Rimliler 8:3 - Мукаддес Китап

^3-4 Мусаның Кануны ынсан хөвеслеримизиң хөтдесинден гелип билмәнсоң, бизи халас эдип билмеди. Кануның башармадык ишини Худай амала ашырды. Худай дүнйәдәки гүнә себәпли Өз Оглуны бир гүнәкәр ынсан кимин иберди-де, Ол аркалы гүнәни хөкүм этди. Худай муны Кануның адалатлы талапларының бизде берҗай болмагы үчин амал этди. Шунлукда, биз инди ынсан хөвеслеримизе гөрә дәл-де, Мукаддес Руха гөрә яшаярыс.

Mukaddes Kitap

^3-4 Musanyň Kanuny ynsan höweslerimiziň hötdesinden gelip bilmänsoň, bizi halas edip bilmedi. Kanunyň başarmadyk işini Hudaý amala aşyrdy. Hudaý dünýädäki günä sebäpli Öz Ogluny bir günäkär ynsan kimin iberdi-de, Ol arkaly günäni höküm etdi. Hudaý muny Kanunyň adalatly talaplarynyň bizde berjaý bolmagy üçin amal etdi. Şunlukda, biz indi ynsan höweslerimize görä däl-de, Mukaddes Ruha görä ýaşaýarys.

Rimliler 8:3 ပူးပေါင်းရင်းမြစ်များ

Çölde 21:9

Онсоң Муса сап бүрүнчден йылан ясап, оны сырыгың уҗуна беркитди. Хер бир йылан чакан адам оңа середен бадына сагалып, дири галарды.

Çölde 28:22

Олар гүнәлеринден сапланмак үчин, гүнә гурбанлыгы хөкмүнде бир текәни гурбанлык этсинлер.

Mark 15:27

Иса билен биле ики гаракчыны хем хача чүйледилер. Оларың бири Исаның саг тарапында, бейлекиси чеп тарапындады.

Ёханна 1:14

Сөз ынсан болуп, арамызда яшады. Ол мерхеметден ве хакыкатдан долуды. Биз Онуң шөхратыны, ягны Атадан гелен Еке-тәгиң шөхратыны гөрдүк.

Ёханна 9:24

Шейлелик билен, фарисейлер озалкы көри икинҗи гезек чагырып, оңа: «Худайың хакы үчин хакыкаты айт. Биз ол Адамың гүнәкәрдигини билйәрис» дийдилер.

Rimliler 3:20

Шейлеликде, Мусаның Канунының парзларыны берҗай этмек аркалы Худайың хузурында хич ким акланып билмез. Терсине, бу Канун аркалы адам өзүниң гүнәлидигине гөз етирйәр.

Rimliler 6:6

Биз мундан бейләк гүнәниң гулы болмаз ялы, көне тебигатымызың Иса Месих билен хача чүйленендигини билйәрис. Биз инди гүнәниң боюнтырыгындан бошандык.

Rimliler 7:18

Менде, хава, ынсан тебигатымда оңат задың ёкдугыны анык билйәрин. Себәби оңат ишлери этмәге ислегим болса-да, олары амал этмеги башармаярын.

Rimliler 8:32

Худай хатда Өз Оглуны аяман, Оны бизиң гүнәлеримиз үчин өлүме табшыран болса, онда Онуң билен бирликде бейлеки затларың барыны хем эчилмезми нәме?!

Rimliler 9:3

Хава, мен ганыбир доганларым болан ысрайыл халкының Иса Месихден айра дүшенинден, өзүмиң гаргыша галып, оларың хатырасына Месихден айра дүшмәге-де кайылдырын. Худай олары огуллыга алды, олара Өз шан-шөхратыны аян эдип, олар билен әхт баглашды. Ол Кануны ве ыбадатханадакы хызматы олара ынанды, вадаларыны хем олара берди.

2 Korintoslylar 5:21

Биз Иса Месих аркалы Худайың догрулыгы боларымыз ялы, Ол бизиң гүнәлеримизи асла гүнә этмедик Иса Месихиң үстүне йүкледи.

Галатялылар 3:13

Месих Кануның ыглан эден нәлетини Өз үстүне алып, бизи шол нәлетден халас этди. Чүнки Төвратда: «агачдан асылан хер кес нәлетленендир» дийип язылгыдыр.

Галатялылар 3:21

Диймек, Мукаддес Канун Худайың вадасына гаршы чыкяр-да?! Элбетде, ёк! Йөне Канун бизе яшайыш берип билмейәр ахырын. Муңа гөрә, ол аркалы догрулыгы-да газанып билмейәрис.

Filipililer 2:7

Гайтам, бир гул кимин болуп, ынсан кешбинде бу дүнйә инди, Ол Өзүни асла хич этди. Ол ынсан сыпатына гирип,

Еврейлер 10:12

Эмма Месих гүнәлери хемишелик ювян еке-тәк гурбанлыгы хөдүрләнден соң, Худайың сагында отурды.

Еврейлер 10:14

Себәби Ол мукаддес эдйәнлерини еке-тәк гурбанлык билен хемишелик кәмил этди.

Еврейлер 2:14

Бу чагалар ынсан боландыклары үчин, Иса хем олар ялы ынсан болды. Өлүме дучар эдйән иблиси Ол Өз өлүми аркалы ёк этди ве

Еврейлер 2:17

Шонуң үчин Ол хер җәхтден биз доганларына меңземели болды. Шейдип, Ол халкың гүнәлерини пәклейәндир ве Худайың хызматында рехимдар хем садык Баш Руханыдыр.

Еврейлер 4:15

Баш Руханымыз асла гүнә этмедик хем болса, эдил биз ялы әхли тарапдан сынаглара салныпды. Шонуң үчин хем Ол бизиң эҗизликлеримизе дүшүнйәр.

1 Petrus 2:24

Бизиң гүнә гаршы өлүп, догручыллык угрунда яшамагымыз үчин, Ол хачда гүнәлеримизи Өз үстүне йүкледи. Сиз Онуң яралары аркалы шыпа тапдыңыз.