Rimliler 6:3 - Мукаддес Китап

³ Я-да сиз сува чүмдүрилиш аркалы Иса Месих билен биригип, инди Онуң өлүмине шәрик боляндыгымызы билмейәңизми?

Mukaddes Kitap

³ Ýa-da siz suwa çümdüriliş arkaly Isa Mesih bilen birigip, indi Onuň ölümine şärik bolýandygymyzy bilmeýäňizmi?

Rimliler 6:3 ပူးပေါင်းရင်းမြစ်များ

Matta 28:19

Шонуң үчин хем гидиң-де, әхли миллетлери шәгирт эдиң, олары Ата, Огул ве Мукаддес Рухуң адындан сува чүмдүриң.

Resul 19:5

Олар муны эшидип, Реб Исаның ызына эериҗилер хөкмүнде сува чүмдүрилдилер.

Resul 2:38

Петрус олара шейле дийди: «Тоба эдиң, хер бириңиз Иса Месихиң ады билен сува чүмдүрилиң. Шонда сизиң гүнәлериңиз багышланар ве Мукаддес Рухуң пешгешини аларсыңыз.

Resul 8:16

Себәби Мукаддес Рух энтек оларың хич бириниң үстүне инмәнди, олар диңе Реб Исаның ады билен сува чүмдүрилипди.

Rimliler 6:16

Эйсем сиз өзүңизи кимиң табынлыгына табшырсаңыз, шонуң-да гулуна өврүлйәндигиңизи билмейәңизми нәме? Сиз нәмәниң гулы: өлүме элтйән гүнәниң гулумы я-да догрулыга элтйән табынлыгың гулы?

Rimliler 6:8

Эгер биз Месих билен өлен болсак, онда Онуң билен яшаҗакдыгымыза хем ынанярыс.

Rimliler 7:1

Эй, доганлар, сизе Мусаның Кануныны билйән адамлар хөкмүнде йүзленйәрин. Эйсем сиз бу Кануның диңе дири адама өз хөкүмини йөредйәндигини билмейәңизми нәме?

1 Korintoslylar 10:2

Оларың бары булуда ве деңзе чүмдүрилип, Мусаның шәгиртлери болдулар.

1 Korintoslylar 12:13

Чүнки биз ким болсак-да: яхудымы, грекми, гулмы, эркинми – тапавуды ёк, барымыз бир беден болмак үчин, бир Мукаддес Руха чүмдүрилдик. Бизиң барымыз бир Мукаддес Рухы кабул этдик.

1 Korintoslylar 15:29

Эгер дирелиш ёк болса, мерхумлара дерек сува чүмдүриленлер нәме эдеркә? Эгер мерхумлар хич хачан дирелмеҗек болса, адамлар нәме үчин олара дерек сува чүмдүрилйәркә?

1 Korintoslylar 3:16

Эйсем сиз өзүңизиң Худайың ыбадатханасыдыгыңызы, араңызда Худайың Рухуның яшаяндыгыны билмейәрсиңизми?

1 Korintoslylar 5:6

Сизиң буйсанмагыңыз ерликли дәлдир. Эйсем сиз уҗыпсызҗа хамырмаяның бүтин хамыры туршадяндыгыны билмейәрсиңизми?

1 Korintoslylar 6:19

Эйсем сиз өз бедениңизиң Мукаддес Рухуң яшаян ыбадатханасыдыгыны билмейәрсиңизми? Сиз бу Рухы Худайдан алдыңыз. Сиз диңе өзүңизиңки дәлсиңиз.

1 Korintoslylar 6:9

Эйсем сиз яманлык эдйәнлериң Худайың Шалыгыны мирас алмаҗакдыгыны билмейәрсиңизми? Өз-өзүңизи алдамаң! Не азгынлар, не-де бутпаразлар, не зынахорлар, не-де эркекбазлар, не бечебазлар,

1 Korintoslylar 9:13

Ыбадатханада хызмат эдйәнлер өз ийҗегини ыбадатханадан алярлар. Гурбанлык сыпасында хызмат эдйәнлер-де гурбанлык садакаларындан пай алярлар. Булары өзүңизем билйәнсиңиз.

1 Korintoslylar 9:24

Ярыша гатнашян йүврүклериң хеммеси ылгаса-да, байрагы диңе бири аляндыр. Сиз-де байрак алар ялы шейле ылгаң.

2 Korintoslylar 13:5

Иманда мәкәм дуруп-дурмаянлыгыңызы билмек үчин, өзүңизи сынап гөрүң. Эйсем сиз Иса Месихиң араңыздадыгыны билмейәңизми? Я-да сиз сынагдан гечмейәнлерденми?

Галатялылар 3:27

Чүнки сува чүмдүрилиш аркалы Иса Месих билен бириген сизиң барыңыз инди Оңа беслененсиңиз.

Ýakup 4:4

Эй, бивепалар, дүнйә билен достлук Худая душман боляндыгыны билмейәрсиңизми? Ким дүнйә билен достлашса, Худая душман боляндыр.

1 Petrus 3:21

Ине, бу сув хәзирки сизи халас эдйән чүмдүрилишиң нышаныдыр. Сиз сува чүмдүрилениңизде бедениңизиң кири ювландыгы үчин дәл-де, Иса Месихиң дирелмеги аркалы пәк выждан билен Худая тарап өврүлендигиңиз үчин халас эдилдиңиз.