Нехемя 8:10 - Мукаддес Китап

¹⁰ Барың яглы эт ийиң, сүйҗи шерап ичиң. Биширмәге зады ёклара пай ибериң, чүнки бу гүн Реббимиз үчин мукаддес гүндүр. Гам чекмәң, чүнки Таңрымызың эчилйән шатлыгы сизе гүйч-кувват берер».

Mukaddes Kitap

¹⁰ Baryň ýagly et iýiň, süýji şerap içiň. Bişirmäge zady ýoklara paý iberiň, çünki bu gün Rebbimiz üçin mukaddes gündür. Gam çekmäň, çünki Taňrymyzyň eçilýän şatlygy size güýç-kuwwat berer».

Нехемя 8:10 ပူးပေါင်းရင်းမြစ်များ

1 Patyşalar 8:66

Шундан соң Сүлейман халкы өйли-өйүне угратды. Олар патышаны ялкап, Реббиң Өз гулы Давуда, халкы ысрайыла гөркезен әхли ягшылыклары үчин шатланып, гөвнүхошлукда өйли-өйлерине гайтдылар.

1 Йыл язгылары 16:27

Онуң хузурындадыр хормат, шан-шөхрат, Онуң меканындадыр шатлык ве кувват.

Нехемя 8:11

Шейдип, левилер: «Үмсүм болуң, бу гүн мукаддес гүндүр, гамгын болмаң!» дийип, халкы көшешдирдилер.

Нехемя 8:12

Онсоң бүтин халк ийип-ичип, өзлеринде бар затларыны башгалар билен пайлашып, улы шагалаң этмәге гитдилер. Чүнки олар окалып берлен сөзлере дүшүнипдилер.

Ester 9:19

Шонуң үчин обаларда яшаян яхудылар Адар айының он дөрдүнҗи гүнүни шатлык, той-мейлис, байрам гүни хөкмүнде белләп, шол гүн олар бири-бирлерине той пай иберйәрлер.

Zebur 149:2

Ысрайыл Яраданына шатлансын! Сион перзентлери Шасына, гой, бегенсин!

Zebur 89:17

Худайымыз Таңрың мерхемети биз билен болсун. Хайырлы эт эллеримизиң ишини, хава, эллеримизиң иши хайырлы болсун!

Süleýmanyň pähimleri 17:22

Шадыян йүрек оңат шыпадыр, сынык рух сүегиңи гурадяндыр.

Wagyz 11:2

Эмләгиңи еди, хатда секиз кишә пайла, чүнки сен бу дүнйәде нәхили бетбагтчылыгың болҗакдыгыны билйән дәлсиң.

Wagyz 2:24

Адама ийип-ичмекден ве чекен зәхметинден леззет алмакдан башга говы зат ёк. Эмма мунуң-да Худайдандыгына гөз етирдим.

Wagyz 3:13

Хер кесиң ийип-ичип, өз бар зәхметинден леззет алмагы Худайың берен сылагыдыр.

Wagyz 5:18

Шейле хем Худай бир адама байлык, мал-мүлк берип, оңа булардан леззет алмага, такдырына кайыл болуп, өз зәхметинден леззет алмага кувват берен болса, бу Худайың пешгешидир.

Wagyz 9:7

Гит-де, чөрегиңи шатлык билен ий, шерабыңы гөвнүхошлук билен ич; чүнки Худай сениң эден ишлериңден эййәм разы болды.

Nagmalar 5:1

Эй, эзизим, гелинлигим, мен багыма гелйәрин; мүрүм билен атырымы йыгнаян, бал өйҗүгими, балымы иййән, шерабымы, сүйдүми ичйән. Ийиң, эй, сөйгүли ярлар! Эй, ышкың есирлери, ийип-ичиң, ышкдан мес болуң!

Işaýa 49:5

Якуп неслини Өзүне гайтармагым үчин, Ысрайылы Онуң өңүне топламагым үчин, ятгыдакам маңа шекил берип, бендесине өвүрди Реб мени. Мен Реббиң назарында хормат газандым, Худайым мениң гүйч-гудратым болды.

Işaýa 61:10

Ребде шатланарын Мен, җаным Худайымда җошар, чүнки Ол мени гутулыш лыбасына беследи, гиевиң тәч гейши дек, гелниң шай-сеп билен безениши дей, Мени догрулык доны билен өртди.

Ýowel 2:23

Эй, Сион перзентлери, бегениң, Бейик Худайыңызда шатланың! Чүнки адалат үчин, Ол гүйз ягшыны ягдырды; Ол сизе болелин ягшы эчилди. Озал болшы ялы ягдырды, гүйз хем-де яз ягышларыны.

Закаря 14:21

Иерусалимдәки хем-де Яхудадакы хер бир газан Хөкмүрован Реббе багыш эдилер. Гурбанлык бермәге геленлер олары гурбанлык этини биширмек үчин уланарлар. Шол гүнден бейләк Хөкмүрован Реббиң ыбадатханасында екеҗе-де сөвдагәр болмаз.

Luka 11:41

Мәтәчлере йүрекден садака бериң, шонда хеммеси сизиң үчин арасса болар.

2 Korintoslylar 8:2

Олар агыр мушакгатларда сыналса-да, җошгунлы шатлыкдан долуп-дашярлар. Гарыплыгы ченден агыр болса-да, сахылыга байдырлар.

Filipililer 3:4

Эгер ынсан гүйҗүне даянмалы болса, онда бу бабатда мениң долы тутарыгым бардыр. Эгер ене кимдир бири тене даянмага тутарыгы бардыр өйтсе, мениңки ондан-да көпдүр.

Аянлык 11:10

Ер йүзүниң илаты оларың бу ягдайына бегенишип, байрам эдер, бири-бирлерине совгатлар ёллар. Себәби бу ики пыгамбер ер йүзүнде яшаянлара көп сүтем эдипди».

1 Şamuwel 25:8

Өз йигитлериңден сорасаң айдарлар. Инди сенем мениң йигитлерим билен мылакатлы бол, чүнки биз яныңа сәхетли гүни гелдик. Өз гулларыңа хем оглуң Давуда нәмәң бар болса бермегиңи товакга эдйәрин“».