Нехемя 12:27 - Мукаддес Китап

²⁷ Иерусалим дивары Худая багыш эдиленде, левилери Иерусалиме гетирҗек болуп, әхли ерлерден гөзледилер. Левилер шатлык, шүкүрлердир ве айдымлар билен кимваллар, арфалар ве лиралар билен Иерусалим диварының багыш эдилиш дабарасыны беллемек үчин герекди.

Mukaddes Kitap

²⁷ Iýerusalim diwary Hudaýa bagyş edilende, lewileri Iýerusalime getirjek bolup, ähli ýerlerden gözlediler. Lewiler şatlyk, şükürlerdir we aýdymlar bilen kimwallar, arfalar we liralar bilen Iýerusalim diwarynyň bagyş ediliş dabarasyny bellemek üçin gerekdi.

Нехемя 12:27 ပူးပေါင်းရင်းမြစ်များ

2 Şamuwel 6:12

«Реб Обедедомың хоҗалыгыны хем-де оңа дегишли боланларың әхлисини Худайың сандыгы үчин ялкады» дийип, Давут патыша хабар бердилер. Давут гидип, Худайың сандыгыны улы шатлык билен Обедедомың өйүнден Давут галасына гетирди.

1 Patyşalar 8:63

Сүлейман Реббе саламатлык гурбанлыгы хөкмүнде йигрими ики мүң өкүз, бир йүз йигрими мүң гоюн берди. Шейдип, патыша ве бүтин ысрайыл халкы Реббиң өйүниң ачылыш дабарасыны этдилер.

1 Йыл язгылары 13:8

Давут хем-де әхли ысрайыллар Худайың хузурында лира, арфа, депрек, кимвал хем-де сурнай чалып, җошуп айдым айдярдылар ве танс эдйәрдилер.

1 Йыл язгылары 15:16

Давут левилериң баштутанларына шатлык-шагалаң этмек үчин, өз доганларының арасындан айдымчылары хем-де арфа, лира, кимвал ялы саз гуралларыны чалып билйәнлери тайын этмәге буйрук берди.

1 Йыл язгылары 15:28

Шейдип, ысрайыллар шагалаң билен, шахдан эдилен сурнайларың, кернайларың, кимвалларың шовхуны, арфадыр лираларың белент овазы билен Реббиң Әхт сандыгыны гетирдилер.

1 Йыл язгылары 15:4

Соңра ол Харуның несиллерини хем-де левилери топлады:

1 Йыл язгылары 16:42

Хейманың, Едутуның элинде саз чалмак үчин сурнайлардыр кимваллар барды. Худай үчин айдым айдянлара-да саз гуралларыны берди. Едутуның огулларыны дервезебан эдип гойды.

1 Йыл язгылары 16:5

Асаф – башлык, Закаря онуң көмекчиси болды, Егиел, Шемирамот, Ехиел, Матытя, Элияп, Беная, Обедедом хем-де Егиел – арфа хем лира, Асаф – кимвал чалмалыдылар.

1 Йыл язгылары 23:5

дөрт мүңи дервезебанлар, ене дөрт мүңи мениң өвги айтмак үчин ясан саз гуралларымда Ребби шөхратландырмалыдырлар» дийди.

1 Йыл язгылары 26:31

Ерия хебронларың баштутаныды. Давудың патышалыгының кыркынҗы йылында оларың несил дарагтларына середилди. Шонда Гилгатдакы Язерде хебронларың арасындан эдермен адамлар тапылды.

2 Йыл язгылары 29:25

Давудың, патышаның гөргүри Гатың ве Натан пыгамбериң табшырыгы боюнча, патыша левилери кимваллар, арфалардыр лиралар билен Реббиң өйүнде ерлешдирди. Бу табшырыгы Реб пыгамберлериң үсти билен берипди.

2 Йыл язгылары 29:30

Хизкия патыша ве онуң баштутанлары левилере Давудың ве Асаф гөргүриң сөзлери билен Реббе алкыш айтмагы табшырдылар. Олар шатлык билен алкыш айдып, дыза чөкүп ыбадат этдилер.

2 Йыл язгылары 5:13

Сурнайчылар билен нагмачылар бир адам ялы болуп, Реббе алкыш айдып, шүкүр этдилер. Сурнайлардыр кимваллар ве бейлеки саз гураллары билен сеслерини гаталдып: «Ол ягшы, Онуң сөйгүси бакы» дийип, Реббе алкыш айданларында, өй – Реббиң өйи булутдан долды.

2 Йыл язгылары 7:6

Руханылар өз везипелеринде дурдулар, левилер-де Давудың табшырышы ялы: «Онуң садык сөйгүси бакыдыр!» дийип, Реббе өвги айтдылар. Олар Давут патышаның ясадан саз гураллары билен саз чалдылар. Левилериң өңүнде руханылар сурнай чалдылар. Бүтин ысрайыл халкы дик дурды.

Ezra 6:16

Онсоң ысрайыл халкы, руханылардыр левилер ве сүргүнден гайдып гелен башгалар хем Худайың бу өйүниң багышланма дабарасыны улы шатлык билен белледилер.

Нехемя 11:20

Ысрайылың, руханыларың ве левилериң галанлары болса Яхуданың әхли галаларында, өз мүлклериндедилер.

Нехемя 12:43

Шол гүн олар көп гурбанлыклар берип шатландылар. Чүнки Худай олара улы шатлык эчилипди. Аяллардыр чагалар-да шатланышып, Иерусалимиң шовхуны алыслардан эшидилди.

Нехемя 8:17

Есирликден гайдып геленлериң әхлиси чатма дикип, онда вагтлайын болдулар. Чүнки Нунуң оглы Ешуваның дөврүнден тә шол гүне ченли ысрайыл халкы бейле зат этмәнди. Олар шейле улы шады-хоррамлык этдилер.

Zebur 149:3

Олар танс эдип, Оны шөхратландырсын, депрекде, лирада Оңа мукамлар чалсын!

Zebur 30:1

Айдымчылар топарының ёлбашчысына. Давудың мезмуры.

Kanun taglymaty 16:11

Сизиң өзүңиз, огул-гызларыңыз, гул-гырнакларыңыз, галаларыңызда яшаян левилер, шейле хем араңыздакы гелмишеклер, етимлер ве дуллар Худайыңыз Реббиң хузурында, ягны Худайыңыз Реббиң Өзүне ыбадат эдилмеги үчин сайлаҗак еринде шатлансынлар.

Kanun taglymaty 20:5

Соңра баштутанлар эсгерлере йүзленип, шейле дийсинлер: „Ким тәзе җай гуруп, хениз онда яшамадык болса, ол адам ызына – өйүне гайтсын, ёгсам ол урушда вепат болайса, онуң өйүнде башга бири яшар.

Filipililer 4:4

Ребде шатланың. Ене-де гайталаярын: шатланың!

Аянлык 5:8

Ол дүйрленен кагызы элине аланда, дөрт махлук ве йигрими дөрт яшулы Гузының өңүнде йүзин дүшүп, Оңа сежде этдилер. Оларың хер бириниң элинде арфа ве якымлы ыслы түтетгиден долы алтын кәсе барды. Бу якымлы ыслы түтетгилер Худайың халкының дога-дилеглеридир.