Resul 19:22 - Мукаддес Китап

²² Ол өз ики көмекчисини: Тимотеос билен Эрасды Македония ёллады. Өзи болса бирнәче вагтлап Азия велаятында галды.

Mukaddes Kitap

²² Ol öz iki kömekçisini: Timoteos bilen Erasdy Makedoniýa ýollady. Özi bolsa birnäçe wagtlap Aziýa welaýatynda galdy.

Resul 19:22 ပူးပေါင်းရင်းမြစ်များ

Resul 13:5

Онсоң Саламисе гелип, яхудыларың синагогаларында Худайың Хош Хабарыны вагыз этдилер. Ёханна хем оларың янында болуп, көмек берйәрди.

Resul 16:1

Павлус Дербе ве Листра шәхерлерине гелди. Листрада Тимотеос атлы Исаның бир шәгирди барды. Онуң эҗеси иманлы яхудыды, какасы болса грекди.

Resul 16:3

Павлус Тимотеосы өзи билен әкитмек ислейәрди. Шонуң үчин оны сүннет этдирди, себәби ол ерде яшаян яхудыларың хеммеси Тимотеосың какасының грекдигини билйәрди.

Resul 18:5

Силас билен Тимотеос Македониядан геленлеринден соң, Павлус тутуш вагтыны Иса хакдакы хабары вагыз этмәге багышлады. Ол яхудылара Исаның Месихдиги барада шаятлык этди.

Resul 19:10

Бу иш ики йыл довам этди. Шейдип, Азия велаятында яшаянларың хеммеси: яхудыларам, греклерем Реббиң Хош Хабарыны эшитдилер.

Resul 19:21

Бу вакалардан соң, Павлус Македонияның ве Ахаяның үстүнден гечип, Иерусалиме гитмеги йүрегине дүвди. Павлус: «Ол ерде боланымдан соң, Рими хем гөрмегим герек» дийди.

Resul 19:29

Шейдип, бүтин шәхер галагоплуга дүшди. Халк македониялы Гаюс билен Аристархы тутуп, олары томаша мейданына сүйрәп гетирди. Бу икиси ёлда Павлуса ёлдаш болупдылар.

Resul 20:1

Павлус башагайлык ятышандан соң, шәгиртлери янына чагырып, олара өвүт-несихат этди. Соңра олар билен хошлашып, Македония уграды.

Resul 20:34

Сиз мениң өзүмиң ве ёлдашларымың мәтәчликлерини канагатландырмак үчин, эллерим билен зәхмет чекендигими билйәнсиңиз.

Rimliler 16:23

Мен Павлусы мыхман алып, йыгнаклары өз өйүнде гечирмәге мүмкинчилик дөреден Гаюс сизе салам ёллаяр. Шәхериң газначысы Эраст ве доганымыз Куварт сизе салам ёллаяр.

2 Korintoslylar 1:16

Соңра Македония гидип, ондан соң ене сизе доланмакчыдым. Ол ерден Яхудыя юрдуна мени ёла саларсыңыз диен ниетим барды.

2 Korintoslylar 11:9

Мен араңызда болуп, мәтәчлик чекенимде-де, сизиң хич бириңизе аграм салан дәлдирин. Себәби герек затларымың барыны Македониядан гелен доганларым үпҗүн этдилер. Мен хайсыдыр бир затда сизе аграм салмакдан сакландым, мундан бейләк-де аграм салмарын.

2 Korintoslylar 2:13

Муңа гарамаздан, көңлүм рахат дәлди, себәби мен ол ерде доганым Титусы тапмадым. Шонуң үчин-де, олар билен хошлашып, Македония уградым.

2 Korintoslylar 8:1

Инди болса, эй, доганлар, Худайың Македонияның йыгнакларына берен мерхемети барада билмегиңизи ислейәрис.

2 Korintoslylar 8:19

Мундан башга-да, ол йыгнаклар тарапындан сайланып, хемаят көмегини Иерусалиме әкитмек үчин бизе ёлдаш белленди. Бизиң бу хайырлы ишимиз Ребби шөхратландырып, ярдам этмекдәки ыхласымызы гөркезйәндир.

1 Salonikliler 1:8

Реббиң Хош Хабары сизден әхли ере, хатда Македония билен Ахаядан узак ерлере хем яң салды. Сизиң Худая болан иманыңыз барадакы гүррүң әхли ере яйрады. Бизе ол барада айдара-да зат галмады.

2 Timoteos 4:20

Эраст Коринтосда галды. Трофымы болса яравсызлыгы себәпли Милитосда галдырмалы болдум.