Rimliler 7:1 - Мукаддес Китап

¹ Эй, доганлар, сизе Мусаның Кануныны билйән адамлар хөкмүнде йүзленйәрин. Эйсем сиз бу Кануның диңе дири адама өз хөкүмини йөредйәндигини билмейәңизми нәме?

Mukaddes Kitap

¹ Eý, doganlar, size Musanyň Kanunyny bilýän adamlar hökmünde ýüzlenýärin. Eýsem siz bu Kanunyň diňe diri adama öz hökümini ýöredýändigini bilmeýäňizmi näme?

Rimliler 7:1 ပူးပေါင်းရင်းမြစ်များ

Ezra 7:25

Сен болса, Эзра, Худайың саңа берен пәхим-пайхасына гөрә, Евфрат дерясының гүнбатарындакы велаятда, сениң Худайыңың канунларыны билйән бүтин халка хөкүмини йөредип билҗек казылары, хәкимлери белле. Кануны билмейәнлерине-де сен өврет.

Süleýmanyň pähimleri 6:23

Яман аялдан, сүйҗи дилли зынахор аялдан горамак үчин, буйрук – чыра, өвүт – нур, кәйинч-тербие – яшайша ёлдур.

Rimliler 1:13

Эй, доганлар, шуны билмегиңизи ислейәрин: мен бейлеки миллетлериң арасында болшы ялы, сизиң хем араңыздакы хызматымың хасылыны гөресим гелди. Шоңа гөрә-де, яныңыза барҗак болуп, телим гезек сынанышдым. Эмма шу вагта ченли яныңыза барып билмедим.

Rimliler 10:1

Эй, доганлар, ысрайыл халкының халас болмагы мениң көңүл күйсегимдир. Мен бу хакда элмыдама Худая дога-дилег эдйәрин.

Rimliler 10:4

Иса Месих болса бу Кануның максадыны амала ашырды. Шонуң үчин-де, Оңа иман эдйән хер кес Худай тарапындан акланандыр.

Rimliler 6:14

Шонда гүнә сизе өз хөкүмини йөретмез, себәби сиз Кануның ыгтыярында дәл-де, мерхеметиң ыгтыярындасыңыз.

Rimliler 6:3

Я-да сиз сува чүмдүрилиш аркалы Иса Месих билен биригип, инди Онуң өлүмине шәрик боляндыгымызы билмейәңизми?

Rimliler 7:6

Эмма биз өзүмизи туссаглыкда саклан Канун бабатда өлүп, ондан азат эдилдик. Биз инди Кануна табын болан көне йөрелгә гөрә дәл-де, эйсем Мукаддес Руха эерйән тәзе йөрелгә гөрә Худая хызмат эдип билерис.

Rimliler 9:3

Хава, мен ганыбир доганларым болан ысрайыл халкының Иса Месихден айра дүшенинден, өзүмиң гаргыша галып, оларың хатырасына Месихден айра дүшмәге-де кайылдырын. Худай олары огуллыга алды, олара Өз шан-шөхратыны аян эдип, олар билен әхт баглашды. Ол Кануны ве ыбадатханадакы хызматы олара ынанды, вадаларыны хем олара берди.

1 Korintoslylar 9:8

Мен муны диңе ынсан нукдайназарындан айтмаярын. Канун хем бу бабатда шейле диймейәрми нәме?

Галатялылар 4:21

Эй, Мукаддес Кануна гөрә яшамакчы болянлар! Мен шуны сорамакчы: эйсем сиз Төвратда языланы билмейәңизми?