Resul 13:43 - Мукаддес Китап

⁴³ Синагогадакы халк гиденден соң, яхудыларың ве яхуды динини кабул эденлериң көпүси Павлус билен Барнабың ызына дүшдүлер. Павлус билен Барнап олара хемише Худайың мерхемети билен яшамакларыны өвүт-несихат этдилер.

Mukaddes Kitap

⁴³ Sinagogadaky halk gidenden soň, ýahudylaryň we ýahudy dinini kabul edenleriň köpüsi Pawlus bilen Barnabyň yzyna düşdüler. Pawlus bilen Barnap olara hemişe Hudaýyň merhemeti bilen ýaşamaklaryny öwüt-nesihat etdiler.

Resul 13:43 ပူးပေါင်းရင်းမြစ်များ

Matta 23:15

Вай халыңыза, Төврат мугаллымлары ве фарисейлер! Эй, икийүзлүлер! Сиз екеҗе адамы өз диниңизе салҗак болуп, деңизлере, дүзлере айланярсыңыз. Диниңизе саланыңыздан соң болса, оны өзүңизден хем ики эссе көп довзахың җезасына сезевар эдйәрсиңиз.

Resul 11:23

Барнап геленде, Худайың мерхеметиниң субутнамасыны гөрүп шат болды. Ол Реббе чын йүрекден садык болмагы хеммелере үндеди.

Resul 13:50

Эмма яхудылар шәхериң ёкары мертебели худайхон аялларыны ве ат-абрайлы эркеклерини Павлус билен Барнабың гаршысына өҗүкдирдилер. Шейлеликде, олары ызарлап, өз юртларындан ковуп чыкардылар.

Resul 14:22

Олар шәгиртлери рухландырдылар ве олара иманда берк дурмагы үндәп: «Худайың Шалыгына гирмегимиз үчин, бизиң көп мушакгатлары башдан гечирмегимиз герек» диййәрдилер.

Resul 14:3

Павлус билен Барнап бу ерде узак вагт галып, Реб Иса хакында батыргайлык билен вагыз этдилер. Иса хем олара аламатлар ве мугҗызалар гөркезмек башарныгыны берип, Өз мерхемети барадакы хабары олар аркалы тассыклады.

Resul 16:14

Бизи диңләп отуранларың арасында Лидия атлы бир сөвдагәр аял хем барды. Ол Тиятира шәхеринден болуп, гырмызы парчалар сатярды. Бу аял Худая сежде эдйәрди. Павлусың сөзлерине гулак асмак үчин, Реб онуң йүрегини ачды.

Resul 17:17

Шонуң үчин Павлус синагогада яхудылар ве Реббе сежде эдйән көп санлы греклер билен гүррүңлешди. Шейле хем хер гүн базарда душ гелен адамлара вагыз этди.

Resul 17:34

Бирнәче адам оңа гошулып иман этди. Оларың арасында меҗлис агзасы Диёнис, шейле хем, Дамара атлы бир аял ве башга-да энчеме адамлар барды.

Resul 17:4

Олардан кәбири Павлус билен Силаса ынанып, олара гошулдылар. Шейле хем Реббе сежде эдйән көп санлы греклер ве ёкары мертебели энчеме аяллар олара гошулдылар.

Resul 18:7

Онсоң Павлус ол ерден чыкып, Титус Юстус атлы бир адамың өйүне барды. Титус Юстус Худая сежде эдйән адам болуп, онуң өйи синагога билен янашыкды.

Resul 2:10

Фрикиядан, Памфилиядан, Мүсүрден, Киринейиң голайындакы Ливиядан геленлер хем бар. Шейле-де Римден гелен яхудылар ве яхуды динини кабул эденлер бар.

Resul 28:23

Шейлеликде, олар Павлус билен душушык гүнүни беллешдилер. Шол гүн онуң болян ерине җуда көп адам гелди. Павлус эртирден агшама ченли олара Худайың Шалыгыны дүшүндирип, вагыз этди. Мундан башга-да олары ынандырып, Төврат билен пыгамберлериң язгыларындан Иса догрусында ынандырыҗы делиллер гетирди.

Resul 6:5

Бу пикир хеммәниң гөвнүнден турды. Илки билен олар иманы гүйчли ве Мукаддес Рухдан долы болан Стефаны сайладылар. Шейле-де Филипи, Прохоры, Никаноры, Тимоны, Пармени ве антиёхлы Николасы сайладылар. Николас өң яхуды динини кабул эденди, инди Иса ынанды.

Rimliler 11:6

Мерхемете гөрә сайланан болсалар, онда ынсан ишлерине гөрә сайланан дәлдир. Ёгса мерхемет мерхемет болмазды.

Rimliler 3:24

Йөне олар Худайың мерхемети аркалы акландылар, Иса Месих аркалы гүнәлериниң җезасындан азат эдилдилер.

Rimliler 5:2

Иса Месих бизе Худайың мерхеметиниң гапысыны ачып берди. Биз иман аркалы бу мерхемете улашып, берк дурус ве Худайың шөхратына шәрик болҗакдыгымыза умыт баглап бегенйәрис.

Rimliler 5:21

Озал гүнә хөкмүрованлык сүрүп, хеммелериң өмүр танапыны гырярды. Инди велин Худайың мерхемети хөкмүрованлык сүрйәр. Шоңа гөрә-де, биз акланып, Реббимиз Иса Месих аркалы бакы яшайша эе болдук.

2 Korintoslylar 5:11

Биз Худайдан горкмагың нәмедигини биленимиз үчин, башгалары хем тоба этмелидиги барасында ынандырҗак болярыс. Бизиң нәхилидигимиз Худая әшгәрдир. Бу сизиң ынсабыңыза хем әшгәрдир диен умыдым бар.

2 Korintoslylar 6:1

Биз Худайың ишдешлери хөкмүнде сизе ялбарярыс: Ондан алан мерхеметиңизи харламаң.

Галатялылар 5:1

Иса Месих бизи азат этмек үчин бошатды. Шонуң үчин-де берк дуруң, гулчулык боюнтырыгыны гайтадан салдырмаң.

Галатялылар 5:4

Эй, өзүни Мукаддес Канун аркалы акламакчы болянлар! Сиз Месихден айрылдыңыз, Худайың мерхеметинден махрум болдуңыз.

Efesliler 2:8

Чүнки сиз иман аркалы Худайың мерхемети билен халас эдилдиңиз. Бу сизиң өз тагаллаңыз билен болмады, муны сизе Худай пешгеш берди.

Filipililer 3:16

Биз сайлан ёлумыз билен өңе тарап гитмели.

Filipililer 4:1

Шунлукда, эй, сөйгүли доганларым, Реббиң хатырасына берк дуруң! Мен гара гөзүңизе зардырын. Эзизлерим, сиз мениң шатлыгым ве башымың тәҗисиңиз.

Колосиялылар 1:23

Элбетде, сиз эшиден Хош Хабарыңызың берен умыдында сарсман, иманда көк уруп, берк дурмалысыңыз. Бу Хош Хабар ер йүзүндәки хер бир ынсана ыглан эдилди. Мен Павлус бу Хош Хабарың хызматчысы болдум.

Колосиялылар 1:28

Шейлеликде, биз хеммелере Месих хакда вагыз эдйәрис. Олары Месихиң бедениниң кәмил агзасы хөкмүнде хөдүрләр ялы, хер бир ынсана өвүт-үндев эдип, улы акылдарлык билен таглым берйәрис.

Titus 2:11

Чүнки Худайың хеммелери халас эдйән мерхемети әшгәр болды.

Еврейлер 12:15

Хүшгәр болуң, хич ким Худайың мерхеметинден махрум болмасын. Бир аҗы көк гөгерип, сизе эзъет бермесин, көп адамлар мунуң билен зәхерленмесин.

Еврейлер 13:9

Хер хили кесеки таглыматлара көңүл берип, ёлуңызы урдурмаң. Калбыңызың ийип-ичмек адатларындан дәл-де, Худайың мерхеметинден беркемеги оңатдыр. Себәби ийип-ичмек адатларына эерйәнлер мундан хич хили хайыр гөрен дәлдир.

1 Petrus 5:12

Бу гысга хатымы сизе садык доганым Силван аркалы яздым. Мунуң билен сизи рухландырып, Худайың хакыкы мерхеметине шаятлык этдим.

2 Petrus 3:14

Шоңа гөрә-де, эй, сөйгүли доганлар, булара гарашяндыгыңыз үчин, Худайың назарында парахатлыкда яшап, пәк ве айыпсыз болмага җан эдиң.

1 Ёханна 2:28

Инди, эй, балалар, Месих геленде ынамымыз болуп, Онуң хузурында утанмаз ялы, Онуң билен яшалың.

2 Ёханна 1:9

Ёлуны урдурып, Месих хакдакы таглыматдан дашлашан адамда Худай ёкдур. Эмма бу таглымат боюнча яшаян адамда Ата-да, Огул-да бардыр.