Resul 20:31 - Мукаддес Китап

³¹ Шонуң үчин хүшгәр болуң. Үч йыллап гиҗе-гүндиз гөзяшларым билен хер бириңизе үзнүксиз несихат эденими ядыңызда саклаң.

Mukaddes Kitap

³¹ Şonuň üçin hüşgär boluň. Üç ýyllap gije-gündiz gözýaşlarym bilen her biriňize üznüksiz nesihat edenimi ýadyňyzda saklaň.

Resul 20:31 ပူးပေါင်းရင်းမြစ်များ

Эзекиел 3:21

Йөне догручыл адам гүнә этмез ялы, оңа дуйдурыш берсең, ол-да гүнә этмесе, элбетде, ол дири галар, себәби оңа дуйдурыш берилди; сен хем өз җаныңы халас эдерсиң».

Matta 13:25

Хеммелер ятырка, онуң душманы гелип, бугдайларың арасына хашал от экип гидйәр.

Matta 3:7

Яхя фарисейлериң ве саддукейлериң энчемесиниң чүмдүрилмек үчин өз янына гелйәндиклерини гөренде, олара шейле дийди: «Эй, алахөвренлер несли! Гелҗек газапдан гачып гутулып билерис өйдйәңизми?

Luka 21:36

Бу болҗак вакаларың барындан гачып гутулар ялы ве Ынсан Оглуның хузурында дуруп билер ялы, хемише оя болуп, Худая дилег эдиң».

Resul 19:10

Бу иш ики йыл довам этди. Шейдип, Азия велаятында яшаянларың хеммеси: яхудыларам, греклерем Реббиң Хош Хабарыны эшитдилер.

Resul 19:8

Павлус үч айлап синагога барып, ол ерде халка ынандырыҗы делиллер билен Худайың Шалыгы барада батыргай вагыз этди.

Resul 20:11

Онсоң ене ёкары чыкды, биле чөрек ийди ве олар билен даң атянча сөхбет этди. Соңра болса ёла дүшди.

Resul 20:19

Мен көп гөзяш дөкүп, песпәллик билен Реббе хызмат этдим. Яхудыларың гаршыма гуран дилдүвшүклерине ве сынагларына дучар болдум.

Resul 20:7

Хепдәниң биринҗи гүни биле чөрек иймәге йыгнанышдык. Павлус эртеси гүн ёла дүшмекчиди, шонуң үчин ярыгиҗә ченли вагыз этди.

Resul 24:17

Мениң Иерусалимде болманыма энчеме йыл болды, инди болса халкымың гарыпларына садака бермек үчин ол ере гелдим.

1 Korintoslylar 4:14

Мен булары сизи утандырмак үчин дәл-де, сизе несихат болсун дийип язярын, себәби сиз мениң эзиз балаларым ахырын!

Filipililer 3:18

Мен озал муны сизе гайта-гайта айдыпдым. Инди болса аглап, ене айдярын: Месихиң хачына душман болуп яшаянлар көпдүр.

Колосиялылар 1:28

Шейлеликде, биз хеммелере Месих хакда вагыз эдйәрис. Олары Месихиң бедениниң кәмил агзасы хөкмүнде хөдүрләр ялы, хер бир ынсана өвүт-үндев эдип, улы акылдарлык билен таглым берйәрис.

1 Salonikliler 5:14

Эй, доганлар, сизе ялбарярыс: бикәр гезйәнлери язгарың, гөвнүчөкгүнлере гөвүнлик бериң, эҗизлери голдаң, хеммелер бабатда сабыр-такатлы болуң.

2 Salonikliler 2:5

Мен хениз яныңыздакам булары айданым, элбетде, ядыңыздадыр.

2 Salonikliler 3:8

хич кимиң чөрегини мугт иймедик. Гайтам, сизиң хич бириңизе аграм салмаҗак болуп, гиҗе-гүндиз ишләп, зәхмет чекдик.

2 Timoteos 4:5

Сен болса хер ягдайда хүшгәр бол, гөргүлере дөзүмли бол, Хош Хабары яйратмак угрунда зәхмет чек, өзүңе табшырылан хызматы долы битир.

Еврейлер 13:17

Ёлбашчыларыңызың сөзүне гулак асың, олара табын болуң. Олар сизиң җаныңыз үчин Худая хасабат берерлер. Оларың сөзүне гулак асың, себәби олар сизе гөзегчилик эдйәндирлер. Гой, олар борчларыны шатлык билен ерине етирсинлер, гайгы-хасрат чекмесинлер, ёгсам, мунуң сизе пейдасы дегмез.

Аянлык 16:15

«Ине, Мен бир огры кимин гелйәрин! Оя болан багтлыдыр! Ялаңач гезмән, уятларыны гөркезмән, эшиклерини эгнинде саклан багтлыдыр!»