Ýakup 1:17 - Мукаддес Китап

¹⁷ Хер бир оңат ве кәмил пешгеш ёкардан, гөкдәки ышыкларың Атасындан гелйәндир. Ол хич хачан үйтгейән дәлдир, Онда үйтгемеклигиң ёкундысы хем ёкдур.

Mukaddes Kitap

¹⁷ Her bir oňat we kämil peşgeş ýokardan, gökdäki yşyklaryň Atasyndan gelýändir. Ol hiç haçan üýtgeýän däldir, Onda üýtgemekligiň ýokundysy hem ýokdur.

Ýakup 1:17 ပူးပေါင်းရင်းမြစ်များ

Gelip çykyş 41:16

Юсуп фараона: «Оны ёрян мен дәлдирин; диңе Худай фараона бәхбитли дүшүндириш берер» дийди.

1 Йыл язгылары 22:12

Худайың Реб сени Ысрайыла хөкүмдар гоянда, Онуң кануныны берҗай эдериң ялы, гой, Реб саңа акыл-пайхас берсин.

1 Йыл язгылары 29:19

Сениң табшырыкларыңы, дүзгүнлериңи, парзларыңы – шуларың хеммесини берҗай эдер ялы, мениң тайярлык гөрен ыбадатханамы гурары ялы, оглум Сүлеймана садык йүрек бер».

Zebur 136:7

Я Реб, Иерусалимиң йыкылан гүни: «Оны юмруң, оны юмруң дүйбүне ченли!» диен эдомлары Сен ядыңа сал!

Zebur 84:11

Сөйги билен вепадарлык бирлешер, догрулык парахатлык билен биригер.

Zebur 85:12

Я Таңры, мениң Худайым, тутуш калбым билен Саңа шүкүр эдйәрин, Сениң адыңы элмыдама тарып эдерин.

Süleýmanyň pähimleri 2:6

Чүнки даналык берйән Ребдир, билим хем дүшүнҗе Онуң агзындан чыкяндыр.

Işaýa 28:26

Худайы олара гөркезме берер, өвредер.

Işaýa 45:7

Нуры, гараңкылыгы ярадян Мендирин, абаданчылыгы, бетбагтчылыгы гетирйән-де Мендирин; буларың хеммесини Мен – Реб эдйәндирин.

Işaýa 46:10

Овалдан ахыра болҗагы, хениз болмадыклары аян эдйәрин. Мен: «Берҗай болар максатларым, бар ислеглерими амал эдерин» диййәрин.

Işaýa 60:19

Мундан бейләк гүндизине Гүн ышыгың болмаз, гиҗесине Ай саңа ышык бермез; чүнки Реб сениң эбеди нуруң болар, шөхратың өз Худайың болар.

Malaky 3:6

Мен Ребдирин, үйтгейән дәлдирин. Шонуң үчин хем сиз Якубың несли болмакдан махрум эдилмедиңиз.

Çölde 11:17

Мен ашак инип, ол ерде сениң билен геплешерин. Саңа берен Рухумдан алып, олара-да берерин. Ана онсоң, халкың гараматыны еке өзүң чекмерсиң, халкың гараматыны олар сениң билен дең чекишерлер.

Çölde 11:25

Онсоң Реб булудың ичинде ашак инип, Муса билен геплешди. Онуң үстүндәки рухдан алып, етмиш яшулының үстүне гойды. Рух яшулуларың үстүне инен бадына, олар җошуп пыгамберлик эдип башладылар, йөне олар соңра гайдып бейле этмедилер.

Çölde 23:19

Худай ынсан дәл ахырын, ялан сөзләр ялы. Ол адам оглы дәл, пикирини үйтгедер ялы. Хей, Онуң берен вадасының, айдан сөзүниң битмедиги бармы?

Matta 7:11

Шейлеликде, сиз эрбет болубам өз чагаларыңыза оңат пешгешлер бермеги билйән болсаңыз, онда гөкдәки Атаңыз Өзүнден дилейәнлере хас-да көп аҗайып пешгешлер бермезми?

Luka 11:13

Шейлеликде, сиз эрбет болубам өз чагаларыңыза оңат пешгешлер бермеги билйән болсаңыз, онда гөкдәки Атаңыз Өзүнден дилейәнлере Мукаддес Рухы хас-да көп бермезми?»

Ёханна 1:9

Хер бир ынсаны нурландырян хакыкы Нур дүнйә гелди.

Ёханна 3:27

Яхя олара шейле җогап берди: «Гөкден берилмесе, ынсан хич зат эдип билмез.

Ёханна 3:3

Иса оңа: «Хакыкатдан хем, гайтадан догулмадык адам Худайың Шалыгыны гөрүп билмез» дийип җогап берди.

Ёханна 8:12

Иса ене-де халка йүзленип: «Дүнйәниң нуры Мендирин. Мениң ызыма эерен гараңкылыкда гезмез, онда яшайыш нуры болар» дийди.

Resul 11:18

Доганлар бу сөзлери эшиденлеринден соңра көшешдилер. Худайы шөхратландырып: «Худай хатда кесеки миллетлере-де тоба эдип, бакы яшайша говушмаклыгы берипдир» дийишдилер.

Resul 5:31

Худай Ысрайыла тоба этдирип, гүнәлерини багышламак үчин, бу Адамы Баштутан хем Халасгәр эдип, Оны бейгелтди ве Өз сагында отуртды.

Rimliler 6:23

Чүнки гүнәниң музды өлүм, Худайың пешгеши болса Реббимиз Иса Месих аркалы берилйән бакы яшайышдыр.

1 Korintoslylar 4:7

Эйсем сиз бейлекилерден үйтгешикми? Сиз өзүңиздәкилериң барыны Худайдан алмадыңызмы нәме? Эгер Ондан алан болсаңыз, нәме үчин өзүңиз газанан ялы өвүнйәрсиңиз?!

2 Korintoslylar 4:6

Чүнки «Түмлүкде нур парласын» диен Худай бизиң-де йүреклеримизи ягтыландырып, Иса Месихиң йүзүнде парлаян Өз шөхратыны бизе танатды.

Efesliler 1:18

Худайың Өз чагыранларына берен умыдына, халкына эчилен шөхратлы мирасының байлыгына ве биз иман эденлере гөркезен деңсиз-тайсыз гудратына гөз етирмегиңиз үчин, гой, Ол йүрегиңизиң гатыны нурландырсын дийип дилег эдйәрин. Бу гудрат Худайың Месихи дирелдип, гөкде Өз сагында отурдан гүйҗүне меңзешдир.

Efesliler 2:8

Чүнки сиз иман аркалы Худайың мерхемети билен халас эдилдиңиз. Бу сизиң өз тагаллаңыз билен болмады, муны сизе Худай пешгеш берди.

Kanun taglymaty 4:19

Гөзлериңизи асмана дикип, Гүни, Айы, йылдызлары – әхли асман җисимлерини гөрениңизде, алдава дүшмәң ве олара сыгынып гуллук этмәң. Чүнки Худайыңыз Реб сыгынмак үчин олары асманың астындакы башга халклара берди.

Filipililer 1:29

Чүнки сизе диңе Иса Месихе иман этмек дәл, эйсем Онуң хатырасына җебир-җепа чекмек хем берлендир.

Еврейлер 13:8

Иса Месих дүйн хем, бу гүн хем, эбедилик Шолдур, Ол үйтгемейәндир.

Ýakup 1:5

Эгер кимде даналык кемлик эдйән болса, гой, ол Худайдан дилесин. Хеммелере биминнет ве җомартлык билен берйән Худай оңа хем берер.

Ýakup 3:15

Бейле «даналык» гөкден инен дәлдир, ол дүнъеви болуп, рухы дәлдир, шейтандандыр.

Ýakup 3:17

Эмма гөкден инен даналык илки билен пәкликдир, соңра парахатлык сөйүҗиликдир, мылайымлык ве өзара ылалашыклыкдыр. Ол мерхеметден ве хайырлы ишлерден долудыр. Шейле даналык тарапгөйлик ве икийүзлүлик этмейәр.

1 Ёханна 1:5

Бизиң Иса Месихден эшидип, сизе ыглан эдйән хабарымыз шудур: Худай нурдур, Онда хич түмлүк ёкдур.

1 Ёханна 4:10

Биз Худайы дәл-де, илки Худай бизи сөйди. Ол бизиң гүнәлеримизи пәклемек үчин, Өз Оглуны гурбанлык хөкмүнде иберди. Ине, хакыкы сөйги шудур.

Аянлык 21:23

Шәхери ягтыландырмак үчин Гүн я-да Ай герек дәл. Чүнки шәхери Худайың шөхраты ягтыландыряр, Гузы хем онуң чырасыдыр.

Аянлык 22:5

Шәхерде гиҗе асла болмаз. Не чыраның ышыгы, не-де гүнүң нуры герек болар, себәби Реб Худай олара нур сачар. Олар эбедилик шалык сүрерлер.

1 Şamuwel 15:29

Шейле хем, Ысрайыл Шөхраты ялан сөзлемез я-да пикирини үйтгетмез. Чүнки Ол пикирини үйтгедер ялы ынсан дәлдир».