Matta 5:9 - Мукаддес Китап

⁹ Парахатлык дөредйәнлер багтлыдыр, чүнки олара Худайың огуллары дийлер.

Mukaddes Kitap

⁹ Parahatlyk döredýänler bagtlydyr, çünki olara Hudaýyň ogullary diýler.

Matta 5:9 ပူးပေါင်းရင်းမြစ်များ

1 Йыл язгылары 12:17

Давут оларың өңүнден чыкып, шейле дийди: «Эгер мениң яныма ягшы ниет, көмек этмек максады билен гелен болсаңыз, онда орнуңыз йүрегимиң төрүнде, йөне зорлук этмедик халымда мени душманларыма сатмак үчин гелен болсаңыз велин, муны ата-бабаларымызың Худайы гөрүп, сизиң җезаңызы берсин».

Zebur 120:6

Гүнортан чагы Гүн сени урмаз, гиҗесине Ай зепер етирмез.

Zebur 34:12

Ягшылыгыма яманлык эдйәр, мениң җанымы хоссарсыз гойяр.

Matta 5:45

Шонда сиз гөкдәки Атаңызың огулларыдыгыңызы субут эдерсиңиз. Гөкдәки Атаңыз Өз гүнешини яманларың хем, ягшыларың хем үстүне догдуряр, ягмырыны догруларың хем, эгрилериң хем үстүне ягдыряр.

Matta 5:48

Шейлеликде, гөкдәки Атаңызың кәмил болшы ялы, сиз хем кәмил болуң».

Luka 20:36

Асла өлмезлер, себәби олар перишделер ялыдыр. Олар дирелишиң перзентлеридиклери үчин Худайың перзентлеридир.

Luka 6:35

Душманларыңызы сөйүң, ягшылык эдиң, ызына алмасыз карз бериң. Шонда сизиң сылагыңыз улы болуп, Бейик Худайың огуллары боларсыңыз, себәби Ол гадыр билмезлере-де, пислере-де мәхирлидир.

Resul 7:26

Эртеси гүн Муса ики ысрайыллы адамың давалашып дураныны гөрди ве янларына барып, олары ярашдырмага сынанышды. Олара: „Эй, адамлар, сиз доган ахыры! Нәме үчин бири-бириңизе азар берйәрсиңиз?“ дийди.

Rimliler 12:18

Оңардыгыңыздан хеммелер билен парахат яшаҗак болуң.

Rimliler 8:14

Себәби Мукаддес Руха эерйәнлер Худайың перзентлеридир.

Rimliler 8:16

Мукаддес Рух бизиң рухумыз билен бирликде Худайың перзентлеридигимизе гүвә гечйәр.

Rimliler 8:19

Худайың Өз перзентлериниң шөхратыны аян этҗек пурсадына бүтин ярадылыш хем сабырсызлык билен гарашяр.

1 Korintoslylar 6:6

Терсине, доган доганы билен казыетде давалашяр. Мунуң үстесине-де, олар муны имансызларың өңүнде эдйәрлер!

2 Korintoslylar 13:11

Шунлукда, эй, доганлар, шатланың! Догры ёла дүшмеги ниет эдиниң, айдянларыма гулак асың, бир пикирде болуң, парахат яшаң. Шонда сөйги ве парахатлык Худайы сизиң хемраңыз болар.

2 Korintoslylar 5:20

Шоңа гөрә-де, биз Иса Месихиң илчилеридирис. Худай биз аркалы йүзленйәр. Биз сизе Месихиң хатырасына ялбарярыс: Худай билен ярашың!

Галатялылар 5:22

Мукаддес Рухуң мивелери болса шулардыр: сөйги, шатлык, парахатлык, сабырлылык, мәхрибанлык, ягшылык, садыклык,

Efesliler 4:1

Реббиң угрунда туссаглыкда болан мен сизден Худайдан алан чагырылышыңыза мынасып яшамагыңызы хайыш эдйәрин.

Filipililer 4:2

Мен Эводия-да, Синтихә-де ялбарярын: Реббиң хатырасына ылалашыклы болуң.

Колосиялылар 3:13

Бири-бириңизе сабырлылык билен чыдаң. Араңызда өйке-кине бар болса, бири-бириңизи багышлаң. Реббиң сизи багышлайшы ялы, сиз хем багышлаң.

Еврейлер 12:14

Хеммелер билен оңшуклы болуң. Халал яшамага дырҗашың, ёгса Ребби гөрүп билмерсиңиз.