Wagyz 11:9 - Мукаддес Китап

⁹ Эй, яш йигит, яшлыгыңда шатлан; гой, йүрегиң сени җуван гүнлериңде бегендирсин. Йүрегиң исләни билен, гөзлериң гөрени билен гит. Эмма билип гой, буларың хеммеси үчин Худай саңа казылык эдер.

Mukaddes Kitap

⁹ Eý, ýaş ýigit, ýaşlygyňda şatlan; goý, ýüregiň seni juwan günleriňde begendirsin. Ýüregiň isläni bilen, gözleriň göreni bilen git. Emma bilip goý, bularyň hemmesi üçin Hudaý saňa kazylyk eder.

Wagyz 11:9 ပူးပေါင်းရင်းမြစ်များ

Gelip çykyş 3:6

Аял бу агаҗың мивесиниң иймит үчин говудыгыны, гөзе якымлыдыгыны ве онуң акыл-пайхас берйәндигини гөрүп, ондан алып ийди. Янындакы адамсына-да берди, ол хем ийди.

Gelip çykyş 6:2

Ылахы барлыклар бу ынсан гызларының оваданлыгыны гөрүп, олардан өз халанларыны аяллыга алдылар.

1 Patyşalar 18:12

Мен сениң яныңдан гиден бадыма, Реббиң Рухы сени әкидер, мен-де сениң ниредедигиңи билмерин. Шейдип, мен барып, Ахаба сениң бардыгыңы айтсам, ол-да сени тапмаса, мени өлдүрер. Гулуң яшлыгындан бәри бүтин калбы билен Реббе ыбадат эдип гелйәр.

1 Patyşalar 18:27

Ыляс гүнортан олары масгаралап, шейле дийди: «Батлы гыгырың! Чүнки ол худайдыр, белки, ол пикирленйәндир я-да аяк ёлуна чыкандыр я-да сыяхат этмәге гидендир, белки-де, ол укудадыр, оны оярмак герекдир».

1 Patyşalar 22:15

Микая патышаның янына гелди. Патыша ондан: «Микая, биз Рамотгилгада хүҗүм эделими я-да этмәлими?» дийип сорады. Микая: «Хүҗүм эт, сен еңиш газанарсың. Реб оны сениң элиңе берер» дийип җогап берди.

Eýýup 31:7

Аягым ёлдан чыкан болса, йүрегим гөзүме эерен болса, эллериме гара ёкдуран болсам,

Wagyz 12:1

Җуванлыгыңда, агыр гүнлер гелмәнкә, «олардан леззет алмарын» дийҗек йылларың голайлашманка, өзүңи Яраданы ятла.

Wagyz 12:14

хер бир ише, гизлин болан хер ише – исле ягшы болсун, исле яман – Худай казылык эдер.

Wagyz 2:10

Гөзлеримиң ислән задыны гайгырмадым; йүрегими хич бир леззетден махрум этмедим; калбым эден хер ишимден леззет алды. Бу чекен әхли зәхметимиң муздуды.

Wagyz 3:12

Ынсан үчин шатланмакдан ве өмүрбойы ягшылык этмекден говы задың ёкдугыны билйәрин.

Wagyz 3:17

Ичимден: «Худай догры адама хем, эрбет адама хем казылык эдер; чүнки Худайың Өзи хер меселе, хер иш үчин вагт белледи» дийдим.

Wagyz 6:9

Барыңа канагат этмек калбың арзув этмесинден ягшыдыр. Бу-да бидерек, салгыма чапмак.

Wagyz 7:14

Ягшы гүнде шат бол, гара гүнде муны ятла: ынсан өзүнден соң нәме болҗагыны билмесин дийип, Худай ягшылыгы-да, бетбагтлыгы-да яратды.

Ýermeýa 23:17

Олар Мени йигренйәнлере хемише ‘Реб сизе парахатлык болар дийди’ диййәрлер. Кесирлик билен өз яман ниетлерине эерйәнлере ‘Башыңыза бетбагтлык гелмез’ диййәрлер.

Ýermeýa 7:24

Эмма олар диңлемедилер, гулак асмадылар, гайтам, кесирлик билен өз яман ниетлерине ковалашып, пис йүреклерине гөрә херекет этдилер. Илерлемегиң дерегине гайра тесдилер.

Ермеяның агысы 3:27

Адама боюнтырыгы яшлыкдан гөтермек говудыр.

Çölde 15:30

Эмма аслы ысрайыл болан бири я-да гелмишеклерден бири текепбирлик билен гүнә иш эдип, Реббе дил етирсе, халкың арасындан ковлуп чыкарылсын.

Çölde 15:39

Хер гезек готазҗыклара гөзүңиз дүшенде, сиз Реббиң әхли табшырыкларыны яда саларсыңыз ве олары берҗай эдерсиңиз, йүрегиңизиң ве гөзлериңизиң ислегине ковалашмарсыңыз.

Çölde 22:32

Реббиң перишдеси оңа шейле дийди: «Нәме үчин сен эшегиңи үч гезек урдуң? Мен душман хөкмүнде саңа пәсгел бермек үчин чыкдым, себәби сен Мениң назарымда габахат ёлдан барярсың.

Matta 5:28

Эмма Мен велин ким башга аяла азгын хөвес билен бакса, өз йүрегинде эййәм онуң билен зына эдендир диййәрин.

Luka 12:19

Өзүме болса, эй, җаным, көп йыл үчин йыгналан энчеме задың бар, дынҗыңы ал, ий, ич, кейп чек диерин“ диййәр.

Resul 14:16

Гечен дөвүрде Худай әхли миллетлере өз ёллары боюнча йөремәге ругсат берди.

Resul 24:25

Павлус догрулык, өзерклилик хем гелҗек хөкүм хакда сөхбет эденде, Феликс горкуп: «Болды, хәзирликче гит, аматлы пурсат геленде, ене сени чагырдарын» дийди.

Rimliler 14:10

Онда нәме үчин кәбирлериңиз өз доганыңызы язгарярсыңыз? Нәме үчин кәбирлериңиз өз доганыңыза әсгермезлик эдйәрсиңиз? Бизиң барымыз Худайың хөкүм күрсүсиниң өңүнде дурмалы дәлми нәме?

1 Korintoslylar 4:5

Шоңа гөрә-де, белленилен вагт етйәнчә, хич кимиң үстүнден хөкүм чыкармаң. Реб гелйәнчә гарашың. Ол гараңкылыкдакы гизлин затлары ягтылыга чыкарар, адамларың йүрек ниетлерини аян эдер. Шонда хер кес Худайдан өз эденине лайык өвгүсини алар.

2 Korintoslylar 5:10

Чүнки ягшы болсун, яман болсун, пархы ёк, бедендекәк эден ишлеримизе лайык пайымызы алмак үчин, хеммәмиз Иса Месихиң хөкүм күрсүсиниң өңүнде дурмалыдырыс.

Kanun taglymaty 29:19

Бу эдилен ваданы эшиден хер бириңиз өз-өзүңизи өвмәң ве йүрегиңизде: „Биз текепбирлик ёлумыздан гитсек хем аман галарыс“ дийип пикир этмәң. (Шейле пикир ягшының-да, яманың-да башына бела гетирер.)

Еврейлер 9:27

Ынсаның такдырында бир гезек өлүм бардыр, ондан соң Худайың өңүнде хасап бермелидир.

Ýeşuwa 7:21

Мен олҗа алнан затларың арасындан овадан Шингар донуны, бәш гадак күмүш хем-де аграмы бир ярым гадак болан алтын токгасыны гөренимде, гөзүм гидип, олары огурладым. Ашагына күмүш гоюп, мен олары чадырымың ичинде ере гөмдүм» дийип җогап берди.

2 Petrus 3:7

Ине, хәзирки ер билен асман болса Худайың сөзи билен сакланып, худайсыз адамларың хөкүм ве хеләк эдилҗек гүнүне ченли от үчин тайяр дур.