Нехемя 6:16 - Мукаддес Китап

¹⁶ Бизиң душманларымызың ве төверегимиздәки миллетлериң әхлиси муны эшиденлеринде, гаты горкуп, муны өзлерине кемлик билдилер. Себәби олар бу ишиң Худайымызың көмеги билен эдилендигине гөз етирдилер.

Mukaddes Kitap

¹⁶ Biziň duşmanlarymyzyň we töweregimizdäki milletleriň ählisi muny eşidenlerinde, gaty gorkup, muny özlerine kemlik bildiler. Sebäbi olar bu işiň Hudaýymyzyň kömegi bilen edilendigine göz ýetirdiler.

Нехемя 6:16 ပူးပေါင်းရင်းမြစ်များ

Нехемя 2:10

Эмма хоронлы Санбаллат ве Аммон велаятының векили Тобыя бир адамың ысрайыл халкының бәхбидини арап гелендигини эшиденлеринде, гахар-газаба мүндүлер.

Нехемя 4:1

Санбаллат бизиң дивары өрүп йөренимизи эшиденде, гаты гахарланды. Ол газап донуны гейип, яхудыларың үстүнден гүлмәге башлады.

Нехемя 4:7

Эмма Санбаллатдыр Тобыя, араплардыр аммонлар ве ашдотлылар Иерусалим диварларының гурлушыгының үстүнликли амала ашырыляндыгыны, дивар гәдиклериниң битирилип баряндыгыны эшиденлеринде, гаты гахарландылар.

Нехемя 6:17

Мундан башга-да, шол гүнлер Яхуданың беглери Тобыя көп хат ёлладылар. Тобыяның хатлары хем олара гелди.

Zebur 126:2

Экленмек үчин дер дөкмегиңиз, ир туруп, гич ятмагыңыз пучдур. Хава, Ол сөййәнине хатда ятырка-да рысгал берйәндир.

Zebur 129:5

Мен Реббе интизар, җаным интизар, мен Онуң сөзүне умыт баглаян.

Zebur 147:2

Чүнки Ол дервезелериңиң килтлерини беркидйәр, галадакы чагаларыңа ак пата берйәр.

Müsürden çykyş 14:25

Реб оларың сөвеш арабаларының тигирлерини батга батырды, шонуң үчин хем, олара арабаларыны сүрмек гаты кын дүшди. Шонда мүсүрлилер: «Йөрүң, ысрайыллардан гачалың, чүнки Мүсүриң гаршысына олар үчин Реб сөвешйәр» дийдилер.

Ýermeýa 33:9

Дүнйәдәки хемме миллетлер олара этҗек әхли ягшылыкларымы эшидерлер. Бу шәхер оларың өңүнде Мениң үчин ат-абрай, шатлык, өвги хем шөхрат болар. Әхли миллетлер Иерусалимиң халкына эден ягшылыкларым ве эчилен парахатлыгым себәпли горкуп титрешерлер“.

Çölde 23:23

Якуба хич бир дога-җады тәсир этмез, Ысрайылың гаршысына тәлей гараның пейдасы ёкдур. Инди болса Ысрайыл ве Якуп хакда: „Гөр, Худайың эден затларыны!“ диерлер.

Resul 5:38

Инди бу адамлардан эл чекиң, олары бошадып гойбериң, себәби бу иш ынсандан болса, онда өз-өзүнден ёк болуп гидер.

Ýeşuwa 2:11

Булары эшиденимизде, йүрегимиз бүкгүлдеди, сизден горкымыз себәпли бизде ысгын-мыдар галмады. Сизиң Худайыңыз Реб гөкде хем, ерде хем Худайдыр.

Ýeşuwa 2:9

ве олара шейле дийди: «Реббиң бу юрды сизе берендигини мен билйәрин. Бизи горкы гуршап алды ве бу ериң әхли илаты сиз себәпли довла дүшди.

Ýeşuwa 5:1

Иордан дерясының гүнбатарындакы әхли амор ханлары ве деңзиң якасында яшаян әхли кенган ханлары ысрайыллар Иордан дерясындан гечйәнчә, Реббиң оны гурадандыгыны эшиденлеринде, оларың йүреги бүкгүлдеди. Ысрайыллар себәпли оларда хич хили гүйч-гурбат галмады.