Rimliler 9:1 - Мукаддес Китап

^1-2 Мениң улы гайгым, йүрегимде дынгысыз агырым бар. Мунуң хакыкатдыгына, ялан сөзлемейәндигиме Иса Месихиң адындан гүвә гечйәрин. Сөзлериме Мукаддес Рух аркалы ынсабым-да шаятдыр.

Mukaddes Kitap

^1-2 Meniň uly gaýgym, ýüregimde dyngysyz agyrym bar. Munuň hakykatdygyna, ýalan sözlemeýändigime Isa Mesihiň adyndan güwä geçýärin. Sözlerime Mukaddes Ruh arkaly ynsabym-da şaýatdyr.

Rimliler 9:1 ပူးပေါင်းရင်းမြစ်များ

1 Timoteos 2:7

Хут шу максат үчин, мен җарчы ве ресул эдилип беллендим. Догрымы айдярын, сөзлеримде асла ялан ёкдур: мен яхуды дәллере иман барадакы хакыкаты өвретмәге беллендим.

Rimliler 1:9

Мен Худайың Оглы барадакы Хош Хабары яйрадып, Худая җан-тенден хызмат эдйәрин, сизиң үчин гиҗе-гүндиз дилег эдйәрин. Муңа Худайың хут Өзи шаятдыр.

Галатялылар 1:20

Сизе язянларымың бары хакыкатдыгы бабатда мен Худайың өңүнде гүвә гечйәрин.

Filipililer 1:8

Мен сизи гөрмәге интизардыгыма ве Иса Месихиң сөйгүси билен сөййәндигиме Худайың хут Өзи шаятдыр.

2 Korintoslylar 11:10

Месихиң мендәки хакыкатындан ант ичйәрин: Ахая себитлеринде яшаянларың бири-де мени бу магтанмадан махрум эдип билмез!

Rimliler 8:16

Мукаддес Рух бизиң рухумыз билен бирликде Худайың перзентлеридигимизе гүвә гечйәр.

1 Timoteos 1:5

Буйругымың эсасы максады иманлылара бири-бирини сап йүрекден, пәк выждандан, хакыкы имандан дөрейән сөйги билен сөймегине ярдам бермекдир.

1 Salonikliler 2:5

Билшиңиз ялы, биз сизе яранҗаңлык этмедик, өз бәхбидимизи арамадык. Худай муңа шаятдыр.

2 Korintoslylar 12:19

Хә, сиз хениз-де өзүмизи сизиң өңүңизде аклаяндырыс өйдйәңизми? Ёк, биз Месихе дегишли болуп, Худайың хузурында сизе шуны айдярыс: эй, сөйгүли доганлар, бизиң әхли эдйәнлеримиз иманыңызы гүйчлендирмек үчиндир.

2 Korintoslylar 1:12

Ине, биз шуңа буйсанярыс: биз хер кес, ылайта-да сиз бабатда Худайың берен гөвначыклыгы ве пәк йүреклилиги билен херекет эдйәрис. Биз муны ынсан даналыгына дәл-де, Худайың мерхеметине даянып эдйәрис. Муңа бизиң ынсабымыз-да шаятдыр.

1 Timoteos 5:21

Шу буйруклары берҗай эдениңде, меселәниң аныгына етмән, хич кими язгарма, тарапгөйлик этме. Ине, шуларың барыны Худайың, Иса Месихиң ве сайланан перишделериң өңүнде саңа берк табшырярын.

2 Korintoslylar 11:31

Бакы шан-шөхрата мынасып Худай ве Реббимиз Исаның Атасы мениң ялан сөзлемейәндигими билйәндир.

2 Korintoslylar 1:23

Мен сизи гынандырмайын дийип, Коринтоса доланып бармадым. Мунуң хакыкатдыгына Худай-да шаятдыр.

Rimliler 2:15

Шейдип, эдйән ишлери аркалы Кануның парзларының өз йүреклерине языландыгыны мәлим эдйәрлер. Оларың выжданлары хем мунуң шейледигини тассыклаяр, себәби өз пикирлери олары кәте айыплаяр, кәте болса аклаяр.