма Мени йигренйәр, себәби Мен онуң ишлериниң эрбетдигине шаятлык эдйәрин.

Rimliler 5:10

Чүнки душманкак Оглуның өлүми аркалы Худай билен ярашан болсак, онда Онуң өмри аркалы халас эдилҗегимиз хем гүррүңсиздир.

Rimliler 8:7

Ынсан хөвеслеринден дөрейән пикирлер Худая душмандыр. Себәби олар Худайың Канунына табын дәлдир, аслында табын болмагы башарян хем дәлдир.

1 Korintoslylar 1:20

Ханы дана киши? Төврады өвредйән ханы? Бу дөврүң алымы ханы? Эйсем Худай дүнйә даналыгының акмаклыкдыгыны гөркезмедими?

1 Korintoslylar 1:21

Худай дүнйә өз акылына даянып, Оңа акыл етирип билмез диен карар гелди. Шоңа гөрә-де, акмак сайылян хабарымыз аркалы Худай иман эдйәнлери халас этмеги йүрегине дүвди.

Галатялылар 1:10

Шунлукда, мен кимиң гөвнүнден турмакчы болярын: адамларыңмы я-да Худайың? Эйсем мен адамлара яранҗак болярынмы? Эгер мен адамлара яранмакчы болсадым, онда Месихиң хызматчысы болмаздым.

Ýakup 1:27

Атамыз Худайың назарында пәк хем ногсансыз диндарлык етимлериң ве дулларың кын гүнүнде аладасыны этмекден ыбаратдыр. Шейле хем бу дүнйәниң пислигинден өзүңи пәк сакламакдыр.