Resul 11:26 - Мукаддес Китап

²⁶ Оны тапып, Антиёха гетирди. Шейдип, Барнап билен Шавул бир йыллап ол ердәки йыгнаклары бир ере топлап, көп адамлара таглымат өвретдилер. Шәгиртлере илкинҗи гезек Антиёх шәхеринде «месихилер» дийлип ат берилди.

Mukaddes Kitap

²⁶ Ony tapyp, Antiýoha getirdi. Şeýdip, Barnap bilen Şawul bir ýyllap ol ýerdäki ýygnaklary bir ýere toplap, köp adamlara taglymat öwretdiler. Şägirtlere ilkinji gezek Antiýoh şäherinde «mesihiler» diýlip at berildi.

Resul 11:26 ပူးပေါင်းရင်းမြစ်များ

Işaýa 65:15

Адыңызы Өз сайланларыма гаргыш үчин галдырарсыңыз. Хөкмүрован Реб сизи өлүме хөкүм эдип, башга ат берер Өз бенделерине.

Matta 28:19

Шонуң үчин хем гидиң-де, әхли миллетлери шәгирт эдиң, олары Ата, Огул ве Мукаддес Рухуң адындан сува чүмдүриң.

Ёханна 2:2

Иса билен шәгиртлери хем тоя чагырылыпды.

Resul 1:15

Бир гүн Петрус йыгнанышан йүз йигримә голай доганларың ортасында дуруп, шейле дийди:

Resul 11:20

Оларың арасында Кипрден ве Киринейден Антиёха гелен кәбир иманлылар барды. Олар Реб Иса барадакы Хош Хабары ол ердәки башга миллетлере-де вагыз этдилер.

Resul 11:22

Бу хакдакы хабарлар Иерусалимдәки йыгнага барып етди. Олар Барнабы Антиёха ёлладылар.

Resul 11:27

Шол гүнлерде Иерусалимден Антиёха бирнәче пыгамберлер гелдилер.

Resul 11:29

Шонда шәгиртлериң әхлиси гүйчлериниң етдигинден яхудыялы доганлара голдав үчин пул ёлламагы карар этдилер.

Resul 14:20

Эмма шәгиртлер дашына үйшенлеринде, Павлус еринден туруп, шәхере гайтды. Эртеси гүн ол Барнап билен Дербә тарап ёла дүшди.

Resul 14:22

Олар шәгиртлери рухландырдылар ве олара иманда берк дурмагы үндәп: «Худайың Шалыгына гирмегимиз үчин, бизиң көп мушакгатлары башдан гечирмегимиз герек» диййәрдилер.

Resul 14:23

Павлус билен Барнап хер бир йыгнак үчин ёлбашчылар белледилер. Соңра дога-дилег эдип, агыз бекләп бу ёлбашчылары өзлериниң иман эден Реббине табшырдылар.

Resul 14:27

Антиёха геленлеринден соң, ресуллар йыгнагы бир ере чагырып, олара Худайың өзлери аркалы әхли битирен ишлерини ве яхуды дәллериң иман этмеги үчин, Онуң ачан ёлы барада гүррүң бердилер.

Resul 14:28

Ресуллар узак вагтлап шәгиртлер билен биле болдулар.

Resul 18:27

Аполло Ахая гитмеги йүрегине дүвди. Эфесдәки доганлар ол ердәки шәгиртлере оны оңат гаршы алмакларыны сорап, хат яздылар. Аполло Ахая гелип, Худайың мерхемети билен иман эденлере улы көмек этди.

Resul 19:9

Эмма кәбирлери кечҗаллык эдип, ынанмак ислемедилер ве халкың өңүнде «Исаның Ёлы» атлы топары яманламага башладылар. Шейлеликде, Павлус оларың янындан гайтды ве иманлылары-да өзи билен алып гайтды. Ол Тиран диен адамың диванханасында хер гүн сөхбет этди.

Resul 20:1

Павлус башагайлык ятышандан соң, шәгиртлери янына чагырып, олара өвүт-несихат этди. Соңра олар билен хошлашып, Македония уграды.

Resul 20:30

Хатда өз араңыздан кәбир адамлар чыкып, шәгиртлери ызына эертдирҗек болуп, хакыкаты ёярлар.

Resul 21:4

Биз шәгиртлери тапып, ол ерде еди гүн галдык. Шәгиртлер Мукаддес Рухуң угрукдырмагы билен Павлуса Иерусалиме гитмели дәлдигини айтдылар.

Resul 26:28

Агрип Павлуса: «Мени гысга вагтың ичинде ырып, месихи этҗек болярсыңмы?» дийди.

Resul 6:1

Шол гүнлерде шәгиртлериң саны барха артярды. Эмма грекче геплейән иманлылар арамейче геплейән иманлыларың гүнделик иймит пайлашыгында дул аяллары гөзден саляндыклары үчин оларың үстүнден шикаят этдилер.

Resul 6:5

Бу пикир хеммәниң гөвнүнден турды. Илки билен олар иманы гүйчли ве Мукаддес Рухдан долы болан Стефаны сайладылар. Шейле-де Филипи, Прохоры, Никаноры, Тимоны, Пармени ве антиёхлы Николасы сайладылар. Николас өң яхуды динини кабул эденди, инди Иса ынанды.

Resul 9:19

Соңра нахарланып, гайтадан кувватланды. Шавул бирнәче гүнләп Дамаскда шәгиртлериң янында галды.

Resul 9:38

Лида шәхери Яфо шәхерине голайды. Шәгиртлер Петрусың Лидададыгыны эшидип, онуң янына ики адамы ёлладылар ве: «Гиҗикдирмән, бизиң янымыза гел» дийип хайыш этдилер.

1 Korintoslylar 11:18

Биринҗиден, Худайың йыгнагы хөкмүнде үйшениңизде, араңызда агзалалыкларың боляндыгы барадакы гүррүңлер мениң гулагыма дегйәр. Мен муңа аз-кем ынанман-да дурамок.

1 Korintoslylar 12:12

Беден бир болса-да, агзалары көпдүр. Агзалары көп болса-да, олар бүтеви бир тени эмеле гетирйәрлер. Месих бабатда хем шейледир.

1 Korintoslylar 14:23

Эгер бүтин йыгнак бир ере йыгнанып, хериңиз нәмәлим дилде гүрләп дуркаңыз, оңа дүшүнмейән я-да иман этмедик адамлар мунуң үстүне гелсе, нәме ойларлар? Олар: «Сиз акылыңыздан азашыпсыңыз» диймезми?

1 Korintoslylar 4:17

Ине, Тимотеосы шу максат билен яныңыза ибердим. Ол мениң сөйгүли оглум ве Реббиң садык гулудыр. Ол мениң Иса Месихиң йөрелгесине эерйәндигими сизе ятладар. Мен әхли ерде ве хер йыгнакда бу йөрелгә эермеги өвредйәндирин.

Ýakup 2:7

Сизиң дегишли болан Худайыңызың бейик адына дил етирйәнлер хем байлар дәлми нәме?

1 Petrus 4:14

Месихиң ады себәпли кемсидилйән болсаңыз, багтыярсыңыз, себәби Худайың шөхратлы Рухы сизде месген тутандыр.

1 Petrus 4:16

Ким месихи болуп эҗир чекйән болса утанмасын. Ол бу ат билен Худайы шөхратландырсын.

1 Ёханна 2:27

Эмма Месихиң сизе берен Мукаддес Рухы өзүңизде галяндыр, сизе өвретмегиң гереги ёк. Мукаддес Рухуң сизе өвредйән хер бир зады ялан дәл-де, хакыкатдыр. Онуң сизе өвредиши ялы, Месих билен яшамалысыңыз.

Аянлык 3:18

Гел, Мен саңа маслахат берейин: баяр ялы, Менден отда арассаланан алтыны сатын ал; ялаңачлыгың айбыны өртер ялы, Менден ак эгин-эшик сатын ал; гөрүп билер ялы, Менден гөзүңе мелхем сатын ал.