Нехемя 6:1 - Мукаддес Китап

^1-2 Санбаллат, Тобыя, Гешем арап ве бейлеки душманларымыз мениң дивары гуруп гутардандыгымы, онда екеҗе гәдигиң хем галмандыгыны (дервезелер энтек ерине отурдылмадык хем болса) эшиденлеринде, Санбаллат билен Гешем мениң яныма адам иберип: «Гел, Оно дүзлүгиндәки бир обада душушалы» дийдилер. Олар маңа каст этмеги йүреклерине дүвүпдилер.

Mukaddes Kitap

^1-2 Sanballat, Tobyýa, Geşem arap we beýleki duşmanlarymyz meniň diwary gurup gutardandygymy, onda ýekeje gädigiň hem galmandygyny (derwezeler entek ýerine oturdylmadyk hem bolsa) eşidenlerinde, Sanballat bilen Geşem meniň ýanyma adam iberip: «Gel, Ono düzlügindäki bir obada duşuşaly» diýdiler. Olar maňa kast etmegi ýüreklerine düwüpdiler.

Нехемя 6:1 ပူးပေါင်းရင်းမြစ်များ

Нехемя 13:4

Мундан озал Худайымызың өйүниң отагларына гөзегчи белленен ве Тобыяның гарындашы болан руханы Эляшып Тобыя үчин гиң бир отаг тайынлан экен. Өң шол отагда галла садакасыны, якымлы ыслы түтетгини, гап-гачлары табшырык боюнча левилере, айдымчылара ве дервезебанлара берилйән галланың, шерабың, ягың ондан бирини хем-де руханылар үчин гатанчлары саклаян экенлер.

Нехемя 2:10

Эмма хоронлы Санбаллат ве Аммон велаятының векили Тобыя бир адамың ысрайыл халкының бәхбидини арап гелендигини эшиденлеринде, гахар-газаба мүндүлер.

Нехемя 2:19

Эмма хоронлы Санбаллат, аммон эмелдары Тобыя ве Гешем арап дагы муны эшиденлеринде, бизи әсгермезлик эдип, бизиң үстүмизден гүлүп: «Бу этҗек болян задыңыз нәме? Патышаның гаршысына питне турузмакчы болярмысыңыз?» дийдилер.

Нехемя 3:1

Онсоң баш руханы Эляшып ве онуң руханы доганлары Гоюн дервезесини тәзеден гуруп, онуң гапыларыны отуртдылар. Онсоң олар дивары Йүзлер диңине ве Хананел диңине ченли гуруп, оны хем Худая багыш этдилер.

Нехемя 3:3

Хасенаның огуллары Балык дервезесини бина этдилер. Олар онуң пүрслерини гоюп, дервезәниң гапыларыны ерине отурдып, нурбатларыны ве килтлерини дакдылар.

Нехемя 3:6

Пасеяның оглы Ёяда билен Бесодяның оглы Мешуллам Көне дервезәни дикелтди. Олар пүрслери гоюп, дервезәниң гапыларыны ерине отурдып, онуң нурбатларыны ве килтлерини дакдылар.

Нехемя 4:1

Санбаллат бизиң дивары өрүп йөренимизи эшиденде, гаты гахарланды. Ол газап донуны гейип, яхудыларың үстүнден гүлмәге башлады.

Нехемя 7:1

Ине, дивар өрүлип, гапылар ерине отурдылды, дервезебанлар, айдымчылар, левилер белленди.

Даныел 9:25

Шуны билип гой ве дүшүн: Иерусалими тәзеден дикелтмек үчин чыкан буйрукдан тә сечип-сайланҗак хөкүмдарың дөврүне ченли еди едийыллык гечер. Алтмыш ики едийыллыгың ичинде Иерусалимде мейданчалар ве гарымлар ене-де тәзеден гурлар. Эмма бу хем мушакгатлы заманда болар.