Resul 15:9 - Мукаддес Китап

⁹ Худай оларың иманы аркалы йүреклерини пәкледи. Шейдип, Худай бизиң билен кесеки миллетлериң арасындакы пархы ёк этди.

Mukaddes Kitap

⁹ Hudaý olaryň imany arkaly ýüreklerini päkledi. Şeýdip, Hudaý biziň bilen keseki milletleriň arasyndaky parhy ýok etdi.

Resul 15:9 ပူးပေါင်းရင်းမြစ်များ

Zebur 51:10

Мен болса Худайың өйүндәки гөк өвүсйән зейтун агаҗы ялы; Худайың садык сөйгүсине эбеди ве бакы баглаян били.

Эзекиел 47:22

Сиз биҗе боюнча юрды өзүңизе, ичиңизде яшаян гелмишеклере ве оларың араңызда доглан чагаларына мүлк хөкмүнде пайлаң. Ол гелмишеклер сизиң үчин аслы ысрайыллы хасапланмалыдырлар. Олар хем биҗе боюнча ысрайыл тирелериниң арасында сизиң билен дең мүлк эдинерлер.

Resul 10:15

Сес ене икинҗи гезек оңа: «Худайың халал диен затларына сен харам диймегин» дийди.

Resul 10:28

Петрус олара: «Бир яхудының башга миллетден болан бири билен гатнашмагының я-да онуң янына гитмегиниң бизиң канунымыза гаршыдыгыны өзүңиз билйәнсиңиз. Эмма Худай маңа хич бир адама харам диймели дәлдигими аян этди.

Resul 10:34

Шонда Петрус сөзе башлап, шейле дийди: «Мен, хакыкатдан-да, Худайың хич киме тарапгөйлик этмейәндигине гөз етирдим.

Resul 11:12

Онсоң Мукаддес Рух маңа икирҗиңленмән, олар билен гитмелидигими айтды. Янымдакы бу алты доган хем мениң билен биле гитди, биз ол адамың өйүне бардык.

Resul 14:1

Павлус билен Барнап Икония шәхеринде хем адатдакысы ялы яхудыларың синагогасына бардылар. Ол ерде олар шейле бир тәсирли вагыз этдилер велин, көп санлы яхудылар ве кесеки миллетлер иман этдилер.

Resul 14:27

Антиёха геленлеринден соң, ресуллар йыгнагы бир ере чагырып, олара Худайың өзлери аркалы әхли битирен ишлерини ве яхуды дәллериң иман этмеги үчин, Онуң ачан ёлы барада гүррүң бердилер.

Rimliler 3:22

Иса Месихе иман эдйәнлериң әхлиси Худайың хузурында акланяндырлар. Адамларың арасында хич парх ёкдур,

Rimliler 3:9

Онда нәме, биз яхудылар бейлеки миллетлерден артыкмы? Асла артык дәлдирис! Яхудыларың-да, башга миллетлериң-де гүнәниң туссаглыгындадыгы барада өң айдыпдык ахырын.

Rimliler 9:24

Худайың шейле мерхемет эденлериниң ве чагыранларының арасында диңе яхудылар дәл, эйсем башга миллетлер хем бардыр. Хава, буларың арасында биз хем бардырыс.

1 Korintoslylar 1:2

Худайың Коринтосдакы йыгнагына догайы салам! Иса Месих аркалы Худайың мукаддес халкы болмага чагырыланларың барына догайы салам! Шейле-де хеммәмизиң Реббимиз болан Иса Месихе ыбадат эдйәнлериң барына догайы салам!

1 Korintoslylar 7:18

Эгер кимдир бири сүннетликә чагырылан болса, гой, сүннетлилигини сүннетсизлиге өвүрҗек болуп азара галмасын. Эгер кимдир бири сүннетсизкә чагырылан болса, сүннетленҗек болмасын.

Галатялылар 3:28

Инди яхуды дәл билен яхудының, гул билен эркин адамың, эркек билен аялың арасында хич бир парх ёкдур. Иса Месихе дегишли боланыңыз үчин, инди барыңыз бирсиңиз.

Галатялылар 5:6

Чүнки Иса Месихе дегишли боланларың арасында не сүннетлилигиң, не-де сүннетсизлигиң әхмиети бардыр. Диңе сөйгә даянян иман әхмиетлидир.

Efesliler 3:6

Ине, Худайың сыры шудур: Хош Хабары кабул эдйән яхуды дәллер хем яхудылара берлен ялканыш вадасына, бир бедене, бир мираса дең дереҗеде шәрикдирлер. Себәби оларың хеммеси Иса Месихе дегишлидир.

Колосиялылар 3:11

Бу ярадылышда яхуды дәл билен яхудының, сүннетли билен сүннетсизиң, надан билен медениетсизиң, гул билен азадың арасында хич бир парх ёкдур, эмма Месих хемме затдыр, хемме затдадыр.

1 Petrus 1:22

Инди сиз хакыката гулак асмак билен өзүңизи пәкледиңиз, чын доганлык сөйгүсине эе болдуңыз. Шонуң үчин бири-бириңизи чын йүрекден сөйүң.