Resul 2:46 - Мукаддес Китап

⁴⁶ Олар бир адам ялы болуп, хер гүн ыбадатханада йыгнанардылар. Бири-бириниңкә мыхманчылыга барып, чөреги бөлүшип иййәрдилер. Чын йүрекден шатланып нахарларыны пайлашардылар.

Mukaddes Kitap

⁴⁶ Olar bir adam ýaly bolup, her gün ybadathanada ýygnanardylar. Biri-biriniňkä myhmançylyga baryp, çöregi bölüşip iýýärdiler. Çyn ýürekden şatlanyp naharlaryny paýlaşardylar.

Resul 2:46 ပူးပေါင်းရင်းမြစ်များ

Нехемя 8:10

Барың яглы эт ийиң, сүйҗи шерап ичиң. Биширмәге зады ёклара пай ибериң, чүнки бу гүн Реббимиз үчин мукаддес гүндүр. Гам чекмәң, чүнки Таңрымызың эчилйән шатлыгы сизе гүйч-кувват берер».

Wagyz 9:7

Гит-де, чөрегиңи шатлык билен ий, шерабыңы гөвнүхошлук билен ич; чүнки Худай сениң эден ишлериңден эййәм разы болды.

Matta 6:22

Бедениң чырасы гөздүр. Гөзүң сагдын болса, тутуш бедениң хем ягты болар.

Luka 11:41

Мәтәчлере йүрекден садака бериң, шонда хеммеси сизиң үчин арасса болар.

Luka 24:30

Иса олар билен сачак башында отырка, чөрек алып, шүкүр этди-де, бөлүп олара берди.

Luka 24:53

Олар хемише ыбадатханада болуп, Худая алкыш окаярдылар.

Resul 16:34

Онсоң олары өйүне салып, өңлерине сачак язды. Ол тутуш өй-ичерси билен бирликде Худая иман эдендигине бегенди.

Resul 2:42

Олар ресулларың таглыматыны өвренмәге, якын гатнашыкда яшамага, биле чөрек иймәге ве дога-дилег этмәге ыхласлы япышдылар.

Resul 20:7

Хепдәниң биринҗи гүни биле чөрек иймәге йыгнанышдык. Павлус эртеси гүн ёла дүшмекчиди, шонуң үчин ярыгиҗә ченли вагыз этди.

Resul 3:1

Бир гүн Петрус билен Ёханна өйлән сагат үчлерде – дога-дилег вагты ыбадатхана гитдилер.

Resul 5:21

Ресуллар муны эшиденлеринде, гүн доган бадына ыбадатхана гелип, халка өвретмәге башладылар. Бу аралыкда баш руханы билен онуң янындакылар гелип, ёкары меҗлиси ве ысрайыл халкының әхли яшулуларыны бир ере чагырдылар. Онсоң зындандан ресуллары гетирмәге адам ёлладылар.

Resul 5:42

Олар хер гүн ыбадатхананың ховлусында ве адамларың өйлеринде халка өвретдилер. Исаның Месихдиги барадакы Хош Хабары дынгысыз вагыз этдилер.

Rimliler 12:8

Эгер несихатчы болса, несихат берсин; мәтәчлере хайыр-сахават эдиҗи болса, муны сахылык билен этсин. Эгер баштутанлык берлен болса, муны ыхлас билен ерине етирсин, рехим-шепагат этмеклик берлен болса, муны гөвүнҗеңлик билен этсин.

1 Korintoslylar 10:16

Эйсем биз шүкүр эдип, шүкүр кәсесинден иченимизде, Месихиң ганына шәрик болмаярысмы? Чөреги бөлүп иенимизде, Месихиң беденине шәрик болмаярысмы?

2 Korintoslylar 1:12

Ине, биз шуңа буйсанярыс: биз хер кес, ылайта-да сиз бабатда Худайың берен гөвначыклыгы ве пәк йүреклилиги билен херекет эдйәрис. Биз муны ынсан даналыгына дәл-де, Худайың мерхеметине даянып эдйәрис. Муңа бизиң ынсабымыз-да шаятдыр.

2 Korintoslylar 11:3

Йөне йыланың Хов энәни кеззаплык билен алдайшы ялы, сизиң-де алданмагыңыздан горкярын. Мен пикирлериңизиң булашдырылып, Месихе болан пәк садыклыгыңыздан айрылармыкаңыз дийип горкярын.

Efesliler 6:5

Эй, гуллар, ердәки хоҗайыныңызың сөзүне эдил Месихиң сөзүне гулак асян ялы, горкы ве титреме билен чын йүрекден гулак асың.

Kanun taglymaty 12:12

Сиз огул-гызларыңыз, гул-гырнакларыңыз билен Худайыңыз Реббиң хузурында шатланып байрам эдиң. Бу байрамчылыга араңызда яшаян левилери хем чагырың, себәби оларың ер пайы я мүлки ёкдур.

Kanun taglymaty 12:7

Ол ерде сиз Худайыңыз Реббиң хузурында өз хоҗалыгыңыз билен билеликде ийип-ичип, Худайыңыз Реббиң сизиң әхли ишлериңизе берекет берени үчин шатланың.

Kanun taglymaty 16:11

Сизиң өзүңиз, огул-гызларыңыз, гул-гырнакларыңыз, галаларыңызда яшаян левилер, шейле хем араңыздакы гелмишеклер, етимлер ве дуллар Худайыңыз Реббиң хузурында, ягны Худайыңыз Реббиң Өзүне ыбадат эдилмеги үчин сайлаҗак еринде шатлансынлар.

Колосиялылар 3:22

Эй, гуллар, әхли затда ердәки хоҗайыныңыза боюн эгиң. Муны ынсанлара говы гөрүнмек үчин, гөзе якымлы ишлер билен дәл-де, Ребден горкмак билен чын йүрекден ерине етириң.