Wagyz 4:1 - Мукаддес Китап

¹ Мен ене Гүнүң астында эдилйән бар зулумлары гөрдүм. Эзилйәнлериң гөзяшларыны гөрдүм, олара теселли берйән ёкды. Гүйч олары эзйәнлериң элиндеди, эзилйәнлере теселли берйән ёкды.

Mukaddes Kitap

¹ Men ýene Günüň astynda edilýän bar zulumlary gördüm. Ezilýänleriň gözýaşlaryny gördüm, olara teselli berýän ýokdy. Güýç olary ezýänleriň elindedi, ezilýänlere teselli berýän ýokdy.

Wagyz 4:1 ပူးပေါင်းရင်းမြစ်များ

Eýýup 16:4

Сиз мениң ериме болан болсадыңыз, менем сизиң ялы гепләп билердим. Сизе гаршы акгынлы сөзләп, башымы яйкардым.

Eýýup 35:9

Ынсанлар агыр сүтем астында перят эдйәрлер, гүйчлүлериң элинден гутулмак үчин ярдам сораярлар.

Eýýup 6:29

Говуҗа пикирлениң, адалатсызлык этмәң, яңадан гараң, мен хакдырын.

Eýýup 9:24

Дүнйә эрбетлериң элине берлендир, дүнйә казыларының гөзлерини баглаян Олдур. Эгер Ол болмаса, онда ким?

Zebur 12:5

Душманым: «Ондан өкде гелдим» диймесин, йыкылмайын, ягыларым, гой, шатланмасын.

Zebur 142:4

Шоңа гөрә, рухум сустланды, мениң йүрегим сарсды.

Zebur 142:5

Гадымкы гүнлери яда салярын, Сениң әхли эденлериң барада оя батярын, Сениң эллериңиң иши барада пикир эдйәрин.

Zebur 42:3

Сен хакыкатыңы, нуруңы ибер, гой, олар ёл гөркезсин маңа; гой, олар мени әкитсин, мукаддес дагыңа ве яшалгаңа.

Zebur 80:5

Чүнки бу – Ысрайылың парзлары, Якуп Худайының берен адалатлы хөкүмлери.

Müsürden çykyş 1:16

«Сиз еврей аялларына гөбегене болуп хызмат эдйән вагтыңыз, середиң, эгер огул догурсалар, ол бәбеги өлдүриң, эгер гыз догурсалар, гой, онда ол яшаберсин».

Müsürden çykyş 1:22

Соңра фараон әхли мүсүрлилере: «Еврейлерден доглан хер бир огул бәбеги алып, Нил дерясына ташлаң, эмма гыз бәбек болса, гой, ол яшаберсин» дийип буйрук берди.

Süleýmanyň pähimleri 19:7

Гарыбы хемме доганлары йигренйән болса, достлары онданам бетер терк эдйәр, ялбарып ызындан ылгаса, олар эййәм ёкдур.

Süleýmanyň pähimleri 28:3

Эҗизлери эзйән гарып хасылы сүпүрип әкидйән чабга ялыдыр.

Süleýmanyň pähimleri 29:2

Догручыллар гүйчлененде, халк бегенйәндир. Эрбетлер хөкүм сүренде, халк ахы-нала чекйәндир.

Wagyz 3:16

Мен ене Гүнүң астында казылыкда адалатың дерегине-де, догрулыгың дерегине-де пислигиң бардыгыны гөрдүм.

Wagyz 5:8

Хеммелер экин мейдандан пейда гөрйәр, хатда патыша хем ондан гирдеҗи аляр.

Wagyz 7:7

Харам газанч акыллыны акылындан азашдыряр, пара йүреги аздыряр.

Wagyz 8:9

Мен буларың хеммесини гөрдүм, Гүнүң астында эдилйән әхли ише үнс бердим; бир адамың бейлекиниң үстүнден агалык этмеси онуң зыянынадыр.

Işaýa 5:7

Хөкмүрован Реббиң үзүмчилиги Ысрайылың несиллеридир, хош гөрйән багы-да, яхуда халкыдыр. Ол адалата гарашды, йөне зулум гөрди; догрулыга гарашды, йөне дады-перят эшитди.

Işaýa 51:23

Бу кәсәни сүтемкәрлериңиң элине берерин, Олар саңа: „Үстүңден гечеримиз ялы, ерде йүзин ят“ дийди. Сенем олар гечер ялы ер кимин, ёл кимин этдиң аркаңы».

Işaýa 59:7

Аяклары пислиге ёртяр, бигүнә ган дөкмәге ховлугяр, пикирлери шердир, харабалык, вейранчылык бар ёлларында.

Ýermeýa 16:7

Яс тутяны көшешдирмек үчин хич ким онуң билен чөрек иймез. Эне-атасыны йитирене теселли кәсесинден ичирмезлер.

Ермеяның агысы 1:16

Мен булар үчин аглаярын, гөзяшларым сил болуп акяр. Җаныма арам берйән ёк, теселли бериҗи менден узакда. Чагаларым дерби-дагын эдилди, чүнки душман үстүн чыкды».

Ермеяның агысы 1:17

Сион элини узадяр, эмма оңа теселли берйән ёк. Якуба душман болуң дийип, Реб эмр этди гоңшы халклара. Иерусалим оларың арасында мурдар зада өврүлди.

Ермеяның агысы 1:2

Гиҗесине зар-зар аглаяр, яңакларында гөзяшы. Ойнашларындан көшешдирйән ёк оны. Әхли достлары хайынлык эдип, оңа душман болдулар.

Ермеяның агысы 1:9

Иерусалимиң ахлаксызлыгы этегиндеди, гелеҗеги хакда пикир этмеди. Онуң йыкылышы айылганчды, оңа теселли берйән ёкды. «Я Реб, агыр халыма назар сал, чүнки душман үстүн чыкды!»

Amos 3:10

«Галаларында зорлук билен талан олҗаларыны топлаярлар, догры иш этмеги хич билмейәрлер. Муны Реб айдяндыр.

Amos 3:9

Ашдот ве Мүсүр галаларына шуны җар эдиң: «Самарияның дагларына йыгнаның. Шәхериң ичиндәки башагайлыгы, онуң арасындакы зулумы гөрүң».

Malaky 2:13

Ине, башга-да бир эден ишиңиз бар: сиз Реббиң гурбанлык сыпасыны гөзяшлар билен, мөңңүрип, ахы-нала билен долдурярсыңыз, себәби Реб инди сизиң гетирен садакаларыңыза серетмейәр, олары элиңизден хошаллык билен кабул этмейәр.

Malaky 3:18

Шонда сиз ене бир гезек догры билен эгриниң, Худая гуллук эдйән билен этмейәниң арасындакы тапавуды гөрерсиңиз».

Malaky 3:5

Хөкмүрован Реб шейле диййәр: «Соңра Мен хөкүм чыкармак үчин яныңыза гелип, җадыгөйлере, зынагәрлере, ялан ере ант ичйәнлере гаршы ве талабаның, дул аялың, етимиң хакыны иййәнлере гаршы, гелмишеги хукугындан махрум эдйәнлере, Менден горкмаянлара гаршы деррев шаят боларын.

Matta 26:56

Йөне буларың әхлиси пыгамберлериң язгыларының берҗай болмагы үчин болды» дийди. Шонда шәгиртлериң хеммеси Исаны ташлап гачып гитдилер.

Kanun taglymaty 28:33

Танамаян бир халкыңыз ериңизиң хасылыны ийип, чекен агыр зәхметиңизиң хөзирини гөрер. Сиз дынгысыз эзилип гыналарсыңыз.

Kanun taglymaty 28:48

Шонуң үчин хем сиз ач-сувсуз, ялаңач ве хемме зада зар болуп, Реб тарапындан сизиң гаршыңыза иберилен душманыңыза гуллук эдерсиңиз. Реб сизи тә ёк эдип ташлаянча, бойнуңыздан демир боюнтырык асып, сизи эзер.

Ýakup 5:4

Экинлериңизи оран оракчылары алдап, иш хакыны бермедиңиз, бу шол пулларың перядыдыр. Оракчыларың дады-перяды Хөкмүрован Реббиң гулагына етди.

Ysraýyl serdarlary 4:3

Ысрайыллар Реббе перят эдип, Ондан көмек сорадылар, Оңа ялбардылар, себәби Ябының докуз йүз саны демир сөвеш арабасы барды ве ол йигрими йыл бәри ысрайыллары рехимсизлик билен эзип гелйәрди.