Resul 9:20 - Мукаддес Китап

²⁰ Ол дессине синагогалара барып, Исаның Худайың Оглудыгы барада вагыз этмәге башлады.

Mukaddes Kitap

²⁰ Ol dessine sinagogalara baryp, Isanyň Hudaýyň Ogludygy barada wagyz etmäge başlady.

Resul 9:20 ပူးပေါင်းရင်းမြစ်များ

Zebur 2:12

Оглы өпүң, ёгса ол газаба мүнер, сиз хем хеләк боларсыңыз өз ёлуңызда, чүнки тиз туташяр онуң газабы. Оны пена эдинйәнлериң әхлиси багтлы.

Zebur 2:7

Патыша: «Мен Реббиң перманыны ыглан эдейин» диййәр. «Сен Мениң оглумсың, – дийди Ол маңа – бу гүн Атаң болдум Мен.

Matta 27:43

Ол Худая сыгынярды. Эгер Худай халаян болса, гой, хәзириң өзүнде Оны халас этсин. Ханы, Ол: „Мен Худайың Оглудырын“ диййәр-дә» дийишйәрдилер.

Matta 27:54

Иса гаравуллык эдип дуран йүзбашы билен янындакы эсгерлер ер титремәни, болан бейлеки затлары гөренлеринде, горка дүшүп: «Хакыкатдан-да, бу Худайың Оглы экен!» дийдилер.

Matta 4:3

Шол вагт Онуң янына аздырыҗы шейтан гелип: «Эгер Сен Худайың Оглы болсаң, онда шу дашларың чөреге өврүлмегини буюр» дийди.

Ёханна 1:49

Натанаел Оңа: «Мугаллым, Сен Худайың Оглусың! Сен Ысрайылың Патышасысың!» дийди.

Ёханна 19:7

Яхудыларың баштутанлары: «Бизиң бир канунымыз бар, шол канун боюнча Ол өлмели, себәби Ол Өзүни Худайың Оглы дийип атландыряр» дийдилер.

Ёханна 20:28

Томас Оңа: «Сен мениң Реббимсиң! Мениң Худайымсың!» дийди.

Ёханна 20:31

Йөне булар сизиң Исаның Худайың Оглы Месихдигине иман этмегиңиз үчин ве иман эдип, Онуң ады билен яшайша говушмагыңыз үчин язылды.

Resul 13:14

Олар болса Пергадан ёлларыны довам этдирип, Писидядакы Антиёх шәхерине гелдилер. Сабат гүни синагога гелип, ол ерде отурдылар.

Resul 13:46

Павлус билен Барнап хем батыргайлык билен шейле дийдилер: «Худайың Хош Хабары илки сизе вагыз эдилмелиди. Эмма сиз оны рет этдиңиз! Бу болса сизиң бакы яшайша мынасып дәлдигиңизи субут эдйәр. Шонуң үчин биз кесеки миллетлере йүзленйәрис.

Resul 13:5

Онсоң Саламисе гелип, яхудыларың синагогаларында Худайың Хош Хабарыны вагыз этдилер. Ёханна хем оларың янында болуп, көмек берйәрди.

Resul 14:1

Павлус билен Барнап Икония шәхеринде хем адатдакысы ялы яхудыларың синагогасына бардылар. Ол ерде олар шейле бир тәсирли вагыз этдилер велин, көп санлы яхудылар ве кесеки миллетлер иман этдилер.

Resul 16:13

Сабат гүни биз шәхерден деря якасына чыкдык. Ол ерде ыбадат эдилйән ериң бардыгыны билйәрдик. Онсоң ол ерде йыгнанан аяллар билен отурып, олара гүррүң бермәге башладык.

Resul 17:10

Доганлар шол гиҗәниң өзүнде Павлус билен Силасы Берия шәхерине ибердилер. Олар шәхере гелип, яхудыларың синагогасына бардылар.

Resul 17:17

Шонуң үчин Павлус синагогада яхудылар ве Реббе сежде эдйән көп санлы греклер билен гүррүңлешди. Шейле хем хер гүн базарда душ гелен адамлара вагыз этди.

Resul 17:2

Павлус адатдакысы ялы синагога гитди ве үч Сабат гүни олар билен Мукаддес Язгылар боюнча гүррүң этди.

Resul 18:19

Эфесе геленлеринде, Павлус Прискилла билен Акиланы шол ерде галдырды. Өзи болса синагога гидип, яхудылар билен Хош Хабар хакда пикир алышды.

Resul 18:4

Павлус хер Сабат гүни синагогада Хош Хабар хакда пикир алшып, яхудылары ве греклери ынандырмага чалышярды.

Resul 19:8

Павлус үч айлап синагога барып, ол ерде халка ынандырыҗы делиллер билен Худайың Шалыгы барада батыргай вагыз этди.

Resul 8:36

Олар ёлда барярка, бир сувлы ериң үстүнден гелдилер. Агта: «Ине, бу ерде сув бар. Мениң чүмдүрилмегиме нәме пәсгел берйәр?» дийди.

Resul 9:22

Шавулың эрк-ыгтыяры болса гүн-гүнден гүйчленйәрди. Ол Исаның Месихдигини субут этмек билен, Дамаскда яшаян яхудыларың башыны чашырды.

Rimliler 1:4

Худай Реббимиз Иса Месихи өлүмден дирелдип, Оны Мукаддес Рухдан долдурды. Шейдип, Онуң Худайың гудратлы Оглудыгы тассыкланды.

Галатялылар 2:20

инди мен дәл-де, мендәки Месих яшаяндыр. Бедендәки яшайшым болса Худайың Оглуна болан иманым аркалыдыр. Ол мени сөйүп, Өзүни мениң үчин гурбан этди.

Аянлык 2:18

«Тиятирадакы йыгнагың перишдесине шуны яз: Гөзлери алавлаян от ялы, аяклары мис ялы ялпылдаян Худайың Оглы шейле диййәр: