Resul 5:14 - Мукаддес Китап

¹⁴ Муңа гарамаздан, Реб Иса иман эденлере гошулан эркекдир аялларың саны барха артярды.

Mukaddes Kitap

¹⁴ Muňa garamazdan, Reb Isa iman edenlere goşulan erkekdir aýallaryň sany barha artýardy.

Resul 5:14 ပူးပေါင်းရင်းမြစ်များ

2 Şamuwel 6:19

Аял-эркек диймән, ысрайыл халкының херсине бир чөрек, бир бөлек эт хем-де кишмиш пайлады. Шондан соң тутуш җемагат өйүне даргады.

Ezra 10:1

Эзра Худайың өйүниң өңүнде йүзүни ере берип аглап, дилег этди ве гүнәлерини боюн алды. Ысрайыллардан улы мәхелле: эркеклер, аяллар ве чагалар онуң дашына үйшдүлер. Олар хем зар-зар аглашдылар.

Нехемя 8:2

Шейдип, единҗи айың биринҗи гүни Эзра Төврадыны халкың өңүне гетирди. Диңләп, эркеклердир аялларың ве бейлеки дүшүнип билҗеклериң хеммеси ол ердеди.

Müsürden çykyş 35:22

Шейлеликде, эркеклер хем, аяллар хем бирликде гелдилер. Оларың хеммеси өз гөвнүнден чыкаран билезиклерини, гулакхалкаларыны ве мөхүр басылан йүзүклер, гүлякалар гетирдилер. Оларың хеммеси алтындан ясаланды. Хеммелер алтындан ясалан затларыны Реббе садака бермек үчин гетирдилер.

Işaýa 45:24

Олар: «Догрулык хем кувват ялңыз Ребдедир» диерлер. Оңа газап билдиренлериң әхлиси хузурына гелип, утанарлар.

Resul 11:24

Онуң Мукаддес Рухдан ве имандан долы бир ягшызада адамдыгы үчин, җуда көп адам Реббе иман этди.

Resul 2:41

Шейлеликде, онуң сөзлерини шатлык билен кабул эденлер сува чүмдүрилди. Шол гүн үч мүңе голай адам иман этди.

Resul 2:47

Худая алкыш окап, бүтин ил ичинде хорматланылярдылар. Худай хем халас боланларың саныны гүнсайын көпелдйәрди.

Resul 22:4

„Исаның Ёлы“ атлы топара дегишли адамлара өлүм ховпуны салып ызарлардым, аял-эркек диймән, элини-аягыны баглап, хеммесини зындана дыкардым.

Resul 4:4

Эмма бу гүррүңлери диңләнлериң энчемеси Иса иман этди. Шонда иман эден эркеклериң саны бәш мүңе етди.

Resul 6:7

Шейлеликде, Худайың Хош Хабары хас-да яйрап, Иерусалимде шәгиртлериң саны барха көпелйәрди. Көп санлы руханылар-да иман этдилер.

Resul 8:12

Эмма Филип Худайың Шалыгы ве Иса Месих барадакы Хош Хабары вагыз эденде, адамлар оңа ынандылар. Аял-эркек диймән оларың хеммеси Исаның ады билен сува чүмдүрилди.

Resul 8:3

Шавул болса йыгнагы даргатмага башлады. Ол өйме-өй айланып, аял-эркек диймән, иманлылары сүйрәп, зындана дыкярды.

Resul 9:2

ондан Дамаскдакы синагогалар үчин хат язып бермегини хайыш этди. Ол ерде «Исаның Ёлы» диен топара дегишли адамлары аял-эркек диймән, кими тапса, эл-аягыны баглап, Иерусалиме гетирмәге ругсат сорады.

Resul 9:31

Бүтин Яхудыядакы, Җелиледәки ве Самариядакы йыгнакларда парахатлык хөкүм сүрүп, иманлылар барха гүйчленйәрди. Олар Ребден горкуп, Мукаддес Рухуң ярдамы билен гүнсайын көпелйәрди.

Resul 9:35

Лидада ве Шарон дүзлүгинде яшаянларың хеммеси Энейи гөрүп, Ребби иман этдилер.

Resul 9:42

Бу хабар бүтин Яфо яйрап, көп адам Реб Иса иман этди.

2 Korintoslylar 6:15

Иса Месих билен шейтаның арасында ылалашык, хей-де, болуп билҗек затмы? Иманлы билен имансызың нәме шәриклиги бар?

Галатялылар 3:28

Инди яхуды дәл билен яхудының, гул билен эркин адамың, эркек билен аялың арасында хич бир парх ёкдур. Иса Месихе дегишли боланыңыз үчин, инди барыңыз бирсиңиз.