Resul 10:38 - Мукаддес Китап

³⁸ Худайың насыралы Исаны Мукаддес Рух ве гүйч-гудрат билен долдурып, Оны сайлап-сечендигини билйәнсиңиз. Иса чар тарапа айланып, көп ягшы ишлер этди, иблисиң хөкмүрованлыгындан эҗир чекйәнлериң барына шыпа берди, себәби Худай Онуң биленди.

Mukaddes Kitap

³⁸ Hudaýyň nasyraly Isany Mukaddes Ruh we güýç-gudrat bilen dolduryp, Ony saýlap-seçendigini bilýänsiňiz. Isa çar tarapa aýlanyp, köp ýagşy işler etdi, iblisiň hökmürowanlygyndan ejir çekýänleriň baryna şypa berdi, sebäbi Hudaý Onuň bilendi.

Resul 10:38 ပူးပေါင်းရင်းမြစ်များ

2 Йыл язгылары 17:9

Олар Яхудада тәлим бердилер. Янларына Реббиң канун китабыны алып, Яхуданың әхли шәхерлерине айланып, халка тәлим бердилер.

Zebur 2:2

Реббе ве Онуң сайланына гаршы дүнйә шалары аяга галяр; хөкүмдарлар биригйәр ве баш галдыряр.

Zebur 2:6

«Мукаддес дагым Сионда Мендирин Өз патышамы отурдан».

Zebur 45:7

Миллетлер арлаяр, шалыклар-да ыраняр, Ол гыгыряр – шонда дүнйә эрейәр.

Işaýa 11:2

Реббиң Рухы: даналык хем пайхас, маслахат хем гүйч-гудрат, Ребби билмек хем Ондан горкмак рухы Онуң үстүнде болар.

Işaýa 42:1

Ине, Мениң голдаян бендәм, гөвнүхош болуп сайланым; Рухумы оңа бердим, ол миллетлере адалат гетирер.

Matta 12:15

Эмма Иса фарисейлериң бу ниетини билип, ол ерден гитди. Көп адамлар Онуң ызына дүшдүлер, Иса хем оларың арасындакы хассалары сагалтды.

Matta 12:28

Мен арвах-җынлары Худайың Рухы аркалы ковян болсам, онда Худайың Шалыгы сизе-де гелендир.

Matta 9:19

Иса туруп, шәгиртлери билен биле ол адамың ызына дүшүп гитди.

Matta 9:35

Иса шәхерлердир обаларың барыны айланып, ол ердәки синагогаларда сапак берйәрди. Шалык хакдакы Хош Хабары вагыз эдип, хер хили кеселлере ве дертлере шыпа берйәрди.

Mark 6:6

Иса оларың имансыздыгына гең галды. Шондан соң Иса төверекдәки обалара айланып вагыз этди.

Luka 3:22

Мукаддес Рух кепдери гөрнүшде Онуң үстүне инди. Гөкден: «Сен Мениң сөвер Оглумсың. Мен Сенден көп разыдырын» диен оваз гелди.

Luka 4:18

«Реббиң рухы үстүмдедир. Гарыплара Хош Хабары билдирмегим үчин, Ол Мени сечип-сайлады; туссаглара азатлыгы, көрлере гөзүниң ачылҗакдыгыны ыглан этмәге Ол Мени иберди. Зулум астындакылары азатлыга чыкармага, Реббиң мерхемет йылыны җар этмәге Мени иберди».

Luka 9:42

Чага Исаның янына гелйәркә, арвах-җын оны ере уруп, көп силтерледи. Эмма Иса арвах-җына кәйәп, чаганы сагалдып, атасына говшурды.

Ёханна 10:32

Иса олара: «Мен Атам тарапындан сизе көп ягшылыклар этдим. Буларың хайсысы үчин Мени дашлаҗак болярсыңыз?» дийди.

Ёханна 16:32

Ине, вагт гелер, эййәм гелди хем, әхлиңиз өйли-өйүңизе даргашып гидерсиңиз. Мени еке ташлап гидерсиңиз. Эмма Мен еке дәлдирин, себәби Атам Мениң билендир.

Ёханна 3:2

Ол бир гүн гиҗе Исаның янына гелип: «Я Рабби, биз сениң Худайдан гелен бир мугаллымдыгыңы билйәрис. Чүнки Худайың Өзи сениң билен болмадык болса, бейле гудратлы аламатлары гөркезип билмездиң» дийди.

Ёханна 3:34

Худайың Иберени Худайың сөзлерини сөзлейәндир, себәби Худай Оңа Мукаддес Рухы өлчегсиз берйәр.

Ёханна 6:27

Заяланян иймит үчин дәл-де, бакы яшайыш берйән иймит үчин ыхлас эдиң, оны сизе Ынсан Оглы берер. Чүнки Атамыз Худайың Өзи бу иши Оңа табшырандыр» дийип җогап берди.

Resul 10:37

Яхя сува чүмдүрилиш барада вагыз этмәге башландан соңра, Җелиледен башлап, бүтин Яхудыяда болан вакалардан хабарыңыз бардыр.

Resul 2:22

Эй, ысрайыл халкы! Бу сөзлере гулак асың: өз билшиңиз ялы, Худай насыралы Иса аркалы араңызда гудратлар, мугҗызалар ве аламатлар гөркезди. Мунуң билен Ол Исаның ыгтыярлыгыны тассыклады.

Еврейлер 1:9

Сен догрулыгы сөйүп, йигренйәрсиң пислиги. Шонуң үчин Мен Худай, Сениң Худайың, Сени ёлдашларың ичинден сечип-сайладым, башыңа шатлык ягыны гуйдум».

1 Petrus 5:8

Хүшгәр ве оя болуң. Душманыңыз иблис арлайҗы арслан ялы айланып, авуны агтарып йөрендир.

1 Ёханна 2:20

Сизиң хеммәңиз болса хакыкаты билйәнсиңиз, чүнки Иса Месих сизе Мукаддес Рухы берди.

1 Ёханна 3:8

Гүнә эдйән адам иблисе дегишлидир, себәби иблис башлангычдан бәри гүнә эдип гелйәндир. Эмма Худайың Оглы иблисиң ишлерини ёк этмек үчин гелди.