Resul 10:43 - Мукаддес Китап

⁴³ Әхли пыгамберлер хем Иса хакда шаятлык этдилер. Иса иман эден хер бир адамың гүнәлериниң Онуң адының хатырасына багышланҗакдыгыны айтдылар».

Mukaddes Kitap

⁴³ Ähli pygamberler hem Isa hakda şaýatlyk etdiler. Isa iman eden her bir adamyň günäleriniň Onuň adynyň hatyrasyna bagyşlanjakdygyny aýtdylar».

Resul 10:43 ပူးပေါင်းရင်းမြစ်များ

Işaýa 53:11

Җанының чекен җебир-җепаларының хөзирини гөрүп, ол канагатланар. Өз билшине гөрә, Мениң догры гулум көплери аклар, өз үстүне алар оларың этмишини.

Ýermeýa 31:34

Мундан бейләк хич ким өз гарындашына я-да дост-ярларына: „Ребби танаң!“ дийип өвретмез, себәби оларың улудан-кичә хеммеси Мени танар. Мен оларың этмишлерини багышларын, инди гүнәлерини ятламарын». Муны Реб айдяндыр.

Даныел 9:24

Җенаятчылыгы ёк эдип, гүнәлериң соңуна чыкмак үчин, этмишлерден сапланмак ве эбеди догручыллыгы беркарар этмек үчин, велилиги хем пыгамберлиги мөхүрлемек ве иң мукаддеси сечип-сайламак үчин сениң халкыңа ве мукаддес шәхериңе едийыллык етмиш мөхлет карар эдилди.

Mika 7:18

Өз мирасындан аман галанларың языгыны багышлап, гүнәсини гечйән башга Худай бармыка? Газабыны эбеди сакламаяр Ол, чүнки Ол мерхемет гөркезмеги сөййәр.

Закаря 13:1

Шол гүн Давудың неслини хем-де Иерусалимиң халкыны гүнәден ве харамлыкдан сапламак үчин бир чешме чыкар.

Malaky 4:2

Йөне Мениң адымдан горкян сиз үчин шөхлеси билен шыпа берҗек адалат гүнеши догар. Сиз шонда газыгындан бошанан гөле ялы бөкүшерсиңиз.

Mark 16:16

Иман эдип чүмдүрилен халас болар, йөне иман этмедиге хөкүм эдилер.

Luka 24:47

Шейле хем тоба эдип, гүнәлериниң багышланмагы барадакы Хош Хабары Иерусалимден башлап, әхли миллетлере Онуң адындан вагыз эдилмелидир.

Ёханна 1:45

Филип Натанаели тапып, оңа: «Биз Мусаның Төврадында ве бейлеки пыгамберлериң язгыларында язылан Адамы тапдык. Ол насыралы Юсубың оглы Иса экен!» дийди.

Ёханна 20:31

Йөне булар сизиң Исаның Худайың Оглы Месихдигине иман этмегиңиз үчин ве иман эдип, Онуң ады билен яшайша говушмагыңыз үчин язылды.

Ёханна 5:24

Хакыкатдан хем, Мениң сөзлерими диңләп, Мени Иберене иман эден адам бакы яшайша эе боляндыр, ол хөкүм эдилмез. Ол өлүмден яшайша гечендир.

Resul 15:9

Худай оларың иманы аркалы йүреклерини пәкледи. Шейдип, Худай бизиң билен кесеки миллетлериң арасындакы пархы ёк этди.

Resul 2:38

Петрус олара шейле дийди: «Тоба эдиң, хер бириңиз Иса Месихиң ады билен сува чүмдүрилиң. Шонда сизиң гүнәлериңиз багышланар ве Мукаддес Рухуң пешгешини аларсыңыз.

Resul 26:18

Шонда олар түмлүкден нура, шейтаның хөкмүрованлыгындан Худая тарап өврүлерлер. Маңа иман этмек аркалы оларың гүнәлери багышланып, олар Худайың мукаддес халкы билен биле мирас аларлар“ дийди.

Resul 26:22

Эмма шу гүне ченли Худай маңа медет берди. Шонуң саясында улудан-кичә, хеммелере шаятлык эдип гелйәрин. Болҗак затлары өңден хабар берен пыгамберлериң ве Мусаның айданларындан башга хич зат өвреден дәлдирин.

Resul 3:16

Ине, сизиң гөрйән хем танаян бу адамыңыз Исаның адына болан иманы аркалы гөзүңизиң алнында бүтинлей сагалды. Сизиң хеммәңизиң гөршүңиз ялы, Иса болан бу иман оны сагалтды.

Resul 3:18

Эмма Худай Өз Месихиниң гөрги гөрҗекдиги барада әхли пыгамберлериң үсти билен өңден айданларыны берҗай этди.

Rimliler 10:11

Мукаддес Язгылар хем: «Оңа бил баглан утандырылмаз» диййәндир.

Rimliler 3:21

Йөне инди Худай акланманың Кануна дахылсыз ёлуны гөркезди. Бу ёл барада Төврат ве пыгамберлериң язгылары хем шаятлык эдйәр.

Rimliler 5:1

Шейлеликде, биз иманымыз билен акланып, Реббимиз Иса Месих аркалы Худай билен ярашдык.

Rimliler 6:23

Чүнки гүнәниң музды өлүм, Худайың пешгеши болса Реббимиз Иса Месих аркалы берилйән бакы яшайышдыр.

Rimliler 8:1

Шейлеликде, Иса Месихе дегишли боланлар инди асла хөкүм эдилмез.

Rimliler 8:34

Худайың халкыны ким хөкүм эдип билер? Хич ким, себәби өлүмден дирелен Иса Месих Худайың сагында отурып, бизиң үчин төвелла эдйәр.

Галатялылар 3:22

Эмма Мукаддес Язгыларың ыглан этмегине гөрә, бизиң әхлимиз гүнәниң туссагларыдырыс. Худай болса бизе вада берен пешгешини Иса Месихе иман эдйәнимиз үчин берйәр.

Efesliler 1:7

Худай чуңңур бай мерхемети билен Оглуның дөкен ганы аркалы гүнәлеримизи багышлап, бизи азат этди.

Колосиялылар 1:14

Оглы аркалы гүнәлеримизи багышлап, бизи азатлыга чыкарды.

Еврейлер 13:20

Ислегини амала ашырмагымыз үчин, гой, парахатлык берйән Худай бизи әхли герекли затлар билен үпҗүн этсин. Ол Реббимиз Исаны эбедилик әхт баглашян ганы аркалы өлүмден дирелтди ве Оны Өз халкының бейик Чопаны эдип белледи. Гой, Худай Өзүни хошнут эдйән ишлери этмегимиз үчин, Иса Месих аркалы бизи кәмиллешдирсин. Иса Месихе бакы шан-шөхрат болсун! Омын.

1 Petrus 1:11

Оларың калбындакы Месихиң Рухы Онуң чекмели эҗирлери ве эҗирлерден соңкы шан-шөхраты барада овалдан әшгәр этди. Олар буларың нәхили ве нәвагт болҗакдыгы барада Мукаддес Рухуң нәме гөркезйәндигини аңламага чалышдылар.

Аянлык 19:10

Мен перишдә сежде этмек үчин, онуң аякларына йыкылдым. Эмма ол маңа шейле дийди: «Ёк, маңа сежде этме! Мен хем сен ве Иса барада шаятлык эдйән доганларың ялы Худайың бир гулудырын. Диңе Худая сежде эт! Иса барада шаятлык эдйәнлер пыгамберлик рухуна эе боляндырлар».